EAJren "legatua" bere egin nahi dutenei mezua, Estebanek: "Ez da oinordetzan hartzen, defendatu nahi izan ez zena"
Ekitaldi politikoa egin dute jeltzaleek Bilbon, Sabino Aranak EAJ sortu zuela 131 urte bete direnean. "Atzo mespretxatu zituenak, gaur ez du haien txapela janzteko eskubiderik", esan du, zuzenean aipatu gabe, baina EH Bilduri erreferentzia eginez.
Euzko Alderdi Jeltzaleak bere "legatu historikoaren" defentsa irmoa egin eta, orain, "historia berridatzi" eta legatu hori bere egin nahi dutenen jarrera kritikatu du. "Ez da oinordetzan hartzen defendatu nahi izan ez zena, gainera kontra egon direnean. Izen horietako bakoitzak Alderdi honetatik eraiki, sufritu edo amestu zuen Euskadi, ez bazter batetik begira. Eta atzo mespretxatu zituenak, gaur ez du haien txapela janzteko eskubiderik. Ez dauka!", esan du Aitor Esteban EAJren EBBko presidenteak.
Zuzenean aipatu ez badu ere, EH Bilduri zuzendutako mezua izan da. "Agirre lehendakaria besarkatzen ari dira, euretako bat balitz bezala... Juan de Ajuriaguerra eta Xabier Arzallus aipatzen amaituko dute, beti defendatu izan balituzte bezala", esan du buruzagi jeltzaleak
131 urte beteko dira Sabino Aranak EAJ sortu zuela, San Inazio egunean. Gaur egin dute ekitaldi politikoa urteurrena gogoratzeko, Aranaren omenez eraikitako monolitoan, Bilbon, eta han hitz egin du Estebanek, alderdikideak, Imanol Pradales lehendakaria eta sailburu jeltzaleak aurrean zituela. "EAJren legatua da, ez beste inorena", esan du.
PSE-EEri, kritika
Jaurlaritzako bazkide duen PSE-EEri ere igorri dio mezua, eta "lehentasun nazionala" kontzeptua jeltzaleekin lotu izana gogor gaitzetsi du. Azaldu duenez, EAJrentzat "nazioa eraikitzea ongizatea eraikitzea" izan da betidanik, eta hori da duen lehentasuna.
"Euskadi kanpotik begiratu eta batzuetan ulertzen ez gaituztenei: EAJ ez da alderdi erosoa inorentzat, ez gara inorenak. Ez gaude Madrilgo gobernu baten poltsikoan, ezta beste inoren agendan ere. Zerbaiten alde egiten dugunean, Euskadiri komeni zaiolako babesten dugu", erantsi du.
Madrilgo Gobernuari, mezua
Gernikako Estatutua osorik betetzeko oraindik eskualdatzeke dauden eskumenak ere izan ditu hizpide, eta Madrilgo Gobernuaren jarrera deitoratu du, hitzartutakoa ez betetzeagatik. Haren hitzetan, ez dago "borondate politikorik" falta diren hainbat transferentzia bideratzeko.
"Madrileko zekenkeriaz ohituta gaude, ikaragarrizko lana egin behar da beti, badakigu. Baina ez dugu atzera egingo gauza bat legez adostuta dagoenean. Ez gabiltza mesede eske, zera eskatzen dugu: gobernatzen duenak gobernatzen duela, izenpetutakoa, betetzea. Ez betetzea onartezina da", adierazi du.
Te puede interesar
Arabako Aldundiak Manzanosko saihesbidea ireki du eta herriko trenbide-pasaguneko trafikoa kendu
Arabako ahaldun nagusi Ramiro Gonzalezek eta Mugikortasun Jasangarriaren eta Bide Azpiegituren Saileko foru diputatu Jon Nogalesek Manzanosko saihesbidea inauguratu dute astelehen honetan. Proiektuak 3,8 milioi euroko inbertsioa izan du, eta horri esker, Añanako kuadrillako herri hori zeharkatzen duen trenbide-pasaguneko ibilgailuen trafikoa itxi egin dute.
Villarejoren defentsak dio Kitchen operazioa legezkoa izan zela
Komisario ohiaren defentsak ukatu egin du sarearen helburua Barcenas PPren diruzain ohiari alderdiaren material konprometituta lapurtzea zela, eta Barcenasi berari egotzio dio auzia sortzea, "komunikabideei begira". Fiskaltzak 19 urteko kartzela-zigorra ezarri nahi dio komisario ohiari.
Espainiako Gobernuak etxebizitzaren dekretua onartzea irailera atzeratu du, babes nahikorik ez duelako
Astearte honetan Ministroen Kontseiluan onartzekoa zen testuak Sumar, PSOE, EAJ, Junts eta Podemosen proposamenak biltzen ditu; besteak beste, alokairu-kontratuak luzatzea, lurzoruaren legea erreformatzea, pizgarri fiskalak ezartzea eta etxegabetzeak etetea.
Sanchezek adierazi du "ordu zailak" datozela suteen kudeaketan
Pedro Sanchez Espainiako Gobernuko presidenteak Vall d'Uixon (Castello) piztutako sutea kontrolatzeko Aginte Postu Aurreratua bisitatu du. Aipaturiko sutearen ondorioz, 6.500 hektarea erre dira eta 16.000 pertsona baino gehiago ebakuatu dituzte. Horrez gain, Serra d'Espada inguruan 65.000 pertsona konfinatu dituzte.
Klima larrialdiari aurre egiteko estatu ituna "lehentasun nazionala" dela adierazi du Sanchezek
Espainiako gobernuburuak babesleku klimatikoen sarearen aurkezpenean adierazi duenez, alderdi politikoei eta eragile sozialei behin eta berriz eskatuko die klima larrialdiari aurre egiteko estatu itunera batu daitezela.
Pedro Sanchez: "Larrialdi klimatikoak hil egiten du"
Babesleku Klimatikoen Sarearen aurkezpenean, Espainiako Gobernuko presidenteak adierazi du "udak gero eta gogorragoak, suntsigarriagoak eta hilgarriagoak" direla.
Biktimen ondorengoek eta Otxandioko Udalak sarraskiaren aitortza eskatu dute
Duela 90 urte, frankisten altxamendua izan eta lau egunera, Otxandio bonbardatu zuten. Gaur, eraso faxista hark hildako 61 pertsonak gogoratu dituzte herrian, horietako asko haurrak. Biztanleria zibilaren aurkako lehen aire-erasoa izan zen gerra hartan.
Pradalesek Agirre lehendakariaren "arrastoari eta balioei jarraitzeko" deia egin du
Imanol Pradales lehendakariak Jose Antonio Agirre lehendakariaren "bideari jarraitzeko" deia egin du. Haren baloreak eta haren lantaldeak erakutsitako umiltasuna eta egiteko modua eredugarri jo ditu Pradalesek.
Duela 30 urte hil zuen ETAk Isidro Usabiaga, Ordizian
Usabiaga garabi enpresaren jabea oso ezaguna eta estimatua zen herrian. Enpresariak "iraultza zerga" ordaindu zuen, baina ETAk Poliziari laguntzea leporatu zion. Milaka bizilagun irten ziren kalera atentatua gaitzesteko eta Usabiagaren senideei elkartasuna adierazteko.