Giza Eskubideen Europako Auzitegia
2025/12/04 - 11:40
Giza Eskubideen Europako Auzitegiak Frantzia zigortu du Ibon Fernandez Iradi presoaren esklerosia ondo ez tratatzeagatik
Epaian, Europako epaileek nabarmendu dutenez gaixotasunerako zaintza egokiak eskaini ez izanak, espetxean mantentzeko baldintza zena, Giza Eskubideen Europako Hitzarmenean tratu ankerrak eta umiliagarriak debekatzen dituen artikulua urratzen du.
2025/11/25 - 11:11
Europako Justizia Auzitegiak ohartarazi du EBko estatu guztiek onartu behar dituztela batasuneko edozein herrialdetan egindako sexu berekoen arteko ezkontzak
Europako auzitegiak betebehar horren berri eman du Alemanian ezkondutako bi poloniarri eragiten dien kasu baten harira; izan ere, Poloniako Erregistro Zibilean ezkontza ziurtagiria transkribatzeko eskatu zuten bi gizonek, ezkontza han aitor zezaten, baina agintariek ukatu egin zieten.
2025/11/06 - 11:04
Estrasburgoko auzitegiak ebatzi du Espainiak ez zituela urratu Junqueras, Sanchez eta Turullen eskubide politikoak
Giza Eskubideen Europako Auzitegiak behin-behineko espetxealdiari buruz eta horrek eskubide politikoetan izan zuen eraginari buruzko iritzia eman du. Estrasburgon egoitza duen epaitegiak aho batez baztertu ditu auzi-jartzaileen argudioak eta kartzelan mantentzearen erabakia justifikatuta zegoela nabarmendu du.
2025/10/23 - 13:20
Giza Eskubideen Europako Auzitegiak atzera bota du 'Bateragune' auzian zigortutako bost lagunek ETAko kide izateagatik ezarritako zigorra baliogabetzeko jarritako demanda
Estrasburgoko Auzitegiak atzera bota du Arnaldo Otegik, Sonia Jacintok, Rafa Diezek, Miren Zabaletak eta Arkaitz Rodriguezek Espainiaren aurka jarritako demanda, ETAko kide izateagatik ezarritako zigorra baliogabetzea eskatzen zuena. Europako epaileek 2018an onartu zuten epaiketa ez zela inpartziala izan.
2025/05/10 - 18:51
Sorzabalek Estrasburgora eramango du Espainian duen zigor bakarra, "torturapeko aitortzan oinarritzeagatik"
Auzitegi Nazionalak Sorzabal absolbitu du ostegun honetan, Guardia Zibilak horren autoinkulpazioa lortzeko "tratu ankerrak" eman zizkiola onartuta. Gaur, Sorzabalen abokatuak iragarri du Estrasburgoko Giza Eskubideen Auzitegira joko dutela 2022ko zigorra baliogabetzea lortzeko.
2024/11/27 - 14:32
Euroganberak onespena eman dio Von der Leyen presidente eta Ribera presidenteorde izango dituen Batzordeari
Azken tramitea gaindituta, Europar Batasuneko gobernu talde berriak datorren igandean (abenduak 1) hasiko du bost urteko legegintzaldia. EAJk Europako Batzorde berria babestu du, eta EH Bilduk ezezko botoa eman du.
2024/05/16 - 14:15
Europako Giza Eskubideen Auzitegiak artxibatu egin du Masek Espainiaren kontra jarritako helegitea
2014ko galdeketaren harira Auzitegi Gorenak bi urteko inhabilitazioa ezarri zion Kataluniako presidente izandakoari, eta hark erabaki horren kontrako helegitea jarri zuen Estrasburgon.
2024/04/09 - 15:09
Klima aldaketaren aurka neurriak ez hartzeak giza eskubideak urratzen ditu, Estrasburgoko Auzitegiaren arabera
Europako Giza Eskubideen Auzitegiak aintzat hartu du Suitzako adineko emakume talde batek jarritako salaketa eta Suitzako Gobernua zigortu du. Aitzitik, Estrasburgoko Auzitegiak ez du onartu Portugalgo gazte batzuek jarritakoa, herrialdeko auzitegietako bidea amaitu behar zutelako.
2024/02/20 - 12:09
Assange "arrazoi politikoengatik" jazarri dutela argudiatu du haren abokatuak Londresko Auzitegian
Wikileakseko sortzailea Washingtonen esku utzi ala ez aztertzeari ekin diete bi epailek, gaur-biharretan. Auzia galduko balu, Europako Giza Eskubideen Auzitegira jotzea beste aukerarik ez du Assangek.
2024/01/11 - 14:12
Gazan "jokabide genozida eredu bat" jarraitzea leporatu dio Hegoafrikak Israeli
Nazioarteko Justizia Auzitegia gaur hasi da Hegoafrikak Israelen aurka jarritako salaketa aztertzen.
2024/01/09 - 18:04
Bateragune auziaren epaiketa errepikatzea baztertu du Auzitegi Konstituzionalak epaiaren zirriborroan
Aurreikuspenen arabera, datorren asteko osoko bilkuran aztertuko dute zirriborroa Konstituzionaleko magistratuek. Gehiengo aurrerakoiaren aldeko botoekin aurrera egingo duela uste da.
2024/01/02 - 19:49
Erregearen argazkiak edo Puigdemonten eta Abascalen panpinak, Pedro Sanchezenaren aurrekariak
Polizia Nazionalak asteazken honetarako deitu du Ferrazen, PSOEren egoitzaren aurrean, Urtezahar gaueko protestaren deitzailea deklaratzera. Protestaren deitzailea astearte honetarako deitu zuten, baina azkenean atzeratu egin dute.
2023/11/09 - 20:16
Estrasburgoko Auzitegiak begi onez ikusi du Espainiak Pablo Hasel rap abeslariari ezarritako zigorra
Epaiak dio defentsak aurkeztutako errekurtsoa "oinarririk gabekoa" dela, eta uste du Espainiako Auzitegi Nazionalaren epaiak adierazpen askatasuna kontuan hartu zuela eta zigorra ez zela "neurrigabea" izan.
2023/10/22 - 09:38
Txikiak handien aurka: 6 gazte portugaldarrek Europako 32 herrialderen aurka zabaldu duten kasuaren gakoak
11 eta 24 urte bitartean dituzten gazteek Giza Eskubideen Europako Auzitegian salatu dituzte herriak. Klima-aldaketaren aurka ez dutela behar adinako neurririk hartzen diote, eta euren giza eskubideak urratzen dituztela, besteak beste, bizitzeko eskubidea.
2023/10/20 - 09:00
''Gazte aktibisten kasuak doktrina sortuko du eta estatuak gas isuriak gutxitzera behartu ditzake”
Itziar Eizagirre Zuzenbidean lizentziatua eta iraunkortasuneko gobernantzan aditua da. Portugalgo sei gaztek Europako 32 herrialderen aurka jarri duten salaketa aztertu dugu berarekin.
2023/09/22 - 16:33
Giza Eskubideen Europako Auzitegiak aztertuko du Proces auziaren epaia
Auzipetuen defentsen arabera, Giza Eskubideen Europako Auzitegiaren ebazpenak aurkeztutako eskubideak urratzeagatik aurkeztutako demandak izapidetzea onartzen du.
2023/05/22 - 16:08
Auzitegi Konstituzionaleko Fiskaltza Bateragune auziko epaiketa errepikatzearen kontra agertu da
Sei urteko espetxe zigorra bete zuten, baina 2018an Europako Giza Eskubideen Auzitegiak epaiketa bidegabea zela ebatzi zuen. Gorenak epaiketa errepikatu behar zela jakinarazi ondotik kontra agertu da gaur Konstituzio Auzitegiko Fiskaltza.
2022/09/15 - 21:55
Polonian kartzelatuta dagoen Pablo Gonzalezek Estrasburgoko Giza Eskubideen Europako Auzitegira jo du
Salaketan argudiatu dutenez, espetxeratzeak ez ditu justiziako gutxieneko minimoak betetzen, eta Gonzalez dagoen baldintzek ez dituzte errespetatzen giza eskubideak. Euskal kazetaria otsailaren 28tik dago preso eta inkomunikatuta.
2022/06/15 - 18:39
Erresuma Batuak "harrigarritzat" jo du Giza Eskubideen Europako Auzitegiaren erabakia eta planari eutsi dio
Barne ministroak Erresuma Batuak migratzaileei laguntzeko duen konpromisoa defendatu du, ibilbide "seguru eta legezkoetatik" urtero 20.000 pertsona baino gehiago iristen direla argudiatuta, eta, aldiz, Mantxako kanalaren bidez iritsiera irregularrak geldiaraztearen alde egin du.
2022/06/15 - 08:41
Erresuma Batutik kanporatutako migratzaileak Ruandara eraman behar zituen hegaldia bertan behera utzi dute
Giza Eskubideen Europako Auzitegiak Erresuma Batutik Ruandara zihoan lehen hegaldi hori geldiarazteko agindu du.