Zerbitzuak bultzatu nahi ditu EH Bilduk Arabako Mendialdean, herrien hustearen kontra borrokatzeko
EH Bilduk Arabako Mendialden zerbitzu publikoak indartzeko konpromisoa hartu du, jendeak eskualdea utzi ez dezan.
Eva Lopez de Arroyabe Arabako Foru Aldundirako hautagaia Arraia-Maeztu, Bernedo eta Lagrango zerrenda buruekin bildu da gaur, besteak beste, maiatzaren 28ko hauteskundeei begira, euren helburuak partekatzeko.
Aztertutako gaien inguruan, adinekoen egoitza publiko bat sortzea aipatu dute. Izan ere, "une honetan Bernedoko erresidentzian plaza kontzertatuak bakarrik daude, eta hori inguruko bizilagunak oso helduak direnean".
Era berean, eguneko zerbitzuak eta jangelako zerbitzua indartzearen alde ere egin dute.
Ehizetik eratorritako produktuentzako zentro eraldatzaile baten sorrera bultzatuko dutela ere esan dute koalizio abertzaleko ordezkariek eta Laminoria eta Azazetako proiektu eolikoen aurrean EH Bilduk komunitate energetikoak bultzatu nahi dituela esan dute, finantzaketa handituz eta bide horretan, tokiko erakunde zein herritarrei laguntza emango dien bulego bat sortuz.
Azkenik, eskualdean turismo baliabide berriak sortzearen alde egiten dute, Kanpezun udal aterpearekin edota autokarabanentzako parkingarekin egin bezala.
Zure interesekoa izan daiteke
PSN, Zurekin Nafarroa eta EH Bilduri deia egin die Geroa Baiko Koldo Martinezek, akordiora heltzeko
Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.
Garrido: 'Argi dago parte-hartze txikiak kalte egin digula'
Pilar Garridok parte-hartze txikia deitoratu du, bere koalizioari zuzenean eragiten diola argudiatuta.
Andueza: 'Euskadi sozialistagoa da gaur, ezkerrera gehiago begiratzen du'
Eneko Anduezak positibotzat jo ditu PSE-EEk hauteskunde hauetan lortutako emaitzak, eta Euskadi sozialistagoa dela eta ezkerrera begiratzen duela esan du.
Iturgaiz: 'PPren menpe badago, ez da Bilduko alkaterik edo ahaldun nagusirik izango Euskadin'
Carlos Iturgaizek positibotzat jo ditu PPk Euskadin eta Espainian lortutako emaitzak, eta ez dela Bilduko alkaterik edo ahaldun nagusirik egongo ziurtatu du.
Egibar: 'Argi dago zerbait ez dugula ondo egin'
Joseba Egibarrek EAJk Gipuzkoan lortutako emaitzen balorazioa egin du. Egibarrek adierazi du argi dagoela EAJk zerbait ez duela ondo egin.
EH Bildu alde nabarmenarekin garaile Gipuzkoako Batzar Nagusietan
Ezker abertzaleko koalizioak 22 eserleku bereganatu ditu Batzar Nagusietan (bost gehiago), EAJk 17 (hiru gutxiago), PSE-EEk zazpi (bi gutxiago), Elkarrekinek bi (bi gutxiago) eta PPk hiru (bi gehiago). Parte-hartzea % 59,92koa izan da, 2019an baino ia zazpi puntu gutxiago.
Otegi: 'Ziklo aldaketa baten lehen urratsa eman da'
EH Bildu nagusitu da udalerri askotan eta Gasteizen indar bozkatuena da 7 zinegotzirekin, duela lau urte baino bat gehiago
EAJk irabaziko luke Bilbon eta Donostian; EH Bilduk, Gasteizen; eta berdinketa teknikoa Iruñean
Nafarroako Parlamentuan, UPN izango litzateke bozkatuena, 12-13 eserlekurekin, baina PSN gertu egongo litzateke, 10-11rekin, eta Gobernuari eutsi ahalko lioke, egungo formula berarekin.
18:00etako parte-hartze datua: % 54,12 Nafarroan eta % 48,52 EAEn
Parte-hartzea % 1,19 igo da Nafarroan 2019ko hauteskundeekin alderatuta, eta % 4,84 jaitsi da EAEn.
Berezitasun ugariko hauteskundeak dira Udal hauteskundeak, Euskadiko bost udalerritan bereziki
Usansolon, Gernikan (Bizkaia), Irunen (Gipuzkoa) eta Arabako Errioxako Bastidan eta Guardian, adibidez, berezitasun ugariko hauteskundeak izango dira gaurkoak; jakin ezazu zergatik bideo honetan.