Euskaraldia hasteko bi aste falta direnean, herritarrei parte hartzeko deia egin diete
Bi aste falta dira Euskaraldia martxan jartzeko eta giroa berotzen hasi da jada Lekeition eta Euskal Herriko beste hainbat tokitan. Bizkaiko udalerrian egin dute agerraldia Euskaraldiaren sustatzaileek, herritarrak animatzeko eta parte hartzera bultzatzeko.
Txapak banatzen hasi dira dagoeneko herrietan, eta horiek dira ariketaren ikur nagusia. Ahobizi edo belarriprest rola hautatu dutenek paparrean eramango dute txapa, euskarazko elkarrizketak errazteko tresna modura. "Txapak mezu argia ematen du: lasai, euskaraz hitz egin dezakezu nirekin", azaldu dute antolatzaileek.
Agerraldian azpimarratu dute herriz herriko batzordeen lana funtsezkoa dela ariketa arrakastatsua izan dadin. "Pandemiaren ondoren, aurten mugimendu indartsuagoa ikusten da herrietan", adierazi du Jon Kobeaga koordinatzaileak. Mutrikuko batzordeko Joseba Palenzuelak ere baieztatu du aurten jende gehiago ari dela lanean, eta ilusioa nabaria dela taldeetan.
Parte hartzeko, euskaraldia.eus webgunean eman daiteke izena, eta ariketa hasi arte zabalik egongo da epea. Parte-hartzaileek beren jarrera aktiboa adierazi behar dute rola hautatuz: ahobizi edo belarriprest izatea ez da soilik etiketa bat, baizik eta hizkuntza ohituretan aldaketa bat proposatzea.
Euskaraldiaren helburua argia da: euskara gehiago eta gehiagorekin erabiltzea. Horretarako, lehen hitza beti euskaraz egitea eta euskara dakienarekin euskaraz jarraitzea gomendatzen dute antolatzaileek. Maiatzaren 15etik 25era, Euskal Herria ariketa kolektibo honetan murgilduko da berriz ere. Herritarrek txapa eskuratzeko eta informazioa jasotzeko aukera dute Euskaraldiaren webgunean.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.