Euskara

2024/06/13 - 19:21

Iñigo Urkullu jarduneko lehendakariak Euskaltzaindiaren domina jaso du

Euskaltzaindiak Akademiaren domina eman dio Iñigo Urkulluri lehendakari gisa jardun duen urteetan izan duen laguntza eta lankidetzagatik. Urkulluk adierazi duenez, ohore bat da sari hau jasotzea, eta eskerrak eman dizkio Euskaltzaindiari egindako lanagatik eta herrialdeari egindako ekarpenagatik.

2024/06/07 - 12:10

Euskarak Europan ofiziala izateko baldintzak betetzen dituela dioen txosten bat igorri dio Jaurlaritzak EBri

Besteak beste, Europan hizkuntza bat ofiziala izateko behar diren "azpiegiturak eta gaitasunak" euskarak badituela arrazoitzen da txostenean. Halaber, Euskalterm euskararen terminologia bankua Europako IATE bankuarekin lotzeko eskaera formal bat ere egin du Jaurlaritzak.

2024/06/06 - 14:28

Kirmen Uribek eta Antigua Urbieta idazlearen amak hasi dute ''Bilbao-New York-Bilbao''ren irakurketa jarraitua

Kirmen Uriberentzat ohorea izan da Bilbo Zaharrak antolatzen duen irakurraldi jarraituan bere eleberri bat irakurtzea; amarentzat, ederra baina zaila izan da bera protagonista duen pasarte bati ahotsa jartzea.

2024/06/04 - 16:32

Ehunka lagunek jarriko diote ahotsa "Bilbao-New York-Bilbao" Kirmen Uriberen eleberriari

Bilbo Zaharra euskaltegiak antolatuta, 200 bat lagunek Kirmen Uriberen lehen eleberria etengabe irakurriko dute ekainaren 6an, 08:00etatik 14:00etara.

2024/06/03 - 14:26

Antsoaingo herritarrek euskara doan ikasi ahal izango dute

Ekainaren 1etik uztailaren 21era zabalik egongo da 2023ko ekainetik 2024ko maiatzera bitartean euskara ikasteagatik dirulaguntzak eskatzeko epea. Nafarroako Eremu Mistoan hori egiten duen lehen udalerria izango da.

2024/06/03 - 10:47

Jon Casenave aurkeztu dute euskaltzain oso izateko

Beñat Oihartzabal euskaltzain emerituaren tokia hartzeko hautagai bakarra da baionar hizkuntzalaria. Ekaineko osoko bilkuran bozkatuko dute euskaltzainek izendatuko dutenentz.

2024/06/02 - 21:49

Milaka lagun batu dira Ordizian Euskal Eskola Publikoa ahalduntzeko eta egindako lana aitortzeko

Antolatzaileek "politika egokiak, ausartak eta baliabideak" eskatu dizkiete agintariei, "elkarbizitza, berdintasuna, justizia soziala, inklusioa eta euskalduntzea" bermatzeko.

2024/06/02 - 20:00

Jaia eta aldarrikapena zabaldu ditu Ordizian Euskal Eskola Publikoaren festak

Lau gunetan banatuta, goiz eta arratsalde, ume zein helduentzako jarduerak izan dira bertan. Kalerik kale ere ibili dira dantza zein musika ikuskizunak.

2024/06/02 - 14:53

Festa eta aldarrikapenak uztartu dituzte Ordiziako Euskal Eskola Publikoaren jai jendetsuan

Eguraldia lagun izan dute azkenean Euskal Eskola Publikoaren Jaiaren 31. edizioan. Herri osoa hartu dute gaurko antolatu dituzten jarduerek: musika, tailerrak, ikuskizunak...

2024/06/01 - 19:37

Bilkurak egin dituzte Ipar Euskal Herrian euskararen aurkako erasoak salatzeko

"Euskara orain" lelopean batu dira, Frantziako konstituzioko bigarren artikulua alda dezatela exijitzeko. Izan ere, artikulu horren arabera, frantsesa da Frantziako Errepublikako hizkuntza.

2024/05/29 - 13:33

Araba Euskarazek adin guztietarako ikuskizun, tailer eta jolas egitarau zabala aurkeztu du

Arabako ikastolen jaia ekainaren 16an itzuliko da Olarizuko zelaietara, "Mugaezin" lelopean. Bildutako dirua Oiongo San Bizente ikastolari zuzenduko zaio.

2024/05/28 - 13:47

Irlandako gaelikoa loraldi betean, irlandera hutsean erakusten duten eskolen lanari esker

Irlanderaren ezagutzak eta erabilerak gora egin du azken boladan gazteen artean, baina soilik hiztunen %10k dute gaitasuna hizkuntza ondo erabiltzeko. Nolanahi ere, Europako ofizialtasunak hizkuntzari bide berriak zabaldu dizkio, eta, gaur gaurkoz, egoera ona bizi duela esan daiteke.

2024/05/26 - 16:49

Ikastolen eta euskararen aldeko festan murgildu dira Getxon

Irekiera ekitaldiarekin batera abiatu dira eguneko jarduerak, 11:00etan. Jende andana bildu da Getxoko kaleetan, lau gunetan jaiaz gozatzen eta, bereziki, ikastolei babesa ematen.

2024/05/26 - 14:11

Abian da 2024ko Bizkaiko ikastolen festa, Getxoko San Nikolas ikastolaren eskutik

11:00etan, irekiera ekitaldiarekin batera abiatu dira eguneko jarduerak. Hasiera ofizialean, hainbat agintari izan dira, Jokin Bildarratz Hezkuntza sailburua tartean.

2024/05/25 - 19:04

Mañeruibarko haur euskaldunak saritu dituzte Iruñeko Komunikabideak Fundazioak eta Euskaltzaindiak

Mañeruibar (Mañeru, Zirauki, Artazu eta Girgillao) eremu ez-euskaldunean egon arren, sekulako lana egiten ari dira familiak euren seme-alabak euskalduntzeko, euskara errotzeko eta sendotzeko. 2023ko otsailean eremu mistora igarotzea eskatu zuten, baina Nafarroako Parlamentuak ezezkoa eman zien.

2024/05/24 - 14:33

Uliazpiko langileek elkarretaratzea egin dute Gorenaren erabakiaren aurka

Auzitegi Gorenak euskara eskakizunengatik fundazio horretan zaintzaile plazen deialdia baliogabetu zuen epaiaren aurkako helegiterik ez onartzeko hartutako erabakiaren aurka protesta egin dute langileek.

2024/05/20 - 13:20

Abadia, Abadie, Abbadia, D'Abbadie… Nola bateratu pertsona izenen idazkera?

Eusko Ikaskuntzak eta Euskal Autoritateen Lantaldeak hitzarmena sinatu dute "autoritate-erregistroen forma komun, normalizatu eta arautua" ezartzeko. autoritateak.eus webgunean bildu dituzte proposamenak.

2024/05/18 - 21:48

Kultur politiketan eta ikus-entzunezkoetan euskara lehenestea eskatu diote 32 eragile sozialek Jaurlaritzari

"Aldatu Gidoia euskararen alde" leloa zuen pankartaren atzean, ikus-entzunezkoen eskaintza "zabal, duin, eguneratu, erakargarri eta euskalduna" aldarrikatu dute manifestazioaren deitzaileek.

2024/05/18 - 19:06

111 udalerrik osatuko dute UEMA, Zegama, Lakuntza, Bakaiku eta Ituren batu baitira

"Zubiak zeharka" lelopean, euskararentzat zubi sendoak aldarrikatu ditu Martin Aramendi UEMAko presidenteak Lesakan, Udalerri Euskaldunen Egunean.

2024/05/17 - 19:05

Azterketak euskaraz egiteko eskubidea aldarrikatu dute ikasleek Baionan, beste behin ere

Jasaten duten diskriminazioa salatzeko manifestaldia egin eta komuneko papera bota dute Frantziako Gobernuak Baionan duen ordezkaritza aurrean. Aurten ere ezingo dute Euskara erabili, baina borrokan jarraituko dute, ondorengoengatik. Ziburun, Senperen, Donostian eta Bilbon ere mobilizatu dira.