Auzitegi Nazionalak Belateko lanen esleipena ikertuko du
Koldo auziaren instrukzioaren ardura duen epaileak gaur jakinarazi du erabakia. UPNk eta PPk Maria Chiviteren dimisioa eskatu dute.
Belateko tunelen lanen artxiboko irudia.
Guardia Zibilaren UCO unitateak Belateko tunelen esleipenaren inguruan egindako txostena aintzat hartu, eta Ismael Moreno Auzitegi Nazionaleko epaileak lan horien adjudikazioa ikertuko du. Koldo auzitik banandutako piezan txertatuko du ikerketa.
Astelehen honetan igorritako probidentzia batean, epaileak jakinarazi du polizia judizialak txostena osatzeko eta informazio osoa bidaltzeko zain dagoela, aurrera begirako erabakiak hartzeko.
Iaz Auzitegi Gorenera igorritako beste txosten batean ere, Belateko lanen esleipenari buruzko ustezko irregulartasunen berri eman zuen UCOk. Zehazki, Accionak Construccion, Excavaciones Fermin Oses eta Servinabar enpresek osatutako taldearekin izenpetutako 62,8 milioi euroko kontratua aipatzen zen.
UPNk obra haien adjudikazioarekin lotutako salaketa bat jarri zuen, irregulartasunak egon zirela argudiatuta, eta operazio hartan Santos Cerdan PSOEko Antolakuntza idazkari ohiak izan omen zuen esku-hartzea ere jarri zuten jomugan ikertzaileek.
Erreakzioak
Berehala iritsi dira erreakzioak, eta PPNk zein UPNk Maria Chivite Nafarroako Gobernuko presidentearen dimisioa eskatu dute.
Agiri batean, Javier Garcia PPNko presidenteak esan du ikerketa berri honek Foru Gobernuak azken urteotan hartutako erabaki nagusienetako bat zalantzan jarri duela, eta Chivitek legitimitate guztia galdu duela presidente izaten jarraitzeko.
Bide beretik, Cristina Ibarrola UPNko presidenteak ere esan du UPNk azken hilabeteotan salatu duena berretsi duela ANk gaurko erabakiarekin.
Te puede interesar
EAJren "legatua" bere egin nahi dutenei mezua, Estebanek: "Ez da oinordetzan hartzen, defendatu nahi izan ez zena"
Ekitaldi politikoa egin dute jeltzaleek Bilbon, Sabino Aranak EAJ sortu zuela 131 urte bete direnean. "Atzo mespretxatu zituenak, gaur ez du haien txapela janzteko eskubiderik", esan du, zuzenean aipatu gabe, baina EH Bilduri erreferentzia eginez.
Arabako Aldundiak Manzanosko saihesbidea ireki du eta herriko trenbide-pasaguneko trafikoa kendu
Arabako ahaldun nagusi Ramiro Gonzalezek eta Mugikortasun Jasangarriaren eta Bide Azpiegituren Saileko foru diputatu Jon Nogalesek Manzanosko saihesbidea inauguratu dute astelehen honetan. Proiektuak 3,8 milioi euroko inbertsioa izan du, eta horri esker, Añanako kuadrillako herri hori zeharkatzen duen trenbide-pasaguneko ibilgailuen trafikoa itxi egin dute.
Villarejoren defentsak dio Kitchen operazioa legezkoa izan zela
Komisario ohiaren defentsak ukatu egin du sarearen helburua Barcenas PPren diruzain ohiari alderdiaren material konprometituta lapurtzea zela, eta Barcenasi berari egotzio dio auzia sortzea, "komunikabideei begira". Fiskaltzak 19 urteko kartzela-zigorra ezarri nahi dio komisario ohiari.
Espainiako Gobernuak etxebizitzaren dekretua onartzea irailera atzeratu du, babes nahikorik ez duelako
Astearte honetan Ministroen Kontseiluan onartzekoa zen testuak Sumar, PSOE, EAJ, Junts eta Podemosen proposamenak biltzen ditu; besteak beste, alokairu-kontratuak luzatzea, lurzoruaren legea erreformatzea, pizgarri fiskalak ezartzea eta etxegabetzeak etetea.
Sanchezek adierazi du "ordu zailak" datozela suteen kudeaketan
Pedro Sanchez Espainiako Gobernuko presidenteak Vall d'Uixon (Castello) piztutako sutea kontrolatzeko Aginte Postu Aurreratua bisitatu du. Aipaturiko sutearen ondorioz, 6.500 hektarea erre dira eta 16.000 pertsona baino gehiago ebakuatu dituzte. Horrez gain, Serra d'Espada inguruan 65.000 pertsona konfinatu dituzte.
Klima larrialdiari aurre egiteko estatu ituna "lehentasun nazionala" dela adierazi du Sanchezek
Espainiako gobernuburuak babesleku klimatikoen sarearen aurkezpenean adierazi duenez, alderdi politikoei eta eragile sozialei behin eta berriz eskatuko die klima larrialdiari aurre egiteko estatu itunera batu daitezela.
Pedro Sanchez: "Larrialdi klimatikoak hil egiten du"
Babesleku Klimatikoen Sarearen aurkezpenean, Espainiako Gobernuko presidenteak adierazi du "udak gero eta gogorragoak, suntsigarriagoak eta hilgarriagoak" direla.
Biktimen ondorengoek eta Otxandioko Udalak sarraskiaren aitortza eskatu dute
Duela 90 urte, frankisten altxamendua izan eta lau egunera, Otxandio bonbardatu zuten. Gaur, eraso faxista hark hildako 61 pertsonak gogoratu dituzte herrian, horietako asko haurrak. Biztanleria zibilaren aurkako lehen aire-erasoa izan zen gerra hartan.
Pradalesek Agirre lehendakariaren "arrastoari eta balioei jarraitzeko" deia egin du
Imanol Pradales lehendakariak Jose Antonio Agirre lehendakariaren "bideari jarraitzeko" deia egin du. Haren baloreak eta haren lantaldeak erakutsitako umiltasuna eta egiteko modua eredugarri jo ditu Pradalesek.