Gazan "jokabide genozida eredu bat" jarraitzea leporatu dio Hegoafrikak Israeli
Gazako Zerrendan genozidio krimenak egitea leporatuta, Hegoafrikak Israelen kontrako salaketa jarri zuen, iazko abenduaren amaieran, Nazioarteko Justizia Auzitegiaren (Nazio Batuen Erakundearen organo judizial nagusia) aurrean, eta gaur hasi da hori aztertzeko prozedura Hagako Bakearen Jauregian. Saioei hasiera emateko, Joan Donoghue Auzitegiko presidenteak bi aldeen ordezkariak aurkeztu ditu: Dikgang Ernest Moseneke abokatua izango da Hegoafrikaren ordezkaria, eta Aharon Barak, Israelena.
Gaur, Hegoafrikaren txanda izan da, eta 10:00etatik 13:00era arteko tartea izan du, salaketaren argudioak azaldu eta bere eskaria mahai gainean jartzeko. Israelek bihar goizean izango du horretarako aukera.
Nazio Batuen Erakundeak 1948an onartutako eta 152 herrialdetan indarrean dagoen Genozidioa Prebenitzeko eta Zigortzeko Ituna urratzen ari dela frogatu nahi du Hegoafrikak prozesu honetan. Salaketa aurkeztu zuenean, herrialde horrek nabarmendu zuen, genozidioaren aurkako itunaren sinatzaile den heinean, Gazakoa bezalako sarraskiak "galarazteko betebeharra" duela.
Gaurko saioan, Adila Hassim abokatu hegoafrikarrak berretsi du "ekintza genozida" dela Israel Gazan egiten ari dena. "Hilketa masiboen, behartutako desplazamenduen, eta kalte fisiko eta mental larrien" bidez, palestinarren kontra "jokabide genozida eredu bat" jarraitzea leporatu dio Benjamin Netanyahuk zuzentzen duen Gobernuari.
Prozedura honekin, Nazioarteko Justizia Auzitegiak ez du, oraingoz, gatazkaren funtsa aztertuko. Soilik, Gazako herritarren eskubideak babesteko behin behineko neurriak hartu ala ez erabakiko du, Hegoafrikak proposatutakoa kontuan hartuta.
2023ko urriaren 7an Hamasek Israelen kontrako erasoa egin zuenetik (1.200 israeldar inguru hil ziren), Israelgo Gobernua etenik gabe ari da Gaza erasotzen, eta, dagoeneko, 23.300 palestinar baino gehiago hil ditu, eta 60.000 inguru zauritu. 2,3 milioi pertsona bizi dira Gazan, eta horietatik 1,9k euren bizitokiak utzi behar izan dituzte.
Zure interesekoa izan daiteke
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.
Albiste izango dira: AEBren eta Iranen arteko bake akordioa, Zubietako espetxearen inaugurazioa eta medikuen greba
Gaurkoan Orain-en albiste izango direnen laburpena, bi hitzetan.