Pasaia

2025/01/23 - 11:29

Baliogabe utzi dute Gipuzkoan kirol-elkarte batean izena emateko eskola-kirolean parte hartzeko derrigortasuna

Pasaiako familia batek salatu ondoren, EAEko Justizia Auzitegi Nagusiak bertan behera utzi ditu Gipuzkoan eskola-kirola arautzen duen foru-aginduaren hainbat artikulu. Orain arte, 13 urtetik beherakoak Multikirola programan parte hartzera behartuta zeuden, kirol-talde batean izena emateko.

2024/12/30 - 08:37

Donostialdeko taxiek gaurtik aurrera eman ahalko dute zerbitzua Donostian

Donostialdeko 10 udalerritako 118 taxiek asteburu, jaiegun bezpera eta udan jardun ahalko dute hiriburuan, eta Donostiako 308 taxiek herri horietan ere egin ahalko dute lan.

2024/12/27 - 13:15

Donostialdeko taxiek zerbitzua eman ahal izango dute Donostian astelehenetik aurrera

Ondorengo udalerrietako taxiek lan egin ahal izango dute Gipuzkoako hiriburuan: Pasaia, Errenteria, Oiartzun, Lezo, Astigarraga, Hernani, Usurbil, Andoain, Lasarte-Oria eta Urnieta. Donostian zerbitzuak dituen arazoak konpontzea da helburua.

2024/12/25 - 17:46

400 tonako garabia iritsi da Pasaiako portura

Algeposa logistika arloko enpresak erosi du, lau milioiko inbertsioa eginda. Garabiak % 100ean modu elektrikoan lan egin dezake. 400 tonako pisua du eta 35 metroko altuerara iritsi daiteke.

2024/12/12 - 00:00

Pasaiako segadan hildako lau pertsonak omentzeko oroigarriaren aurkako erasoa salatu dute, Azpeitian

Biktimen senideek gogorarazi dute ez dela lehen aldia monolito horrek eta beste batzuek erasoak jasaten dituztela Azpeitian eta Pasaian. Horregatik, deitoratu egin dute pertsona batzuek "bazterketan oinarritutako memoria desitxuratua" eraiki nahi izatea.

2024/12/11 - 19:46

Leonor hiltzeko erabili zuten armaren jabea hilda aurkitu dute Oiartzunen

Gizonaren gorpua herriko Oliden kanpinean topatu dute, 12:30 aldera. Autopsiaren zain, lehenengo ikerketen arabera, suizidioa da heriotzaren hipotesi nagusia. Antza denez, ez du arma bat erabili bere burua hiltzeko, eta atzo gauean ikusi zuten azkenekoz bizirik.

2024/12/05 - 13:56

Indarkeria matxistari "ertz guztietatik irmo" aurre egiteko eskatu du Pasaiako Udalak

Joan den larunbatean izandako hilketa matxistaren biktimari eta haren gertukoei laguntzeko hainbat elkartek egindako lana eskertu du Udalak, gaur zabaldutako adierazpen batean.

2024/12/04 - 20:14

Pasaian egindako elkarretaratze batek Leonorri maitasuna adierazi dio, eta hilketa gaitzetsi du

Etxeko langile talde bat, SOS Arrazakeria erakundeko kideak, herriko dozenaka herritarrekin batera, Antxoko San Fermin elizaren aurrean bildu dira, eta bertara sartzeko eskaileretan pankarta bat zabaldu dute.

2024/12/03 - 15:31

Behin-behineko espetxealdian sartu dute Pasaian bikotekide ohia hiltzeagatik atxilotutako gizona

Indarkeria matxistaren esparruan hilketa delitua leporatzen dio Donostiako Emakumeen Aurkako Indarkeriaren Epaitegiak.

2024/12/03 - 14:15

Ertzaintzak eginbideak abiatu zituen 2021ean Leonorren ustezko hiltzailearen kontra, bigarrenez

Pasaian eraildako emakumeak 2020an salatu zuen bikotekidea, eta urruntze agindua ezarri zioten gizon matxistari. Handik urtebete eta erdira, 2021eko ekainean, atestatua zabaldu zuten gizonak urruntze agindua urratu zuela eta. Espedientea artxibatu egin zuten.

2024/12/03 - 11:28

Pasaian bikotekide ohia hiltzeagatik atxilotutako gizona epailearen aurrera eraman dute

Larunbatean atxilotutako 53 urteko gizona epailearen esku utzi dute astearte honetan, Donostian.

2024/12/02 - 18:19

Indarkeria matxistaren aurrean ''inoiz ez ditugu besoak jaitsiko'', adierazi du lehendakariak

"Nazkatuta eta nekatuta gaude", adierazi du Imanol Pradalesek. Hala, adierazi du Jaurlaritza ez dela "inoiz" geldituko "berdintasunean aske bizi diren emakume eta gizonen Euskadi" eraiki arte.

2024/12/02 - 13:54

Arartekoak eta EHko Mugimendu Feministak protokoloetan jarri dute arreta, Pasaiako hilketaren ondotik

Arartekoak jakin nahi du "zergatik, Leonorrek salaketak egin arren, ezin izan duten emakume hori babestu". "Emakundeko zuzendaria entzun dugu protokoloak ondo funtzionatzen duela esaten. Zer da ondo funtzionatu duena?", galdetu du Euskal Herriko Mugimendu Feministak.

2024/12/02 - 13:40

Pasaiako hilketa matxista salatu dute Gipuzkoako Foru Aldundiaren aurrean, Donostian

Aurretik, Gipuzkoako Foru Aldundiak ezohiko batzarra egin du, azken hilketa matxistari gaitzespena adierazteko. Ustezko egilea atxilotuta dago, eta hurrengo orduetan igaroko da epailearen aurrera.

2024/12/02 - 10:00

Pasaiako hilketa matxistaren ustezko egilea hurrengo orduetan igaroko da epailearen aurrera

53 urteko gizon matxista larunbatean atxilotu zuten, bikotekide ohia hil eta gutxira. Gipuzkoako Foru Aldundiak elkarretaratzea egingo du eguerdian, hilketa salatzeko eta biktimaren gertukoei babesa adierazteko.

2024/12/01 - 23:07

Pasaian bikotekide ohia hiltzeagatik atxilotutako gizonak Ertzaintzaren esku jarraitzen du

Hilketa gertatu eta denbora gutxira atxilotu zuten gizona, bere burua Villabonako Udaltzaingoaren komisarian entregatu zuen eta. Elkarretaratzea egin dute Pasaian, gertatutakoa gaitzesteko. Astelehen honetan ere protesta bat izango da Foru Aldundiaren atarian.

2024/12/01 - 20:14

Pasaiak atzoko hilketa matxista salatu du, elkarretaratze batean

300 pertsona, erakundeetako ordezkariak eta herritarrak tartean, elkartu dira eguerdian, Mugimendu Feministako kideek deituta eta Udalak babestuta, egin den elkarretaratzean. Pasaiako Udalak hiru dolu-egun ezarri zituen larunbatean. Astelehenean, berriz, elkarretaratzea izango da Foru Aldundian.

2024/12/01 - 14:16

Azken hilketa matxista gaitzesteko elkarretaratzea egin dute Pasaian

Pasaiako Udalak hiru eguneko dolua ezarri du. Hainbat erakundeetako ordezkariak izan dira bertan, tartean, Emakundeko zuzendaria eta Gipuzkoako ahaldun nagusia.

2024/12/01 - 13:33

Pasaian eraildako emakumeak ustezko hiltzailearen kontrako salaketa jarria zuen indarkeria matxistagatik

Biktima eta hiltzailea bikotekide ohiak ziren. Larunbatean, 16:00ak pasatxo zirela, emakumearen etxean sartu zen gizona eta tiroz hil zuen hura. Ihes egin zuen gero eta Villabonako Udaltzaingoan bere burua entregatu zuen. Atxilotuta jarraitzen du epailearen aurrera pasatzeko zain.

2024/11/30 - 22:12

Gizon batek bikotekide ohia hil du Pasaian, eta bere burua entregatu du gero

Suzko armaz hil du, alabetako baten aurrean. Ihes egin du gero eta Villabonan entregatu du bere burua. Pasaiako Udalak hiru eguneko dolua ezarri du eta bat egin du igande eguerdirako Pasaiako Mugimendu Feministak deitutako elkarretaratzearekin.