Ertzaintza, Albisteak, bideoak eta argazkiak Ertzaintzari buruz |Orain

2024/12/18 - 21:36

Titulurik gabeko udaltzainak jarritako isunek eta egindako atxiloketek ez dute balio juridikorik

Atxiloketa guztiak legez kanpokoak dira, eta, berez, bertan behera geratuko lirateke. Era berean, hiru urte horietan ezarritako isunak baliogabetuta geratu dira, eta herritarrei dirua itzuli beharko zaie.

2024/12/18 - 18:16

Hiru urtez aritu da udaltzain gisa lanean Etxebarrin, ustez titulua faltsututa

Udaltzaingoan sartu zen barneko lan-poltsa baten bidez, ez zen Arkautin egon. Udalak udaltzain "faltsuaren" aurka salaketa jarri du. Udaltzainak, bestalde, kaleratzearen kontra helegitea jarri du. Alkatearen hitzetan, Udalak ez du curriculumean aurkeztutako agiriak "egiaztatzeko betebeharrik".

2024/12/18 - 11:34

Arartekoak Eusko Jaurlaritzari eskatu dio Ertzaintzaren euskarazko arreta bermatzeko

Donostiako bi herritarrek iazko azaroan jarritako kexa bat aztertu ondotik dator eskaria. Ertzaintzaren patruila batek "tratu ezegokia" eman ziela salatu zuten, "behin eta berriz euskaraz artatuak izateko eskatu ondoren".

2024/12/17 - 13:33

Eusko Jaurlaritzak ia 4.000 plazako lan eskaintza publikoa onartu du

Lanpostu gehienak (ia 1.900) Osakidetzan eta Hezkuntzan (1.000 pasatxo) eskainiko ditu Gobernuak. Ertzaintzan 500 plazatik gora izango dira, eta administrazio orokorrean, 400 bat. Hurrengo hiru urteetan egingo dituzte deialdiok.

2024/12/16 - 22:04

Getxon labankadaz eraso egiteagatik atxilotutako 20 urteko gaztea espetxeratu dute

Gaztea epailearen esku utzi dute gaur, eta epaileak behin-behinean espetxeratzea agindu du arratsaldeko azken orduan.

2024/12/16 - 13:39

Labankadaz eraso egiteagatik Getxon atxilotutako 20 urteko gizona epailearen aurrera eraman dute

Bestalde, larunbat goizaldean Getxon gizonezko bat labankadaz larri zauritzeagatik atxilotutako hiru adingabeak libre geratu dira, Fiskaltzaren aurrean deklaratzeko hitzorduaren zain. 23 urteko zaurituak, berriz, Gurutzetako Ospitalean jarraitzen du, larri.

2024/12/15 - 12:26

Gorbeia inguruan galdu ziren bi mendizale holandar erreskatatu ditu Ertzaintzak

Larunbatean galdu ziren, 17:30 aldera, 25 eta 22 urteko bi mendizaleak, eta gaur goizaldean erreskatatu dituzte, hipotermia zantzuekin.

2024/12/15 - 11:21

Aske utzi dituzte Getxoko labankadengatik atxilotutako adingabeak, Fiskaltzaren aurrean deklaratu aurretik

Atxilotutako lau lagunetako hiru askatu dituzte; laugarrena, 20 urtekoa, ertzain-etxean dute, epailearen esku uzteko zain.

2024/12/14 - 13:12

Gizon bat atxilotu dute Eibarko pabiloi batean 150 landareko marihuana-plantazio bat aurkitu ostean

Ur-iragazketa batzuen ondorioz langile batzuk Matsaria auzoko erabiltzen ez zen pabilioi batera sartzen saiatu zirenean topatu zuten, ustekebean, plantazioa. Ertzainak zaintza-dispositibo bat ezarri zuen, eta susmagarria aurkitu zuen.

2024/12/13 - 12:59

Adingabeengan espezializatutako atala sortuko du Ertzaintzak, Fiskaltzak eskatu bezala

Bingen Zupiriak iragarri duenez, atala ikerketa kriminaleko dibisioan egongo da, eta Ertzaintzaren erreferentzia izango da Fiskaltzaren eta epaileen aurrean. Bere gain hartuko du adingabeak delitu larrien biktima edo egile diren kasuak ikertzea.

2024/12/12 - 09:48

Eusko Jaurlaritzak itxitzat eman du aurrekontuen negoziazioa, EH Bilduk azken proposamenari ezetz esan ostean

Hortaz, EAJ eta PSE-EEren koalizio gobernuak oposizioko taldeen babesik gabe aterako ditu aurrera datorren urteko aurrekontuak.

20241211222051_xuhar-eta-haren-aita-eitb_

2024/12/11 - 22:39

Xuharrek izan dituen kostu medikoei zein auzitegi gastuei aurre egiteko jaialdia antolatu dute Villabonan

Tolosako inauterietan Ertzaintzaren pilotakada bat jaso zuen Xuhar Villabonako gaztearen aldeko plataformak egungo eredu poliziala eta judiziala salatu du. Pilotakada jaso zuenetik, gazteak ez du eskuineko begitik ikusten. Auzia artxibatu egin dela ere salatu du plataformak.

2024/12/11 - 19:46

Leonor hiltzeko erabili zuten armaren jabea hilda aurkitu dute Oiartzunen

Gizonaren gorpua herriko Oliden kanpinean topatu dute, 12:30 aldera. Autopsiaren zain, lehenengo ikerketen arabera, suizidioa da heriotzaren hipotesi nagusia. Antza denez, ez du arma bat erabili bere burua hiltzeko, eta atzo gauean ikusi zuten azkenekoz bizirik.

2024/12/11 - 15:29

1.118 arma zuri atzeman ditu aurten Ertzaintzak

Gero eta arma zuri gehiago atzematen ditu Ertzaintzak. Aurten, 1.118 atzeman ditu, orain dela 5 urteko kopuruaren bikoitza. Horrek ez du esan nahi, ordea, erasoak proportzio horretan ugaritu direnik; abian jarritako atzemate-egitasmoen emaitza da.

2024/12/10 - 22:29

Guraso-ahala kendu diote emaztea eta alabak mehatxatu eta Erregistro Zibilean sexua aldatu zuen ertzainari

Eraso saiakera abuztuaren 17ko goizaldean gertatu zen, Donostiako Loiola auzoko etxebizitza batean. Bertaratu ziren ertzainek baja medikoan zegoen lankidea atxilotu zuten. Ondoren, kautelazko neurriekin aske geratu zen, eta zerbitzutik kendu zuten.

2024/12/10 - 12:10

Telefono kontratuekin eta gailu elektronikoen salmentarekin iruzurra egiten zuen gaizkile taldea desegin dute

Ertzaintzak eta Guardia Zibilak 12 pertsona atxilotu ditu Bizkaian eta Burgosen. Iruzurra egotzita, talde horren kontrako 50 salaketa baino gehiago jaso dituzte Espainiako Estatu osoan. Ikerlarien arabera, legez kontra lortutako gailu elektronikoak salerosita ia 200.000 euroko iruzurra egin dute.

2024/12/09 - 14:23