Aburto: "Ez izan zalantzarik, egurra gaizkileari; jakin dadila Bilbon atxilotu eta zigortu egiten dela"
Juan Maria Aburto Bilboko alkate eta berriro hautatua izateko EAJren hautagaiak hitzeman du "pertsona guztientzako hiria" egituratzea dela bere helburua, eta hiri "segurua" izatea, "irmotasunez eta ekintzekin". "Prebentzioarekin egingo dugu, gatazka egoeretan ordena jarriz. Ez egin zalantzarik, polizia prebentiboa eta hertsatzailea; sendotasuna, egurra gaizkileari, jakin dadila Bilbon atxilotu eta zigortu egiten dela", adierazi du.
Aburtok azken urteetan Bilbok izan duen bilakaera goraipatu du, orain Bizkaiko hiriburua "hiri modernoa" delakoan; eta berretsi du garrantzitsua dela "kudeaketa onarekin lan egitea, zorrik gabe eta herritarren partehartzearekin".
Hautagai jeltzaleak kanpainaurreko ekitaldia egin du Deustun Bilborekin dituen '10 konpromisoak' azaltzeko, eta aldamenean izan ditu Ana Otadui Bizkaiko Batzar Nagusietako presidentegaia, Elixabete Etxanobe ahaldun nagusigaia, eta Itxaso Atutxa Bizkai Buru Batzarreko presidentea.
Bere lehentasunak "pertsonak, auzoak, jarduera ekonomikoa eta enplegua" direla azpimarratu ostean, Aburtok "egunero" lan egiteko konpromisoa hartu du "pertsona guztientzako hiria lortzeko".
Aipatu dituen hamar konpromisoen artean, alkategaiak "pertsona guztientzako" Bilbo aldarrikatu du, "ekonomiaren eta kalitatezko enpleguaren motore; auzo guztiak hobetuko eta batuko dituena; 365 egunez kultura duena eta nazioarteko ekitaldien egoitza; gaztea; euskalduna; giza garapen iraunkorrarekin eta baloreekin; segurua, irisgarria eta iruankorra; erakargarria, partehartzailea eta kalitatezko zerbitzuak dituena".
Zure interesekoa izan daiteke
PSN, Zurekin Nafarroa eta EH Bilduri deia egin die Geroa Baiko Koldo Martinezek, akordiora heltzeko
Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.
Garrido: 'Argi dago parte-hartze txikiak kalte egin digula'
Pilar Garridok parte-hartze txikia deitoratu du, bere koalizioari zuzenean eragiten diola argudiatuta.
Andueza: 'Euskadi sozialistagoa da gaur, ezkerrera gehiago begiratzen du'
Eneko Anduezak positibotzat jo ditu PSE-EEk hauteskunde hauetan lortutako emaitzak, eta Euskadi sozialistagoa dela eta ezkerrera begiratzen duela esan du.
Iturgaiz: 'PPren menpe badago, ez da Bilduko alkaterik edo ahaldun nagusirik izango Euskadin'
Carlos Iturgaizek positibotzat jo ditu PPk Euskadin eta Espainian lortutako emaitzak, eta ez dela Bilduko alkaterik edo ahaldun nagusirik egongo ziurtatu du.
Egibar: 'Argi dago zerbait ez dugula ondo egin'
Joseba Egibarrek EAJk Gipuzkoan lortutako emaitzen balorazioa egin du. Egibarrek adierazi du argi dagoela EAJk zerbait ez duela ondo egin.
EH Bildu alde nabarmenarekin garaile Gipuzkoako Batzar Nagusietan
Ezker abertzaleko koalizioak 22 eserleku bereganatu ditu Batzar Nagusietan (bost gehiago), EAJk 17 (hiru gutxiago), PSE-EEk zazpi (bi gutxiago), Elkarrekinek bi (bi gutxiago) eta PPk hiru (bi gehiago). Parte-hartzea % 59,92koa izan da, 2019an baino ia zazpi puntu gutxiago.
Otegi: 'Ziklo aldaketa baten lehen urratsa eman da'
EH Bildu nagusitu da udalerri askotan eta Gasteizen indar bozkatuena da 7 zinegotzirekin, duela lau urte baino bat gehiago
EAJk irabaziko luke Bilbon eta Donostian; EH Bilduk, Gasteizen; eta berdinketa teknikoa Iruñean
Nafarroako Parlamentuan, UPN izango litzateke bozkatuena, 12-13 eserlekurekin, baina PSN gertu egongo litzateke, 10-11rekin, eta Gobernuari eutsi ahalko lioke, egungo formula berarekin.
18:00etako parte-hartze datua: % 54,12 Nafarroan eta % 48,52 EAEn
Parte-hartzea % 1,19 igo da Nafarroan 2019ko hauteskundeekin alderatuta, eta % 4,84 jaitsi da EAEn.
Berezitasun ugariko hauteskundeak dira Udal hauteskundeak, Euskadiko bost udalerritan bereziki
Usansolon, Gernikan (Bizkaia), Irunen (Gipuzkoa) eta Arabako Errioxako Bastidan eta Guardian, adibidez, berezitasun ugariko hauteskundeak izango dira gaurkoak; jakin ezazu zergatik bideo honetan.