'PAH Konpromisoa' agiriak Nafarroako oposizioa elkartu du
EH Bilduk, I-Ek, Geroa Baik, UPyDk, Equok, Libertad Navarrak eta Representación Cannabica de Navarrak 'PAH Konpromisoa' sinatu dute; "pertsona guztiek etxebizitza duina izateko eskubidea modua argian eta eraginkortasunez" adierazten duen agiria da, Hipotekak Kaltetutako Plataformak egina.
Dokumentua gaur jakinarazi dute Iruñean egindako ekitaldi batean. "Etxebizitzaren drama soziala familia askorengan eragiten ari da, bai hipoteka ordaindu ezin duen sektorearengan, bai alokairuan bizi diren eta hileko kuota ordaindu ezin duten familiengan, edo etxebizitza behar baina eskuratu ezin dutenak".
UPN
Javier Esparza Nafarroako presidente izateko UPNren hautagaiaren esanetan, "Uxue Barkosi botoa ematea EAJri ematea da, eta badakigu nora eraman nahi duten Nafarroa".
Hala adierazi du gaur, ostiralean, adinekoekin Iruñean egindako ekitaldi batean. Halaber, gaineratu duenez, "une zail batean gaude. Denon artean eraiki dugun Nafarroa arriskuan dago eta gaur, inoiz baino gehiago, jendearekin, lagunekin, ilobekin hitz egin beharra dago Nafarroak Nafarroa izaten jarraitzea nahi ez duten alderdiak badaudela esateko, Euskadiren parte egin eta Espainiatik atera nahi gaituzte", esan du.
EH BILDU
Adolfo Araiz Nafarroako presidente izateko EH Bilduko hautagai nagusiak esan du maiatzaren 24ko hauteskundeak ustelkeriaren "aro beltzari amaiera emateko" balio behar dutela Nafarroan. "UPNk eta PSNk sinestarazi nahi dute Nafarroan ustelkeriarik ez dela izan, edo urruneko zerbait dela".
Adolfo Araizen hitzetan, "errealitatea oso bestelakoa da eta Kontuz, esaterako, bezalako mugimendu sozialei edo kazetariek egindako lanei esker, gai ilun asko ezagutu ditugu", besteak beste, Nafarroako Kutxa auzia.
GEROA BAI
Uxue Barkos Nafarroako presidente izateko Geroa Bairen hautagaiak adierazi duenez, "ezin diogu Nafarroako Kutxa auziak hartutako joerari begiratzeari utzi, Administrazio Kontseiluko kideek 2005etik hona dituzten ondasunak Polizia Nazionalak ikertzea eskatu eta gero.
Bestalde, Barkosek azaldu du berak gidatzen duen koalizioak "subsidiariotasun printzipioan oinarritutako" politikaren alde egin du, herri mailako administraziorako, "Tokiko Autonomiaren Gutun Europarrean agertzen dena". Barkosen arabera, "horrek ekitnza publikoa eskartzen du, herri mailako erakundea bultzatuz, herritarrengandik gertuenen dagoen administrazio gisa eta autonomia indartu eta bermatu, bere osotasunean".
PSN
Maria Chivite PSNrenForu Gobernurako presidentegaiaren arabera, eskubiaren aurrean dagoen aukera "ez da euskal nazionalismoa", baizik eta "zentroko aukera, aldaketa bermatuko duena, Nafarroak Nafarroa izaten jarraitzeko, gauzak bestera egiten, gertuko politika egiten eta bestelako lehentasunekin, gehien bat, politika sozialak".
Izquierda-Ezkerra
Jose Miguel Nuin, Marisa de Simon eta Txema Mauleon Izquierda-Ezkerrako hautagaiek "konpromisoa" adierazi dute gazteekiko, haiek baitira "gizarte zuzenagoa, askeagoa, eraikitzeko bermea" eta, bertan, "denok izango dugu lekua, duintasunez biziz"
PPN
Ana Beltran PPNren Nafarroako presidentegaiak familia "sendotzea" eskatu du, "gizarteko oinarrizko erakunde den heinean". "Gure zeregina da familiei krisialdian egindako ahalegina itzultzea", azpimarratu du.
Hauteskunde-kanpainaren zortzigarren eguna:
Zure interesekoa izan daiteke
PSN, Zurekin Nafarroa eta EH Bilduri deia egin die Geroa Baiko Koldo Martinezek, akordiora heltzeko
Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.
Garrido: 'Argi dago parte-hartze txikiak kalte egin digula'
Pilar Garridok parte-hartze txikia deitoratu du, bere koalizioari zuzenean eragiten diola argudiatuta.
Andueza: 'Euskadi sozialistagoa da gaur, ezkerrera gehiago begiratzen du'
Eneko Anduezak positibotzat jo ditu PSE-EEk hauteskunde hauetan lortutako emaitzak, eta Euskadi sozialistagoa dela eta ezkerrera begiratzen duela esan du.
Iturgaiz: 'PPren menpe badago, ez da Bilduko alkaterik edo ahaldun nagusirik izango Euskadin'
Carlos Iturgaizek positibotzat jo ditu PPk Euskadin eta Espainian lortutako emaitzak, eta ez dela Bilduko alkaterik edo ahaldun nagusirik egongo ziurtatu du.
Egibar: 'Argi dago zerbait ez dugula ondo egin'
Joseba Egibarrek EAJk Gipuzkoan lortutako emaitzen balorazioa egin du. Egibarrek adierazi du argi dagoela EAJk zerbait ez duela ondo egin.
EH Bildu alde nabarmenarekin garaile Gipuzkoako Batzar Nagusietan
Ezker abertzaleko koalizioak 22 eserleku bereganatu ditu Batzar Nagusietan (bost gehiago), EAJk 17 (hiru gutxiago), PSE-EEk zazpi (bi gutxiago), Elkarrekinek bi (bi gutxiago) eta PPk hiru (bi gehiago). Parte-hartzea % 59,92koa izan da, 2019an baino ia zazpi puntu gutxiago.
Otegi: 'Ziklo aldaketa baten lehen urratsa eman da'
EH Bildu nagusitu da udalerri askotan eta Gasteizen indar bozkatuena da 7 zinegotzirekin, duela lau urte baino bat gehiago
EAJk irabaziko luke Bilbon eta Donostian; EH Bilduk, Gasteizen; eta berdinketa teknikoa Iruñean
Nafarroako Parlamentuan, UPN izango litzateke bozkatuena, 12-13 eserlekurekin, baina PSN gertu egongo litzateke, 10-11rekin, eta Gobernuari eutsi ahalko lioke, egungo formula berarekin.
18:00etako parte-hartze datua: % 54,12 Nafarroan eta % 48,52 EAEn
Parte-hartzea % 1,19 igo da Nafarroan 2019ko hauteskundeekin alderatuta, eta % 4,84 jaitsi da EAEn.
Berezitasun ugariko hauteskundeak dira Udal hauteskundeak, Euskadiko bost udalerritan bereziki
Usansolon, Gernikan (Bizkaia), Irunen (Gipuzkoa) eta Arabako Errioxako Bastidan eta Guardian, adibidez, berezitasun ugariko hauteskundeak izango dira gaurkoak; jakin ezazu zergatik bideo honetan.