Pradales: "Zergatik beti jartzen da fokua Ertzaintzaren jardunean eta ez istiluak eragiten dituztenengan?"
Bilbon eta Donostian futbol partiden testuinguruan, eta, Gasteizen, Martxoaren 3ko biktimak oroitzeko manifestazioan izandako istiluek zeresana ematen jarraitzen dute. Imanol Pradales EAJren lehendakarigaiak fokua "beti" Ertzaintzarengan jartzen dutenak kritikatu ditu: "Zergatik beti jartzen da fokua Ertzaintzaren jardunean eta ez istiluak eragiten dituztenengan?".
Euskadi Irratiko "Faktoria" saioan egin dioten elkarrizketan, Pradalesek ez du baloraziorik egin nahi izan atzo Josu Erkoreka Segurtasun sailburuak esandakoen inguruan, "daturik eta iturririk" ez duela argudiatuta. Erkorekak adierazi zuen sigla batzuen atzean antolatzen ari direla azken asteetako kaleko istiluak, zuzenean EH Bildu aipatu gabe.
Azken asteetan hainbat tokitan gertatzen ari diren istilu eta liskarren ondoren, gizarte bezala beste gogoeta bat egin beharra dagoela uste du Pradalesek. Horren ustez, lehenik eta behin fokua istiluak eragiten dituztenengan jarri behar da, eta, gero, "hala bada, hitz egin dezagun Ertzaintzaren jardunaz".
Halaber, istiluak eragiten dituzten horiei lotuta, galdera bat luzatu dio Pradalesek euskal gizarteari: "Pertsona horiek nahi ditugu euskal gizartean?". Istilu eta liskar guztiak gaitzetsi ondoren, pertsona horiek guztiak "soberan" daudela azpimarratu du.
Bestalde, normalean Ertzaintzak proportzionaltasunez jarduten duela defendatu du. Agian, batzuetan, "desproportzioak" egon daitezkeela onartu du, baina alde "batean eta bestean".
Zure interesekoa izan daiteke
Frantziako Fiskaltzak bete beharrik gabeko bost urteko zigorra eskatu du Josu Urrutikoetxearentzat
Frantziako estatutik behin betiko kanporatzea ere eskatu du fiskalak. Defentsak, berriz, ez kanporatzeko deia egin du. Auzia epaiaren zain geratu da. Uztailaren 2an emango dute jakitera.
Sanchezek eskatu du EB-Israel akordioa bertan behera uzteko, eta Netanyahuk Espainia kanporatu du Gazarako koordinazio zentrotik
Espainiako Gobernuko presidenteak ohartarazi du Israel nazioarteko zuzenbidea "nabarmen" urratzen ari dela Palestinan eta Libanon. Israelgo lehen ministroak, bestalde, Israelgo Armadako soldaduak difamatzea leporatu dio Espainiari.
Fiskaltzak ETAko buruzagi ohi Marisol Iparragirreri emandako erdi-askatasuneko erregimenaren aurka egin du
Fiskaltzak Espetxe Araudiaren 100.2 artikuluaren aplikazioa berrikusteko eskatu du; txostenak, baina, ez du Eusko Jaurlaritzaren erabakia eten.
Chivitek asteazkenean sinatuko du Hithiumen inbertsioa Nafarroan gauzatzeko akordioa, Pekinen
Horren helburua 400 milioi euroko inbertsioa eta 1.000 lanposturaino beharko dituen bateria enpresa ezartzeko urratsak aurreratzea da.
Fiskaltzak helegitea jarri du Konstituzionalean, Garcia Ortiz fiskal nagusi ohiaren aurkako epaiaren kontra
Ministerio Publikoaren arabera, Garcia Ortizen errugabetasun printzipioa urratu da prozesuan zehar eta ez dago froga nahikorik Alberto Gonzalez Amadorren abokatuak bidalitako mezu elektronikoa Fiskaltzak bidali zuela esateko.
Aitor Estebanek euskal selekzioen ofizialtasuna aldarrikatu du, “nazioarte mailan ikusgarritasuna izateko”
EAJren EBBko presidentea Mendozan izan da, Munduko Pilota Txapelketa antolatu duen hirian. Pilotako euskal selekzioaren ofizialtasuna lortu izanak duen “garrantzia” nabarmendu du bertan.
Euskal Hirigune Elkargoak larunbatean hautatuko du lehendakaria, eta gutxienez lau hautagai izango dira
09:00etan bilera hasi arteko epea duten arren, lau dira, momentuz, Elkargoa gidatzeko nahia adierazi dutenak: Jean Rene Etchegaray, Baionako auzapeza eta Elkargoko lehendakaria orain arteko bi agintaldietan; Alain Iriart, Hiriburuko ezker abertzaleko auzapeza; Peio Etxeleku, Kanboko auzapez jeltzalea, eta Pascal Lesellier, Baionako eskuin muturreko hautetsia.
Rufianek eta Monterok ezkerra batzea eskatu dute, Voxi aurre egiteko: "Bestela, banan-banan hilko gaituzte"
Gabriel Rufian ERCk Kongresuan duen bozeramaileak eta Irene Montero Podemoseko bigarrenak PSOEren ezkerretara dauden alderdien batasuna aldarrikatu dute, eta biek defendatu dute ezkerreko balizko fronte horien gidaritza euren alderdiek hartzea Estatuan eta Katalunian. "Betela, banan-banan hilko gaituzte", esan dute, Bartzelonan egin duten ekitaldia.
Carmen Panok Aldamaren aginduz Ferrazen 90.000 euro entregatu zituela berretsi du Gorenean
Enpresariak esan du 45.000 euroko bi ordainketa eraman zituela PSOEren egoitzara, eta Abalosek hidrokarburoen lizentzian egindako kudeaketengatik “etxe bat" nahi zuela adierazi du.
Otxandianok "haren kapital politikoa jartzeko" eskatu dio Pradalesi, "estatus politiko berriaren eztabaida erdigunean kokatzeko"
EH Bilduren Legebiltzarreko bozeramaileak gehiengo kualifikatuak eta giro politiko "nahiko aldekoa" direla aprobetxatzearen alde egin du, "herri akordioak, akordio nazionalak eta estatu ikuspegia duten itunak lortzeko" EAEn, bere ustez, eta egungo testuinguru historikoan, hori baita "herri honen interesak babesteko alternatiba zentzuzko bakarra".