Italia

2024/04/11 - 13:35

Bederatzi migratzaile hil dira eta 15 desagertuta daude Mediterraneo erdialdean izandako hondoratze batean

Zihoazen ontzia Italiako Lampedusa uhartetik 30 miliara hondoratu da. Italiako kostazainek adierazi dutenez, erreskate operazioetan laguntza eman diote Maltari, patruila bat bertara bidalita. 22 pertsona onik erreskatatzea eta 9 gorpu berreskuratzea lortu dute.

2024/03/30 - 10:09

Aita santuak ez du Ostiral Santuko gurutze-bidea zuzendu ''osasuna zaindu'' ahal izateko

Dena dela, Larunbat Santuko pazko-gaubeilan eta Berpizkunde eguneko mezan egotea espero da. Frantziskok (87 urte) arnasa hartzeko arazoak ditu aspaldian.

2024/03/18 - 11:50

Akerbeltz erraldoia, Mutrikutik Veneziara

Ubide handian barrena, artista handien pare iritsi da Mutrikuko Udalaren Akerbeltz erraldoia Veneziara. Belgikako Petticoat Government kolektibo artistikoak munduko toki ezberdinetako erraldoiekin osatutako artelana aurkeztuko du apirilean zabalduko den Veneziako Bienalean. Tartean da Akerbeltz.

2024/03/12 - 14:15

Aita Mari Bilboko portura bidean da, 12. misioa amaitu eta Mediterraneoan 43 pertsona erreskatatu ondoren

Mediterraneotik bueltan, normalean, Valentziako Burriana edo Vinaros portuetara joan ohi da. Oraingoan, ordea, bi hilabete pasako ditu Bilbo eta Pasaia artean, Itsas Salbamendu Humanitarioa (SMH) gobernuz kanpoko erakundeak azaldu duenez.

2024/02/20 - 14:14

Heldu dira Italiako Ortona portura Aita Marik erreskatatutako 43 pertsonak

Lau eguneko bidaia egin ostean, astearte goizean porturatu dira. Tokiko agintarien esku utzi dituzte, haiei baitagokie orain mugako prozesu administratiboak abiaraztea.

2024/02/19 - 15:07

Itsaso Gorrian dabiltzan merkataritza ontziak babesteko itsas misioa onartu du Europar Batasunak

Alemania, Frantzia, Grezia eta Italiako fragatak parte hartuko dute misioan, eta Grezia izango da guztien buru. Erasoen aurrean erantzun egingo dute, baina ez dute prebentziozko erasorik egingo.

2024/02/10 - 12:34

Italiako bi ontzi militarrek geldialdia egin dute Getxoko portuan, enbatagatik

Italiako 'Giuseppe Garibaldi' hegazkin-ontzia eta ontzi anfibio bat Getxon porturatu dira, Coruñarako bidean itsaso zakarrak behartuta.

2024/01/30 - 11:20

Bero-marka berria baieztatu dute Europan: 48,8 gradu Siziliako uhartean, 2021eko abuztuaren 11n

Marka hori Munduko Meteorologia Erakundeak osatutako zientzialari espezializatuen talde berezi batek berretsi du. Aurreko langa 1977ko uztailaren 10ean ezarri zen, Greziako Atenas eta Elefsina hirietan (48 gradu).

2024/01/28 - 09:14

AEBk, Kanadak, Australiak, Italiak, Erresuma Batuak, Herbehereek eta Finlandiak ez dute UNRWA finantzatuko

Nazio Batuen Erakundeko agentzia horretako zenbait langilek urriaren 7ko erasoekin harremana izan zutela salatu du Israelek, eta horren ondoren etorri da erabakia. Hamasek ukatu egin du harreman hori, eta Israelek eskerrak eman dizkie funtsak bidaltzeari utzi dioten herrialdeei.

2024/01/27 - 22:45

33 urte kartzelan, errugabe izanda, Italiako historian izan den akats judizial handienagatik

58 urteko Beniamino Zunchedduri biziarteko kartzela-zigorra ezarri zioten 1991n, hiru hilketagatik, baina atzo gauean Erromako Apelazio Auzitegiak karguak kendu eta errugabetu egin zuen, ikerketaren polizia-arduradunak lekuko nagusia manipulatu zuela frogatutzat eman ondoren.

2023/12/09 - 19:27

Klima ekintzaileek berdez tindatu dituzte Erromako eta Milango ibaiak zein Veneziako Kanal Handia

Italiako hiri nagusietako (Venezia, Erroma eta Milan) ubide eta ibaietako ura berde fluoreszentez tindatu dute ekintzaile klimatikoek, Italiako Gobernuak eta Dubaiko COP 28 goi-bilerak klima-aldaketari aurre egiteko proposamenik ez dutela egin salatzeko.

2023/11/26 - 10:37

Elurra, errautsak eta sua uztartu dituen kolore ikuskizuna eskaini du Etna sumendiak

Elurrez estalitako sumendian, laba ikusi da egunotan sumenditik behera, eta ke-hodeiak eta sua zeruan. Naturaren indarraren eta edertasunaren beste erakustaldi bat.

2023/10/30 - 15:15

Lehorrean daude Aita Mari ontziak Mediterraneora egin dituen bi irtenaldietan erreskatatu dituen 112 pertsonak

11:30ak pasa iritsi dira Calabriako portura, eta onik daude guztiak. Oso azkar eta arazorik gabe egin omen dituzte lehorreratzeko tramite guztiak. Gehienak siriarrak dira jatorriz, baina Pakistan eta Palestinakoak ere daude tartean.

2023/10/16 - 16:31

Aita Mari, Napoliko portua uztera behartuta, Sirakusara (Sizilia) abiatu da

SMHk salatu duenez, itsasontziko tripulazioa "akitzeko estrategia bat" martxan jarri dute agintariek. Ontzia Napolin porturatu zen joan den larunbatean, Mediterraneo erdialdean erreskatatu zituen 69 pertsonak lehorreratzeko, eta portu horretan egun batzuk gehiago emateko asmoa zuen.

2023/10/15 - 00:00

Aita Mari Napolesera iritsi da, Mediterraneoan erreskatatutako 69 pertsona lehorreratzeko

Lampedusatik gertu zeuden bi ontzitako migratzaileak erreskatatu ostean, Italiako Gobernuak Genovako portura joateko baimena eman zien hasieran, eta gertuen zuten portuan lehorreratzea lortu dute azkenean.

2023/10/13 - 15:16

Aita Marik 69 lagun erreskatatu ditu Mediterraneoan, haurtxo bat eta hainbat adingabe tartean

Egurrezko bi txalupatan zihoazen. Erreskatatuek trauma psikologikoen sintomak dituzte, denbora asko baitzeramaten noraezean. Erreskate ontziko osasun langileak haiek artatzen hasi dira jada. Italiako Gobernuak Napolesko portura joateko baimena eman dio.

2023/10/04 - 16:39

EBko 27 estatu kideek migrazio-politikaren erreforma desblokeatu dute Italiaren babesarekin

Meloniren Gobernuak testua babestu du azken egunetako zalantzen ostean. Hala ere, Polonia eta Hungaria ez daude ados sarbide diren estatuek derrigorrezko kuoten sistema bati uko egitearekin.

2023/10/04 - 11:27

Gutxienez 21 hildako, 12 zauritu eta 4 desagertu Venezian izandako autobus istripu batean

Italiako agintariek jakitera eman dutenez, gutxienez 21 pertsona hil eta 12 zauritu dira autobus bat Mestreko (Venezia) pasabide batetik erori eta su hartu ostean.

2023/10/04 - 10:05

Albiste izango dira: Hezkuntza Legea, autobus istripua Italian eta Sanchezen inbestidura

Gaurkoan albiste izango direnen laburpena, hitz bitan.

2023/10/03 - 23:38

Gutxienez 15 hildako eta dozenaka zauritu Venezian izandako autobus istripu batean

Italiako hedabideen arabera, autobusa trenbideko goiko pasabide batetik erori da, eta oraindik ez dakite zerk eragin duen ezbeharra.