Klima aldaketaren aurka neurriak ez hartzeak giza eskubideak urratzen ditu, Estrasburgoko Auzitegiaren arabera
Klima aldaketaren aurka neurriak ez hartzeak giza eskubideak urratzen dituela ebatzi du Estrasburgon egoitza duen Europako Giza Eskubideen Auzitegiak. Zehazki, Suitzako Gobernuak klima aldaketaren ondorioak arintzeko neurriak hartu ez izanak bertako biztanleen giza eskubideen aurka egiten duela adierazi du.
Europako Giza Eskubideen Auzitegiak Suitzako adineko emakume talde batek herrialdeko gobernuaren aurka jarritako salaketaren alde egin du, askok historikotzat jo duten epai batean.
Síofra O'Leary Europako Giza Eskubideen Auzitegiko presidenteak azaldu duenez, Suitzako Gobernuak salaketa aurkeztu duen Verein KlimaSeniorinnen elkarteko kide diren emakume horien giza eskubideak urratu ditu, klima aldaketaren aurka ustez daraman estrategiak "hutsune kritikoak" dituelako.
Gauzak horrela, auzitegiko epaileek ebatzi dute Suitzak ez dituela nahikoa neurri hartu klima aldaketak adineko emakume horiengan (erdiek baino gehiagok 75 urte baino gehiago dituzte), eta, oro har, biztanleria osoarengan dituen kalteak arintzeko.
Horrez gain, epaileek ondorioztatu dute Suitzak ez duela behar beste egin negutegi efektuko gasak murrizteko ezarritako helburuak betetzeko.
Are gehiago, iraganean ere karbono emisioak mugatzeko helburuak ez dituela bete nabarmendu dute.
Aitzitik, Europako Giza Eskubideen Auzitegiak ez du onartu sei gazte portugaldarrek, arrazoi beragatik, Portugalen eta Europako beste 31 estaturen kontra jarritako salaketa. Kasu horretan, auzitegiak ebatzi du Estrasburgora jo aurretik, lehenik, herrialdeko auzitegietako bidea amaitu behar zutela.
Hortaz, epaileek ez dute auziaren mamia aztertu.
Gazteek argudiatu zuten klima larrialdiak arau juridiko horretatik salbuesten zituela, baina auzitegiak ez du tesi hori onartu.
Suitzako adineko emakumeen eta Portugalgo sei gazteren salaketaz gain, bada klima aldaketari lotutako hirugarren salaketa bat, hain zuzen ere, Frantziako Gobernuaren aurka jarritakoa.
Zure interesekoa izan daiteke
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute andrea, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.
Iranek negoziatzeko beste proposamen bat bidali dio AEBri
Trumpek onartu du Iranek "aurrerapausoak" eman dituela bere proposamenean, baina ez du baztertzen aukera militarra.