Grezia, 48 orduko greba orokorrean murgilduta
Grezia geldituta dago gaur, urteko bigarren greba orokorraren ondorioz; oraingoan 48 ordukoa izango da, eta Lukas Papadimos bankari ohiaren Gobernuak eta Europako Batzordeak, Nazioarteko Diru Funtsak eta Europako Banku Zentralak osatzen duten troikak sinatutako akordioaren aurka deitu dute.
Greban parte hartu duten langileen hitzetan, Greziari eskatutako murrizketak "zorrotzegiak" dira.
Poliziak negar ereagiteko gasa erabil i du manifestari talde baten aurka molotov koktelak, harriak eta botilak jaurti dituzte Atenaseko erdigunean. Poliziaren arabera, bi agente zauritu dira eta hiru manifestari atxilotu dituzte.
Evangelos Venizelos Finantza ministroaren hitzetan, datozen egunetan mailegu-emaileen eskariak onartzen dituzte ala ez erabaki beharko dute; ildo horretan, Grezia euroaren barruan jarraitzea jokoan dagoela esan du.
Hori horrela, gaur eta bihar ez da hiri-garraiorik izango Atenasen, trenak, tranbiak, autobusak eta trolebusak geldirik egongo baitira. Halaber, ez da metrorik izango, linea bat izan ezik; 10:00etatik 17:00etara ibiliko da linea hori.
Portuetan, merkantzietako ontziak eta ferry gehienak ez dira aterako. Greziako industriarik garrantzitsuenetarikoa da portuetakoa.
Hegaldietan, aldiz, grebak ez du eraginik izango, aire-kontrolatzaileek ez baitute deiarekin bat egin, Atenaseko aireportutik iturriek Efe albiste agentziari jakinarazi diotenez.
Ospitaleetan, larrialdi kasuak dituztenak baino ez dituzte artatuko, eta eskolak itxita daude. Auzitegiak eta bankuak, publikoak zein pribatuak, ere ez dituzte zabalduko.
Troikarekin adostutako akordioaren arabera, sektore publikoan 15.000 lanpostu desagerraraziko dituzte aurten, eta 2015a bitartean 150.000 enplegu publiko murriztu beharko dituzte.
Halaber, gutxieneko soldata % 22 murriztuko dute, eta hileko 585 euroan ezarriko dute, eta 25 urtetik beherakoentzat % 32 murriztuko dute gutxieneko soldata, hilean 527 euroraino.
Horrela, gazte baten hileko soldata garbia 400 euro inguruan geldituko da; izan ere, Gobernuak zerga handiak eta onartu ditu etengabe azken urteotan, zorrari (BPGren % 160) aurre egitea lortzeko.
Sindikatuak eta patronala soldatak murriztearen aurka daude, langabeziak gora egitea eta pobrezia eragin dutela iritzita; halaber, kontsumoak behera egin du eta 60.000 negozio itxi dira.
Grezia geldituta dago gaur, urteko bigarren greba orokorraren ondorioz; oraingoan 48 ordukoa izango da, eta Lukas Papadimos bankari ohiaren Gobernuak eta Europako Batzordeak, Nazioarteko Diru Funtsak eta Europako Banku Zentralak osatzen duten troikak sinatutako akordioaren aurka deitu dute.Greban parte hartu duten langileen hitzetan, Greziari eskatutako murrizketak "zorrotzegiak" dira.Poliziak negar ereagiteko gasa erabil i du manifestari talde baten aurka molotov koktelak, harriak eta botilak jaurti dituzte Atenaseko erdigunean. Poliziaren arabera, bi agente zauritu dira eta hiru manifestari atxilotu dituzte.Evangelos Venizelos Finantza ministroaren hitzetan, datozen egunetan mailegu-emaileen eskariak onartzen dituzte ala ez erabaki beharko dute; ildo horretan, Grezia euroaren barruan jarraitzea jokoan dagoela esan du.Hori horrela, gaur eta bihar ez da hiri-garraiorik izango Atenasen, trenak, tranbiak, autobusak eta trolebusak geldirik egongo baitira. Halaber, ez da metrorik izango, linea bat izan ezik; 10:00etatik 17:00etara ibiliko da linea hori.Portuetan, merkantzietako ontziak eta ferry gehienak ez dira aterako. Greziako industriarik garrantzitsuenetarikoa da portuetakoa.Hegaldietan, aldiz, grebak ez du eraginik izango, aire-kontrolatzaileek ez baitute deiarekin bat egin, Atenaseko aireportutik iturriek Efe albiste agentziari jakinarazi diotenez.Ospitaleetan, larrialdi kasuak dituztenak baino ez dituzte artatuko, eta eskolak itxita daude. Auzitegiak eta bankuak, publikoak zein pribatuak, ere ez dituzte zabalduko.Troikarekin adostutako akordioaren arabera, sektore publikoan 15.000 lanpostu desagerraraziko dituzte aurten, eta 2015a bitartean 150.000 enplegu publiko murriztu beharko dituzte.Halaber, gutxieneko soldata % 22 murriztuko dute, eta hileko 585 euroan ezarriko dute, eta 25 urtetik beherakoentzat % 32 murriztuko dute gutxieneko soldata, hilean 527 euroraino.Horrela, gazte baten hileko soldata garbia 400 euro inguruan geldituko da; izan ere, Gobernuak zerga handiak eta onartu ditu etengabe azken urteotan, zorrari (BPGren % 160) aurre egitea lortzeko.Sindikatuak eta patronala soldatak murriztearen aurka daude, langabeziak gora egitea eta pobrezia eragin dutela iritzita; halaber, kontsumoak behera egin du eta 60.000 negozio itxi dira.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.