Italiako telebista eta irrati publikoetako kazetariak, "zentsura saiakeren" aurka greban
RAI Italiako telebista eta irrati publikoetako kazetariek 24 orduko greba deitu dute gaurko, euren jardunean "autonomia eta independentzia defendatzeko" eta "politikarien kontrola eta zentsura saiakera" salatzeko.
Hainbat astetako protesten ostean etorri da lanuztea, eta "kontrol itogarria" jasaten ari direla esan dute langileek. Azaldu dutenez, Giorgia Meloni Italiako lehen ministro ultraeskuindarraren Gobernuaren "bozgorailu" izateko presioek marra gorri guztiak gainditu dituzte. Salaketa horrekin bat egin du oposizio politikoak. Hedabidearen zuzendaritzak, bere aldetik, "albiste faltsuak" zabaltzea leporatu dio Usagrai sindikatuari.
Langileek zabaldutako oharrak dionez, "bakarrizketa bat zentsuratzen saiatu zen RAI apirilaren 25ean, eta ondoren, aitzakia ekonomikoak jartzen saiatu", Antonio Scurati idazleari jarritako betoari erreferentzia eginez.
"Nahiago dugu egun bateko edo gehiagoko soldata galdu, gure askatasuna galdu baino, zerbitzu publikoaren askatasuna eta autonomia guztion balioa dela sinetsita. Eta RAI guztiona da ", gaineratu dute langileek. Hala ere, enpresak nabarmendu du "langileen eskubideekin zerikusirik ez duten arrazoiak daudela grebaren atzean". Hala, "arrazoi ideologikoak eta politikoak" aipatu ditu.
Italiako Prentsaren Federazio Nazionalak (FNSI) "oso larritzat" jo du "albiste faltsuak" zabaltzearen akusazioa, eta "ehunka lankide gutxiestea" leporatu die RAIren arduradunei.
Scuratirena da Meloniri zentsura edo hedabide publikoak bere mesedetan erabiltzea leporatu dioten azken kasua. Beste adibide bat, Fabio Fazio kazetariarena da; lau hamarkadan erreferentziazko aurkezlea izan ondoren, kate publikoa uztea erabaki zuen, jasotako presioengatik. Hauteskunde-kanpainan alderdi bakoitzari telebistan zein irratian dagokion denbora tartea arautzen duen legea ere moldatu du zuzendaritza berriak; horren arabera, denbora mugak ezabatu egin dira.
Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".