PSN

2024/05/16 - 13:08

Chivitek mugatu egin ditu bere sareetan egin daitezkeen iruzkinak "gorrotoaren bozgorailu" ez bihurtzeko

X sare sozialeko bere profilean eskegitako ohar batean azaldu duenez, "bullying birtual" baten biktima izaten ari da, eta egunero "mehatxu eta irainak" jasotzen ditu, gehienak matxistak.

2024/05/10 - 19:56

Iruñeko Udalak "30 milioi euro galdu" dituela salatu dute, "UPNk txosten bat ezkutatzearen ondorioz"

EH Bilduk, PSNk, Geroa Baik eta Contigo-Zurekinek salatu dute UPNko alkateek "iruzurra" egiten dietela herritarrei, eta "kaltea" Udalaren diru-sarrerei. Cristina Ibarrolak bere defentsan esan du ez duela txostenik ezkutatu, ez zegoela amaituta eta "zirriborroa" besterik ez zela.

2024/04/29 - 11:49

Ibarrolak alderdiaren babesa sentitzen du "boto kuota" irabazi eta erakundeak berreskuratzen ahalegintzeko

UPNren presidente izendatu berriak ez dio garrantziarik eman azken 40 urteetako babes txikiena jaso izanari, eta esan du "jendearen bizitza erraztea" izango dela bere politikaren muina.

2024/04/22 - 15:52

EAEko herritarrek ''zerbitzu publikoak indartzearen alde'' bozkatu dute, Chiviteren ustez

PSNren idazkari nagusi gisa egindako adierazpenetan, Chivitek esan du hauteskundeen emaitzak biztanleriaren "kezka eta lehentasunen" isla direla, eta tartean ez dago "agenda subiranista". Horren ustez, hurrengo Jaurlaritzak ere horiek izan beharko lituzke abiapuntu.

2024/04/15 - 17:55

Hainbat ikaslek Parlamentuan Chiviteri egindako irainak ikertzen ari da Nafarroako Unibertsitatea

Martxoaren 20an, Zuzenbideko hainbat ikaslek Chiviteri irain egin zioten Foru Parlamentuko bisita liburuan.

2024/03/26 - 19:26

Chiviteri Cabanillasen egindako erasoa gaitzetsi du Iruñeak aho batez, UPNko zinegotzi baten abstentzioarekin

Aitor Silgado UPNko zinegotziak ez du aldeko botorik eman, bere hiru alderdikideek egin duten bezala. UPN adierazpena "arintzen" saiatu da zuzenketa baten bidez, baina ez dute onartu.

2024/03/25 - 22:20

Nafarroako Parlamentuak ez du lortu Cabanillasen gertatutakoaren aurkako adierazpen bat onartzea

UPNk, PSNk eta Voxek adierazpen bana aurkeztu dute gai honen inguruan, baina batek ere ez du lortu aurrera ateratzeko beharrezkoa den adostasuna.

2024/03/22 - 21:38

Sartagudako alkateak dimisioa eman du, etxeko argindarreko kontadorean iruzurra atzeman eta gero

Argindar konpainiak atzeman du 30 bat auzokidek modu irregularrean zutela konektatuta sarera etxeko argindarra, eta Santos bera da horietako bat.

2024/03/07 - 20:48

Nafarroako alderdiek kritikatu dute Parlamentuari eraso egiten saiatu izana, baina neurri ezberdinean

Chivitek adierazi duenez, "oso kezkagarria da erakundeen gorrotoaren eta deslegitimazioaren diskurtsoak aurrera egiten duen abiadura", eta Esparzak, berriz, desadostasuna agertu du, baina PSNren erreakzioa "zinismo ariketa absolutua" dela kritikatu du.

2024/03/07 - 19:47

Chiviteren Gobernuak bere bosgarren aurrekontuak aurrera atera ditu, EH Bilduren abstentzioak ahalbidetuta

6.355 milioi euro baino gehiagoko aurrekontua da, aurreko urtean baino % 9,2 gehiago. Ostegun honetan aurkeztutako 12 zuzenketez gain, eztabaidatzea onartutako beste bost bozkatu dira. Guztiak aurrera atera dira, PSN, EH Bildu, Geroa Bai eta Zurekin indarren babesarekin.

2024/03/04 - 14:03

Iruñeko udal gobernuak eta PSNk akordioa izenpetu dute 2024ko aurrekontuak onartzeko

"Hiruko" exekutiboak eta sozialistek gaur sinatu dute ituna. Hala, 265 milioi euro izango ditu Iruñeko Udalak, 2007tik izandako aurrekontu handiena. EH Bilduren, Geroa Bairen eta Zurekin Nafarroaren ustez, akordioari esker Iruñea "paralisitik aterako da".

2024/03/04 - 11:27

Iruñeko Udaleko aurrekontu akordioa sinatu dute

EH Bilduk, PSNk, Geroa Baik eta Zurekin Nafarroak izenpetu dute akordioa. Bi urteren ostean, eguneratutako aurrekontuak izango ditu Iruñeko Udalak. Joseba Asiron alkateak akordioaren "garrantzia" nabarmendu du.

2024/02/22 - 13:43

Epaileak pasaportea kendu die Koldo Garcia Abalosen aholkulari ohiari eta atxilotutako beste bi laguni

Pasaportea kentzeaz gain, Garcia, De Aldama eta Iñigo Rotaetxe enpresaburuari hamabostean behin epaitegira joateko betebeharra ezarri die epaileak.

2024/02/21 - 21:01

Abalosen aholkulariaren atxiloketaren eta ministro ohiaren kargugabetzearen arteko lotura ukatu du Sanchezek

"Deigarria egiten zait hain jeloskor egotea, gogoratu nahi dut Feijoo PPko presidente izendatu zutela, aurreko buruzagiak Madrilgo presidentearen ustelkeria kasu baten inguruan salaketa jarri ondoren, zehazki Ayusoren anaia tartean zegoen", adierazi du Sanchezek.

2024/02/21 - 13:59

Abalosen aholkulari ohi Koldo Garcia atxilotu dute pandemia garaian maskaren erosketan iruzur egin zuelakoan

Ikerketaren arabera, Koldo Garcia, PSNren zinegotzi ohi Uharten, eta haren beste bazkide bat, Victor de Aldama, dira 53 milioi euroko balioa zuten kontratuetatik desbideratutako diruaren ustezko sarearen buru. Abalosek "txundituta" eta "atsekabetuta" dagoela adierazi du.

2024/02/19 - 18:13

PSN, EH Bildu, Geroa Bai eta Zurekin Nafarroak Gorenaren epaia kritikatu dute; UPNk eta PPNk, aldiz, babestu

UPNk Nafarroako Gobernuari eskatu dio "bere gain har dezala gertatutakoagatik duen erantzukizuna". PSNk uste du eskumena "eskubide historikoa" dela. EH Bilduren ustez, "Nafarroako autogobernuaren aurkako beste eraso bat da". Zurekin Nafarroak "oinarri politiko argia" ikusten du.

2024/01/19 - 14:11

Nafarroako Gobernuak eta EH Bilduk 2024ko aurrekontuak aurrera ateratzeko akordioa itxi dute

Aurreikuspenen arabera, martxoaren 7an egingo da Nafarroako Parlamentuan aurtengo kontuak onartzeko bozketa, eta EH Bildu abstenitu egingo da.

2023/12/29 - 10:30

Asiron: "Indar aurrerakoiok erakutsi dugu politikak adosteko gai garela"

UPNren jarrerari begira, kritikatu du ez dela "eraikitzailea" izan, eta "hirian pentsatu" beharra dagoela, "erridikulorik egin gabe".

2023/12/28 - 13:59

Joseba Asiron aukeratu dute Iruñeko alkate, EH Bildu, PSN, Geroa Bai eta Zurekin alderdien babesarekin

EH Bilduren hautagaiak Iruñeko aginte-makila lortu du, Cristina Ibarrola alkatearen aurkako zentsura-mozioaren ostean.

2023/12/28 - 13:01

Jai-giroa nagusitu da Iruñeko udaletxeko kanpoaldean

Iruñeko zentsura-mozioa eztabaidatzeko bilkura hasi aurretik, ehunka lagun batu dira Udaletxeko plazan, Joseba Asironi babesa emateko.