Iruñeko AHTa feminismoa eta euskararen defentsa, Nafarroako kanpainan
UPN
Javier Esparza eta Enrique Maya UPNko hautagaiek ohartarazi dute “akats historikoa” izango litzatekeela Prestazio Handiko Trenari “ezetz esatea”. Esparzak eta Mayak gogoratu dutenez, trena eraikitzeko inbertsio osoa (675 milioi euro) Estatuak egingo du, eta ez Nafarroak.
Esparzaren hitzetan, Nafarroarentzat “atzerapauso bat” litzateke tren horri uko egitea. Etxabakoitzen izan dira UPNko hautagaiak, bertan eraikiko baita Iruñeko geltokia.
“XXI. mendeko trenarekin gure konpromisoa adierazi nahi dugu”, adierazi dute.
GEROA BAI
Nafarroako Parlamentura Geroa Bairen zerrendako hirugarren Koldo Martinezek “diskriminazio positiboa” defendatu du euskararentzako, “bizilekua edozein hizkuntza eremutan edukita ere, nafar guztion ondarea baita”.
Horrela esan du Martinezek koalizioak Iruñeko Konpainia enparantzan, Hizkuntza Eskola parean hain zuzen ere, egin duen ekitaldian.
Martinezek, bere koalizioak defendatzen duen hizkuntza politika “diskriminazio postiboan oinarritzen dela” defendatu du, “ahulena den hizkuntza babesteko berdintasuna eta eskubideen parekidetasuna baititu helburu, bai eta askatasuna oinarri”. “Ez diogu inori ezer inposatuko ez eta ekidingo, administraritzan euskararen ezaguera eta erabilpena bultzatu bai ordea”, zehaztu du.
EH BILDU
Miren Aranoak eta Bakartxo Ruizek, Nafarroako Parlamenturako hautagaiek gaur goizean Iruñeko Gaztelu Plazan eginiko ekitaldian adierazi dute: “Gizon eta emakumeon arteko benetako berdintasun eraikitzeko atzeraezinezko urratsak emateko konpromisoa dugu. Izan ere, politika feminista politika publikoetan ardatz gisa hartu eta erreferentziazko erakunde publikoa Gobernuaren egituraren erdigunean kokatzeak erraztuko du Administrazioko sail guztietan berdintasun politikak abian jartzea.”
“Egungo politika atzerakoiek, UPN zein PPrenak, sistema patriarkala zilegiztatzen jarraitzen dute, eta horrekin batera, pairatzen dugun krisi sistemikoak desberdintasunak areagotzen jarraitzen du”, nabarmendu dute.
PSN
Sektore publikoa defendatu du gaur goizean Maria Chivite PSNko hautagaiak. Alor publikoak murrizketak egin beharrean, alor hori “hobetzea” proposatu du, “batez ere berrikuntzaren ikuspuntutik”.
Zure interesekoa izan daiteke
PSN, Zurekin Nafarroa eta EH Bilduri deia egin die Geroa Baiko Koldo Martinezek, akordiora heltzeko
Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.
Garrido: 'Argi dago parte-hartze txikiak kalte egin digula'
Pilar Garridok parte-hartze txikia deitoratu du, bere koalizioari zuzenean eragiten diola argudiatuta.
Andueza: 'Euskadi sozialistagoa da gaur, ezkerrera gehiago begiratzen du'
Eneko Anduezak positibotzat jo ditu PSE-EEk hauteskunde hauetan lortutako emaitzak, eta Euskadi sozialistagoa dela eta ezkerrera begiratzen duela esan du.
Iturgaiz: 'PPren menpe badago, ez da Bilduko alkaterik edo ahaldun nagusirik izango Euskadin'
Carlos Iturgaizek positibotzat jo ditu PPk Euskadin eta Espainian lortutako emaitzak, eta ez dela Bilduko alkaterik edo ahaldun nagusirik egongo ziurtatu du.
Egibar: 'Argi dago zerbait ez dugula ondo egin'
Joseba Egibarrek EAJk Gipuzkoan lortutako emaitzen balorazioa egin du. Egibarrek adierazi du argi dagoela EAJk zerbait ez duela ondo egin.
EH Bildu alde nabarmenarekin garaile Gipuzkoako Batzar Nagusietan
Ezker abertzaleko koalizioak 22 eserleku bereganatu ditu Batzar Nagusietan (bost gehiago), EAJk 17 (hiru gutxiago), PSE-EEk zazpi (bi gutxiago), Elkarrekinek bi (bi gutxiago) eta PPk hiru (bi gehiago). Parte-hartzea % 59,92koa izan da, 2019an baino ia zazpi puntu gutxiago.
Otegi: 'Ziklo aldaketa baten lehen urratsa eman da'
EH Bildu nagusitu da udalerri askotan eta Gasteizen indar bozkatuena da 7 zinegotzirekin, duela lau urte baino bat gehiago
EAJk irabaziko luke Bilbon eta Donostian; EH Bilduk, Gasteizen; eta berdinketa teknikoa Iruñean
Nafarroako Parlamentuan, UPN izango litzateke bozkatuena, 12-13 eserlekurekin, baina PSN gertu egongo litzateke, 10-11rekin, eta Gobernuari eutsi ahalko lioke, egungo formula berarekin.
18:00etako parte-hartze datua: % 54,12 Nafarroan eta % 48,52 EAEn
Parte-hartzea % 1,19 igo da Nafarroan 2019ko hauteskundeekin alderatuta, eta % 4,84 jaitsi da EAEn.
Berezitasun ugariko hauteskundeak dira Udal hauteskundeak, Euskadiko bost udalerritan bereziki
Usansolon, Gernikan (Bizkaia), Irunen (Gipuzkoa) eta Arabako Errioxako Bastidan eta Guardian, adibidez, berezitasun ugariko hauteskundeak izango dira gaurkoak; jakin ezazu zergatik bideo honetan.