Iruñea iraunkorra, barneratzailea eta atsegina nahi dute alkategaiek
Iruñea berdea, iraunkorra, barneratzailea, parekidea eta atsegina dira Alkatetza lortu nahi duten hautagaien erronka nagusietako batzuk, Efe albiste-agentziari eskainitako elkarrizketetan azaldu dutenez, baina bakoitzak bere ikuspuntua ematen dio alor bakoitzari.
Enrique Maya Navarra Sumaren hautagaiak esna du Iruñean "enpleguaz, civivox berriez, haur-eskolez edo ongi eginiko peatonalizazioez" hitz egin beharra dagoela, eta horregatik lehentasuna Udalak "benetan garrantzitsuak diren gaiez" arduratzea dela, "nazionalisten obsesio diren banderak eta gaztetxeak atzean utzita".
"Lau urtez erabateko geldialdian bizi izan gara, Pio XIII.eko lardaskeriaz eta erdiguneko zirkulazio aldaketez gain, ez da ezer egin, eta iritsi da galdutako denbora berreskuratzeko garaia. Horretarako, 330 proposamen jasotzen dituen programa zehatza prestatu dugu", azpimarratu du hautagaiak.
Horrek esandakoaren erabat kontrako ikuspegia izan du Joseba Asiron alkate eta EH Bilduren alkategaiak, hiri anitzaren alde egin baitu "iruindar sentitzeko modu desberdinak daudelako" eta "denak direlako interesgarriak, guztiak direlako gureak eta denek ematen digutelako zerbait".
Horregatik, "gizonen eta emakumeen berdintasunaren alde, iragana oroitzen baina aurrera begiratzen duen hiri baten alde, munduan egoteko modu iraunkorragoaren alde egiten duen hiri baten alde" lan egiten jarraituko duela hitzeman du.
Itziar Gomez Geroa Bairen hautagaiak hiria "Europako hiri iraunkor, berritzaile, inteligente eta gizatiarrenen bidean" jarri nahi du.
Maite Esporrin PSNren hautagaiak uste du "hiriaren benetako arazoei" egin behar zaiela aurre, eta, horren harira, "politika nazionalisten legegintzaldia atzean utzi eta aurrerapenak egiteko garaia" dela esan du.
Andoni Romeo Aranzadi-Equoko alkategaiaren arabera, lehentasuna "hiriaren arazo larrienari aurre egitea da, alokairuaren prezio igoera neurrigabeari, alegia". Hori dela eta, "alokairuaren burbuila zulatzea eta etxebizitzarako eskubidea bermatzea" jarri ditu helburu.
Edurne Egino Ezkerraren alkategaiaren lehentasunen artean ere etxebizitzarako eskubidea dago, eta horretarako udal etxebizitza guztiak birgaitzea proposatu du, autobus geltoki zaharrekoak barne, eta etxebizitza hutsaren zerga ezarri alokairu sozialerako jarri nahi ez dutenei.
Zure interesekoa izan daiteke
EAJk irabazi du Bilbon eta Donostian, EH Bilduk Gasteizen eta UPNk Iruñean
Alderdi jeltzaleak babesa galdu du erakundeetan, eta koalizio abertzaleak hazkunde handia izan du lurralde guztietan.
Joseba Asiron, EH Bildu: ''Gehiago gara, eta prest gaude eskuinari atea ixteko''
Joseba Asiron eta Laura Aznal ospatzen ari dira Iruñean eta Nafarroan lortutako emaitza onak. Lehenengoak, gainera, ziurtatu du Udalean gehiengo aurrerakoia izango dela, eta gehiengo hori EH Bilduk zuzenduko duela.
Botoa ematera joateko deia egin diete hautagai guztiek herritarrei
Ideologia ezberdinak alde batera utzita, hautagai guztiek bat egin dute gaur haien eskaeran, abstentzioaren beldur. Hala, gaurko hitzordua oso garrantzitsua dela nabarmendu dute guztiek.
Nafarroako Gobernua eskuinaren edo ezkerraren esku uztea erabaki beharko dute herritarrek
PSNren Gobernua aldatzeko irrikitan daudenei dei egin die UPNren hautagaiak. Chitivek eskuinaren alternatiba izaten jarraitu nahi du eta EH Bilduk eta Geroa Baik aldaketa gidatu.
Kanpaina itxiera sutsua egin dute Nafarroako hautagai nagusiek
Elkarrizketa eta bizikidetza jorratzeko, Gobernu aurrerakoi trinko eta sendoa izateko, lau urte gehiago beharrezko direla, azpimarratu du Maria Chivite PSNko presidentegaiak.
Alderdiek bozkatzera joateko deia egin dute hauteskunde kanpainaren amaieran
EAJk eta Elkarrekin Podemosek Bilbon eman diote amaiera kanpainari; EH Bilduk, Donostian; eta PSE-EEk eta PPk, Gasteizen.
Azken txanpa indar politikoentzat, M28ko hauteskundeei begira
Biharko hausnarketa egunaren bezperan, abstentzioa mobilizatzeko eta ezbaian daudenak konbentzitzeko azken ahalegina egingo dute gaur hautagaiek.
Igandean aro berri bat zabaldu daitekeela Nafarroan adierazi dute hautagai guztiek
Foru Erkidegoari dagokionez, Iruñean ikusi ditugu Nafarroako presidente-gaiak eta Iruñeko alkate-gaiak. Bozkatzera joateko deia egin dute denek.
Nafarroako Gobernuan egon diren alderdiek euren lorpenetan jarri dituzte indarrak
Azken txanpan sartu da kanpaina eta Gobernuan egon diren alderdiek euren lorpenetan jarri dituzte indarrak. Oposizioak, ordea, egin gabeak eta gaizki egindakoak salatu ditu.
Atsedenik ez hauteskunde-kanpainan, ezta igandean ere
EAEko eta Nafarroako hautagaiak jo eta ke dabiltza hauteskunde-kanpainaren erdian, badakitelako asko dagoela jokoan, eta boza bakoitzagatik borroka egin behar dutela. Gauzak horrela, gaur, igandea izanda ere, ekitaldiz josita dator eguna.