Ertzaintzak eginbideak abiatu zituen 2021ean Leonorren ustezko hiltzailearen kontra, bigarrenez
2021eko ekainean, Ertzaintzak eginbideak hasi zituen Leonorren ustezko hiltzailearen aurka, Eusko Jaurlaritzako Segurtasun Sailak gaur jakitera eman duenez.
Antza denez, biktimaren oniritziarekin indarrean zuen urruntze-agindua urratu zuen gizon matxistak, biktimak tratu txarrengatik eta mehatxuengatik salatu baitzuen 2020ko urtarrilean. Ez dakite zergatik emakumeak ez zuen salaketarik jarri nahi izan bikotekide ohiaren aurka. Espedientea 2022ko urtarrilean artxibatu zen, biktimak azaldu baitzuen ez zela "eraso aipagarririk" izan. Hala ere, gizon horrek berak hil du Leonor ia hiru urte geroago.
Hain zuzen ere, Arartekoak "kasuaren eta inguruabarren berrikusketa zorrotz bat" egitea eskatu zuen atzo, ulertzeko zergatik, salaketak jarrita ere, ez den emakumea babestu eta, horrela, haren hilketa saihestu. Ildo beretik, Euskal Herriko Mugimendu Feministak ere kritikatu du indarkeria matxistaren aurkako protokoloak ez direla ondo funtzionatzen ari.
Gaiaz galdetuta, Maria Ubarretxena Eusko Jaurlaritzako bozeramaileak jakinarazi du Emakunde eta Bekoz Beko Pasaiako elkarte feminista gaur arratsaldean bilduko direla, genero indarkeriari buruzko erakunde arteko protokoloaren esparruan, kasuaren prozedura instituzionalari buruzko azterketa egiteko.
Biktimak aipatutako elkartean laguntza eskatu zuen. Bekoz Beko elkartearen arduradunak deitoratu du, berriz ere, "sistema berandu iritsi dela". "Gizarte gisa huts egin dugu", esan zuten igandean egindako elkarretaratzean.
Zure interesekoa izan daiteke
56 urteko emakume baten bila ari dira Gasteizen
Emakumeak % 80ko desgaitasuna du, 1,35 metro luze da, azal argia du eta betaurrekoak daramatza. Andaluzia kalean ikusi dute azkenekoz larunbat honetan.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Abian da Osakidetzako EPEaren bigarren eguna, zeladore, erizaintzako laguntzaile eta zerbitzuetako langile izateko probekin
Ostiralean hasi eta igandera bitartean, 9 kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbollahrekin zerikusia dutelakoan Bizkaian atxilotutako bi lagunak
Pasaportea kendu diete eta 15 egunean behin epaitegian agertu beharko dute. Bi gazteak "inperialismo genozida salatzearen aurkako kanpaina bat" salatu duen Iranekin bat plataformako kideak dira.
Emakume bat hil da Tuteran izandako auto istripu batean
Ezbeharra NA-134 errepidean gertatu da, ostiral arratsaldean. Emakumeak zeraman autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.
Iganderako aurreikusitako hainbat ekitaldi bertan behera utzi dituzte, bero handia dela eta
Bilbon, hiribilduaren sorreraren 726. urteurrenaren desfile ofiziala ez dute egingo. Bestalde, Gogorak bertan behera utzi du Artxandan egin behar zuen gudari eta milizianoen omenaldia. Sopelan, Kosta Trail mendi lasterketa bertan behera geratu da, eta Barakaldon hainbat ekitaldi moldatu dituzte.
Osakidetza kontaktuak bilatzen ari da Trapagarango klub batean tuberkulosi kasu bat antzeman ondoren
Euskal Osasun Zerbitzua proba diagnostikoak zabaltzea eta establezimenduko langileak banan-banan deitzea aztertzen ari da, miaketa osatzeko eta kutsatze berriak baztertzeko.