Hezkuntza

2025/01/07 - 20:10

Atarrabiako Atargi ikastetxeko Gurasoen Elkarteak protesta egin du irakasle baten itzuleraren aurka

Ikasleekiko "tratu onartezina" leporatzen diote irakasleari. Hezkuntza Sailak artxibatu egin zuen horren aurkako diziplina-espedientea, baina gurasoek gora jotzeko errekurtso bat aurkeztu dute.

2024/12/21 - 19:46

Peio Jorajuriaren aldia amaituta, hiruko lehendakaritza izango du Seaskak urtarriletik aurrera

2019tik lehendakari izan denak txalo artean utzi du kargua, larunbat honetan Kanbon egin duten batzarrean. Erik Etxart izango da Ipar Euskal Herriko Ikastolen bozeramailea, eta alboan izango ditu Sophie Layus eta Antton Etxeberri. Urtarrilaren 13an gauzatuko da lehendakarikideen kargu-hartzea.

2024/12/19 - 19:38

Lan legepeko irakasleen eta hezitzaileen bigarren hitzarmena sinatu dute Jaurlaritza, UGT, LAB eta Steilasek

Hitzarmenak sektoreko ordezkarien % 63 baino gehiagoko babesarekin egin du aurrera, UGTk, LABek eta Steilasek babestu baitute. Aurreko hitzarmena duela 20 urtekoa zen, 2004koa. ELAk, ostera, ez du hitzarmena babestu, bere ustez, sektorearen aldarrikapen nagusiak ez direlako aintzat hartu.

2024/12/18 - 18:34

Begoña Pedrosa: ''Zertara dator greba deialdia negoziazioa irekita dagoenean?''

Begoña Pedrosa Eusko Jaurlaritzako Hezkuntza sailburuak ziurtatu duenez, bere sailak hasieratik "jarrera irekia eta eraikitzailea izan du, sindikatuen ordezkari guztiekin akordioak bilatzean oinarritua".

2024/12/17 - 13:33

Eusko Jaurlaritzak ia 4.000 plazako lan eskaintza publikoa onartu du

Lanpostu gehienak (ia 1.900) Osakidetzan eta Hezkuntzan (1.000 pasatxo) eskainiko ditu Gobernuak. Ertzaintzan 500 plazatik gora izango dira, eta administrazio orokorrean, 400 bat. Hurrengo hiru urteetan egingo dituzte deialdiok.

2024/12/17 - 11:04

Eusko Jaurlaritzak mahai gainean ''edukiak'' jarri ezean hezkuntza publikoan grebak deitzen jarraituko du ELAk

Mitxel Lakuntza ELAren idazkari nagusiaren arabera, Jaurlaritzak edukiak aldatu ezean ez dute grebak deitzea beste aukerarik. Hezkuntzan "egiturazko arazoak" daudela adierazi du, tartean, erosahalmenaren galera eta behin-behinekotasuna. Halaber, dauden enpleguak bermatu behar direla gehitu du.

2024/12/16 - 18:02

Errugabe jo dituzte ikaskide bati eskola-jazarpena egiteagatik epaitutako Zumarragako 11 adingabeak

Epailearen arabera, ez da frogatuta geratu epaitutako adingabeek jazarpena egin ziotenik ikaskideari eta, ondorioz, haren osotasun morala kaltetu zutenik. Epaia ez da behin betikoa, eta helegitea jartzeko aukera dago.

2024/12/16 - 13:44

Launa greba egun deitu dituzte EAEko eskola publikoetan, haur-eskoletan eta garbitzaile eta sukaldarien artean

LABek, Steilasek, ELAk eta CCOOk egin dute deialdia. Hezkuntza Publiko ez unibertsitarioan urtarrilaren 22 eta 23an eta otsailaren 26 eta 27an izango dira lanuzteak; haur-eskoletan, urtarrilaren 28-29 eta otsailaren 12-13an, eta sukalde eta garbiketan, urtarrilaren 30-31n eta otsailaren 19-20an.

2024/12/16 - 10:27

Ikastolen Elkartea: ''Ez dugu emakumeekiko jazarpen egoerarik onartzen eta ez dugu inoiz onartuko''

Nekane Artola Ikastolen Elkartearen presidenteak adierazi duenez, "neurri zorrotzak" hartu dituzte, besteak beste, ustez sexu-erasoak eta jazarpenak egin dituen irakaslea baztertu egin duela Urretxindorra ikastetxeak, eta adierazi du dagoeneko ez dela ikasgelan egongo.

2024/12/15 - 13:35

Urretxindorra ikastolako ustezko erasotzailea baztertu egin dute, astelehenetik aurrera ez du eskolarik emango

Horixe jakinarazi du Ikastolen elkarteak. Azkue ikastolaren kasuan, salaketa jaso duen irakaslea erretiratuta dagoela baieztatu du Nekane Artolak.

2024/12/14 - 19:41

Biteri Zuhaizti Eskolako familiek salatu dute obrek zarata eta hautsa sortuko dituztela umeak eskolan direla

Donostiako Udalari egotzi diote "arrazoi ekonomikoak" lehenestea, "haurren segurtasunaren, ongizatearen eta osasunaren aurretik".

2024/12/14 - 18:11

Hezkuntzak ikerketa abiatu du Urretxindorrako ikasle ohiek jazarpenagatik salatutako irakaslearekin lotuta

Hezkuntza Saileko iturriek jakinarazi dute Instagrameko kontu batean zabaldu diren salaketen harira, auzia ikertzea erabaki dutela.

2024/12/04 - 19:26

Indautxuko Eskolako ikasleek Nazioarteko Espazio Estazioarekin bat egin eta astronauta batekin hitz egin dute

Indautxuko Eskolak historia egin du, ARISS programa espazial ospetsuan parte hartu duen Euskadiko lehen zentro publikoa izan baita. Ikasleek galderak egin ahal izan dizkiote Sunita Williams astronautari.

2024/12/02 - 14:17

Altxa Burua taldeak Hezkuntza Sailari eskatu dio dekretu bidez debeka dezan sakelakoen erabilera ikastetxeetan

Eskolak telefono mugikorrik gabeko arnasgune bihurtzea eskatzeko, 20.000 sinadura aurkeztu dituzte Eusko Legebiltzarrean.

2024/11/27 - 11:21

Bengoetxea, EHUren norabidea aldatu nahi duen errektorea

Irakasle eta ikertzaile gisa ibilbide emankorra izateaz gain, politikan ere arrastoa utzitakoa da irundarra; Lan eta Gizarte Segurantza sailburuordea izan zen 1998 eta 2001 artean.

2024/11/27 - 08:37

Albiste izango dira: Pradales-Sanchez bilera, Bengoetxea EHUko errektore berria eta su-etena Libanon

Gaurkoan albiste izango direnen laburpena, bi hitzetan.

2024/11/26 - 21:37

Joxerramon Bengoetxea aukeratu dute EHUko errektore

Joxerramon Bengoetxea buru duen hautagaitzak irabazi ditu Euskal Herriko Unibertsitateko (EHU) hauteskundeak, eta Bengoetxea izango da euskal unibertsitate publikoko errektore berria.

2024/11/26 - 13:13

Nafarroako Goi Mailako Musika Kontserbatorioko ikasleek bi irakasle salatu dituzte indarkeria matxistagatik

Hezkuntza Departamentuak espedienteak egin dizkie biei. Ikasleek elkarretatzea egin dute goizean, pairatutako "jazarpen eta matxismo egoera onartezinak" salatzeko eta erasotzaileen kontrako neurri "eraginkorrak" eskatzeko. Kontserbatorioko zuzendaritza ere protestan izan da, babesa adierazteko.

2024/11/25 - 13:59

Eva Ferreira eta Joxerramon Bengoetxea, EHUko bi errektoregaiak, aurrez aurre

Astearte honetan, irakasle, ikasle eta teknikari, 50.000 pertsona baino gehiago daude deituta EHUko hurrengo errektorea aukeratzeko hauteskundeetara. Haiekin guztiekin hitz egin dugu Euskal Unibertsitate Publikoaren egoeraz eta beharrez.

2024/11/21 - 16:43

Itunpeko ikastetxeetako eta sare publikoko langileen soldatak parekatzeko baimena eman du Legebiltzarrak

Ia 67 milioi euroko partida berezi bat ahalbidetu da, 2023. eta 2024. urteei dagezkion ordainketak egiteko. EAJ, PSE-EE, PP eta Vox legea aldatzearen alde agertu dira, EH Bildu abstenitu egin da eta Sumarrek kontra bozkatu du.