Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Ramon Alzorriz PSNren idazkariorde nagusiaren dimisioa iragarri eta biharamunean, Maria Chivite Nafarroako Gobernuko presidente eta PSNren idazkari nagusiak esan du Guardia Zibilaren txostenaren aurrean berak argi esan zuela "erortzen dena erortzen dela" jardungo zuela, eta hori betetzen ari dela azpimarratu du.
Nafarroako Alderdi Sozialistaren Batzorde Iraunkorra premiaz batzartu da gaur goizean, Ramon Alzorriz antolakuntza idazkariak dimititu egingo zuela iragarri ondoren, atzo iluntzean. Maria Chivite Nafarrorako sozialisten idazkari nagusi eta Nafarroako presidenteak esan du berak ez duela dimitituko, ez baitago horretarako arrazoirik.
Horren hitzetan, Alzorrizek ez du inolako deliturik egin, eta, beraz, "ez dago dimisioa emateko arrazoirik", "inongo txostenetan ez baita ageri legez kanpoko ezer" egin duenik.
Hala, nabarmendu du ez dagoela ez bera, ez Nafarroako Gobernua ezta PSN alderdia bera ere inolako ustelkeriarekin lotzen duen ezer.
Horrez gain, iragarri du ekainaren 20an izango dela bozeramaile berria aukeratzeko alderdiaren exekutiba.
Ramon Alzorrizek Nafarroako Alderdi Sozialistako idazkariorde nagusi kargua utzi egin zuen asteazkean , Guardia Zibilaren UCOk egindako ikerketen ondotik, eta Santos Cerdan PSOEko Antolakuntza idazkari nafarrak dimisioa eman eta gero.
Jakinarazi zuenez, bere bikotekideak Belateko tuneletako eraikuntzan parte hartu zuen Servinabar enpresan lan egin izan du. Atzo bertan publiko egin zen Cerdan enpresa horren % 45en jabe zela.
Politikari buruzko albiste gehiago
Antxon Alonso enpresariak ukatu egin du Cerdan Servinabarren bazkide zela
Epailearen aurrean egindako deklarazioan, Alonsok aitortu du PSOEko antolakuntza idazkari ohiak Servinabarren bazkide izateko dokumentua sinatu egin zuela, baina bazkidetza ez zela inoiz gauzatu. Horrekin batera, onartu du Abalos ministro ohiaren fundazioari 4.500 euro eman zizkiola.
Sanchezek ustelkeriaren aurkako neurri sorta “handia” eramango du Kongresura, “konfiantza berreskuratzeko” asmoz
Horixe jakinarazi du Felix Bolaños Espainiako Presidentzia, Justizia eta Gorteekiko Harremanen ministroak, “milioika espainiar atsekabetuta, triste eta desengainatuta” sentitzea ulertzen duela azaldu aurretik.
Asensio “ziur” dago Cerdanen auziak ez duela PSE-EEko inor zipriztinduko
Miguel Angel Morales Antolakuntza idazkariaren izena UCOren txostenetan omen dagoela dioten informazioen aurrean, “urte hauetan Moralesek herriari egin dion zerbitzua” defendatu du Jose Ignacio Asensiok Euskadi Irratiko “Faktoria” saioan egindako elkarrizketan, eta ziur agertu da, "PSE-EEko inori buruz ez baita ezer aterako”.
Antxon Alonsok, Servinabar enpresan Cerdanen ustezko bazkideak, astelehen honetan deklaratuko du Auzitegi Gorenean
PSOEko Antolakuntza idazkari ohiaren eta EAJko eta EH Bilduko kargudunen artean bitartekari lanak egin zituen pertsona ere bada.
Otegi: "Ohore bat da, Euskal Herritik ez zarete pasatuko"
EH Bilduko idazkari nagusiak argi utzi du "ohorea" dela Alderdi Popularrak koalizioaren aurka "babes-hesia" ezartzea.
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.