Hautagaiak

2024/03/12 - 15:23

EH Bilduk Iruñeko Aberri Egunean parte hartzeko deia egin du

Pernando Barrenak eta Oihana Etxebarrietak martxoaren 31n Nafarroako hiriburura hurbiltzeko deia egin diete euskal herritarrei.

2024/03/11 - 10:27

"Ezberdinen arteko elkarlana" eta EAEn ezkerreko gobernua osatzea defendatu du Gorrotxategik, Sumar sartuta

Elkarrekin Podemoseko lehendakarigaiaren arabera, EAEko gizartea ezkerrekoa da eta ezkerreko politikak eskatzen ditu eta hori "islatu" egin behar da, "lehenengoz ezkerreko gobernu bat lortzeko". Balizko gobernu horri begira, EH Bildu, PSE-EE, eta Sumar jo ditu ezkerreko gisa, ez EAJ.

2024/03/10 - 15:12

Javier de Andresek (PP) EAJri eta PSE-EEri egotzi die 'gazteen ihesaren' erantzukizuna

Lehendakarigai popularrak "hobekien prestatutakoak uxatzea" egotzi dio Eusko Jaurlaritzari, "Bilduren eta Podemosen babesarekin". "Lehen gertatzen zena gertatu behar da, prestatuenak etortzen zirela, eta ez oraingoa, gazteak uxatu egiten dituztela", gaitzetsi du.

2024/03/10 - 14:46

Ortuzar: ''Gazteek argi izan behar dute nortzuk ibili diren herriari su ematen eta erakundeei boikota egiten''

EAJko presidenteak azpimarratu duenez, "EAJk iragana, orainaldia eta etorkizuna ditu, ez besteek bezala, euren iraganaz lotsatzen direlako".

2024/03/10 - 14:36

Alba Garciak esan du PSE-EE gobernu immobilista baten parte dela

Legebiltzarrerako hauteskundeetarako hautagaiak bildu ditu Sumarrek Sestaon. Alba Garcia lehendakarigaiak adierazi du PSE-EE gobernu immobilista baten parte dela eta gizartea aldaketak eskatzen ari dela.

2024/03/10 - 13:27

Hezkuntza Legea indargabetzearen alde agertu da Elkarrekin Podemos

Miren Gorrotxategi lehendakarigaiak adierazi du legealdi honetan onartu den Hezkuntza Legea "pribatizatzailea" dela, eta "elkarbizitza" bultzatuko duen lege bat egitearen alde agertu da.

2024/03/09 - 16:23

De Andres (PP): ''EAJk Irene Monteroren eredu soziala eta Pedro Sanchezen eredu ekonomikoa ditu''

Javier de Andresen (PP) ustez, EAJ, PSE-EE, EH Bildu eta Elkarrekin Podemos "lau marka komertzial ezberdin dituen produktu bera" dira. "2024an onartutako lege guztiek euren botoak izan dituzte, adosteko borondatea dutelako eta munduaren ikuspegi bera dutelako", azaldu du.

2024/03/09 - 15:44

''Etorkizuna ezkerretik eta burujabetzatik dator, Irlandan, Katalunian, Galizian eta Euskal Herrian''

Pello Otxandiano EH Bilduren lehendakarigaiak Euskadirako autogobernu berria aldarrikatu du, eraldaketa soziala, politikoa, ekonomikoa eta kulturala gauzatu ahal izateko.

2024/03/09 - 15:13

Aitor Esteban: ''Espainiako Gobernuak aurrekontuak adostu beharko lituzke; bestela, suizidioa litzateke''

Irunen izandako kanpainaurreko ekitaldi batean, Kongresuko EAJren bozeramailearen ustez, aurrekontuak Parlamentuko bazkideekin adostu ezean, "horrek azkenean giroa gaiztotuko du". (jatorrizkoa, gaztelaniaz)

2024/03/09 - 15:05

Eneko Anduezaren (PSE-EE) ustez, sozialistak "funtsezkoak" izango dira hurrengo Eusko Jaurlaritzan

PSE-EEko idazkari nagusi eta lehendakarigaiak Sanchezek eta Zapaterok ere parte hartu duten ekitaldi batean esan duenez, PSE-EE "kudeaketa onaren bermea" da, "nahigabearen aurrean itxaropena, autokonplazentziaren aurrean anbizioa eta sektarismoaren aurrean aniztasuna".

2024/03/09 - 14:25

Alba Garcia: ''Sumarrek eredu publikoa, berdea eta soziala aldarrikatzen du''

EH Bilduren eta PSE-EEren "eredu zaharkituak" kritikatu ditu Sumarreko lehendakarigaiak, eta Sumarrekoa proposatu du, koalizio horrek justizia soziala eta ekologismoa defendatzen dituelako.

2024/03/09 - 13:46

Gorrotxategi: ''EAJk diskurtso feminista erosi du, baina bere politikek ez dute feminismoarekin zerikusirik''

Donostian emakumeekin egindako gosarian egin ditu adierazpen horiek Miren Gorrotxategi Elkarrekin Podemosen lehendakarigaiak, Irene Montero Berdintasun ministro ohi eta Europako hauteskundeetarako Podemosen hautagaia ere bertan izan da.

2024/03/08 - 10:25

Anduezak, Ertzaintzaren jardunaz: "Bere protokoloak ditu, eta istiluak daudenean, sartu egin behar da"

PSE-EEko lehendakariagaiak "konfiantza" azaldu dio poliziari. Istiluen atzean EH Bildu ote dagoen galdetuta, "zuhurrago" azaldu da eta koalizioa "seinalatzea" saihestu du. Dena dela, aipatu du mugimendu batzuen atzean "ezker abertzalearen edota independentisten ingurukoak" izan zirela.

2024/03/06 - 14:39

Nikki Haley gobernadore ohiak AEBko presidentetzarako Alderdi Errepublikanoaren hautagai izateko lehia utzi du

Beraz, Donald Trump izango da errepublikanoen hautagaia azaroaren 5eko hauteskundeetan.

2024/03/06 - 11:22

Joe Bidenek eta Donald Trumpek erraz irabazi dute ''superasteartean''

"Superastearteak" argi utzi du Donald Trump errepublikanoa eta Joe Biden presidente demokrata izango direla azaroko hauteskunde orokorretan parte hartzeko hautagaiak.

2024/03/06 - 10:49

Pradales: "Zergatik beti jartzen da fokua Ertzaintzaren jardunean eta ez istiluak eragiten dituztenengan?"

Lehenik eta behin fokua beste horretan jarri behar da EAJren lehendakarigaiaren arabera, eta, gero, behar bada, Ertzaintzaren jardunaz hitz egin daiteke.

2024/03/06 - 08:23

"Superastearteak" ia erabakita utzi ditu Donald Trumpen eta Joe Bidenen hautagaitzak AEBko Presidentetzarako

Hautagai demokratak ez du aurkaririk izan eta estatu guztietan irabazi du. Trumpek lehian ziren 14 estatuetatik 13tan lortu du garaipena, Nikki Haleyk Vermont eskuratu baitu. Hori horrela, NBEren enbaxadore izandakoak lasterketa utzi du.

2024/03/05 - 06:00

Zer da AEBko 'superasteartea'? zer dute jokoan Trumpek eta Bidenek?

Alderdi Demokratak eta Errepublikanoak presidentegaia aukeratuko duten ordezkarien % 35 baino gehiago hautatuko dituzte. Kalifornian eta Texasen, estatu handienetan, izango dira bozketak, beste askoren artean.

2024/03/04 - 17:13

AEBko Auzitegi Gorenak Coloradoko barne-hauteskundeetara aurkezteko baimena eman dio Trumpi

Auzitegi Gorenaren erabakia 'superasteartea'ren bezperan iragarri dute, eta Etxe Zurirako bidean data garrantzitsua da. Erabakiak Maine eta Illinois estatuek jarri dituzten antzeko salaketei ere eragin diezaieke. "Garaipen handia da AEBrentzat", adierazi du Trumpek.

2024/03/04 - 10:21

Nikki Haleyk lehengo aldiz irabazi dio Trumpi, 'superasteartea'ren atarian

Hego Karolinako gobernadore ohiak botoen % 63 eta 19 ordezkari eskuratu ditu Columbia barrutian, Washington hiribua barne hartzen duen eremuan.