Maroto alkate ez izatea eskatu dute Azkarragak, Urgellek eta Cuerdak
Javier Maroto (PP) alkate ez izateko beharrezko erabakiak har ditzatela eskatu diete Jose Angel Cuerda (EAJ) Gasteizko alkate ohiak eta Joseba Azkarraga (EA) eta Blanca Urgell (PSE-EEren Exekutiboko independentea) sailburu ohiek oposizioko alderdiei.
Azkarragak eta Urgellek agerraldia egin dute gaur komunikabideen aurrean, ideologia eta lanbide ezberdinetako 20 bat gasteiztarrekin batera, besteak beste, Iñaki Larrimbe artista (Ahal Duguren hautagaia), Andres Krakenberger (Espainiako Amnistia Internazionalaren zuzendari ohia) eta Juanito Oyarzabal mendizalearekin batera.
Alderdi Popularreko hautagaia berriro alkate ez izateko “beharrezkoa den moduan jokatzeko” eskatu diete guztiek maiatzaren 24ko hauteskundeetan ordezkaritza lortu zuten alderdiei adierazpen batean.
Diru-laguntzak
Gizarte diru-laguntzetan ematen den iruzurraren aurka Marotok egindako kanpaina sinatzaileen argudio nagusia da eskakizuna egiteko.
Sinatzaileen arabera, Javier Marotok “marra gorriak zeharkatu” ditu iruzurra “datu objektiborik gabe” biztanleriaren zati konkretu bati (etorkinak) egotzita.
Zentzu horretan, Marotok egin duena legitimoa ez dela uste dute. Sinatzaileen hitzetan, “gorrotoaren diskurtsoa erabili duen pertsona bat ezin daiteke Gasteiz bezalako hiri enblematiko baten alkate izan”, nahiz eta orain arte Justiziak auzitara ez eraman.
“Herritarren arteko liskarrak”
Marotoren jokabide politikoak eta bere mezuek “herritarren arteko istiluak bultzatu dituzte”, salatu dutenez. Gainera, hauteskunde-gauan bere diskurtsoan “pauso bat atzera egingo” ez duela adierazi zuen Marotok, gogorarazi dutenez.
Marotok ordezkatzen ez duen aukeren alde botoa eman zuen hautesleen % 70ek, azpimarratu dutenez. Sinatzaileen ahotan, “gizarteak akordioak eta adostasunak” eskatzen ditu.
Manifestua oposizioko alderdiei presioa egiteko neurri bat ez dela argitu du Krakenbergerek, “elkarbizitza itun baten aldeko” adierazpen bat baizik.
PPk Gasteiz berriro gobernatzeko aukeraren aurrean “kezkaturik” dauden herritarrak direla azaldu du Urgellek. “Beste era bateko Alkatetza” bat egiteko oposizioko taldeek bat-egitea gustatuko litzaiguke, erantsi duenez
Zure interesekoa izan daiteke
PSN, Zurekin Nafarroa eta EH Bilduri deia egin die Geroa Baiko Koldo Martinezek, akordiora heltzeko
Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.
Garrido: 'Argi dago parte-hartze txikiak kalte egin digula'
Pilar Garridok parte-hartze txikia deitoratu du, bere koalizioari zuzenean eragiten diola argudiatuta.
Andueza: 'Euskadi sozialistagoa da gaur, ezkerrera gehiago begiratzen du'
Eneko Anduezak positibotzat jo ditu PSE-EEk hauteskunde hauetan lortutako emaitzak, eta Euskadi sozialistagoa dela eta ezkerrera begiratzen duela esan du.
Iturgaiz: 'PPren menpe badago, ez da Bilduko alkaterik edo ahaldun nagusirik izango Euskadin'
Carlos Iturgaizek positibotzat jo ditu PPk Euskadin eta Espainian lortutako emaitzak, eta ez dela Bilduko alkaterik edo ahaldun nagusirik egongo ziurtatu du.
Egibar: 'Argi dago zerbait ez dugula ondo egin'
Joseba Egibarrek EAJk Gipuzkoan lortutako emaitzen balorazioa egin du. Egibarrek adierazi du argi dagoela EAJk zerbait ez duela ondo egin.
EH Bildu alde nabarmenarekin garaile Gipuzkoako Batzar Nagusietan
Ezker abertzaleko koalizioak 22 eserleku bereganatu ditu Batzar Nagusietan (bost gehiago), EAJk 17 (hiru gutxiago), PSE-EEk zazpi (bi gutxiago), Elkarrekinek bi (bi gutxiago) eta PPk hiru (bi gehiago). Parte-hartzea % 59,92koa izan da, 2019an baino ia zazpi puntu gutxiago.
Otegi: 'Ziklo aldaketa baten lehen urratsa eman da'
EH Bildu nagusitu da udalerri askotan eta Gasteizen indar bozkatuena da 7 zinegotzirekin, duela lau urte baino bat gehiago
EAJk irabaziko luke Bilbon eta Donostian; EH Bilduk, Gasteizen; eta berdinketa teknikoa Iruñean
Nafarroako Parlamentuan, UPN izango litzateke bozkatuena, 12-13 eserlekurekin, baina PSN gertu egongo litzateke, 10-11rekin, eta Gobernuari eutsi ahalko lioke, egungo formula berarekin.
18:00etako parte-hartze datua: % 54,12 Nafarroan eta % 48,52 EAEn
Parte-hartzea % 1,19 igo da Nafarroan 2019ko hauteskundeekin alderatuta, eta % 4,84 jaitsi da EAEn.
Berezitasun ugariko hauteskundeak dira Udal hauteskundeak, Euskadiko bost udalerritan bereziki
Usansolon, Gernikan (Bizkaia), Irunen (Gipuzkoa) eta Arabako Errioxako Bastidan eta Guardian, adibidez, berezitasun ugariko hauteskundeak izango dira gaurkoak; jakin ezazu zergatik bideo honetan.