EBk ez du Espainiaren defizita 'berehala' berrikusiko
Bruselak Espainiari 2012rako defizit helburu berria berehala ezarriko ziola uste zutenen asmoak zapuztu egin ditu astearte honetan Europako Batzordeak. Izan ere, defizit berria ezarri baino lehen, hori murrizteko Gobernuak ezarriko dituen fiskalitate neurriak aztertu nahi ditu Bruselak.
"2011n izan den desbideratzearen informazio osoa behar dugu lehenik, eta desbideratze horren arrazoiak. Ondoren, aurrekontuen proiektuaren informazio osoa ere behar dugu, eta fiskalitatea finkatzeko 2012rako neurri zehatzak'', esan du Olli Rehn Ekonomia Gaietarako komisarioak Europako Parlamentuan.
''Behin informazio hori eskura izanda, martxoan zehar aztertu ahal izango dugu erakundeen finantzaketaren oreka bermatzeko Espainia neurri egokiak hartzen ari den ala ez'', azaldu du Rehnek.
Atzo bertan jakin genuen Espainiako administrazio publikoek BPGren % 8,51eko defizitarekin bukatu zutela 2011, aurreko Gobernuak aurreikusitako % 6ren aurrean.
Gaur goizean, berriz, hurrengo egunetan Bruselak Espainiari defizit helburu berria zehaztuko diola esan du Antonio Beteta Administrazio Publikoetako estatu idazkariak, eta zenbateko berri hori gastu-mugan islatuko dutela.
Izan ere, Espainiako Gobernuak ostiralean onartuko du 2012ko gastu-muga. Horretan, defizit publiko aurreikuspen berria gaineratuko dute, eta Estatuko Aurrekontu Orokorrak prestatzeko oinarria izango da.
Zure interesekoa izan daiteke
Ekintzaile batzuk CAFen sarreran kateatu dira, Beasainen, "Israelen okupazioaren konplize" dela salatzeko
Gazarako Mugimendu Globala plataformak salatu duenez, CAFen inplikazioa trenen fabrikazioa baino haratago doa, eta "egitasmo kolonial beraren parte" da. "CAFek ez du okupazioaren gainean bakarrik eraikitzen: posible egiten du egunero. Israelgo kontratu bakoitza odolez zikindutako kontratua da", esan dute.
Airbusek arazo bat atzeman du A320neo hegazkinetan, eta mundu osoko konpainiei eragin die
Hegazkin-konpainien aurreikuspenen arabera, behar bezala funtzionatzeko behar diren eguneratze gehienak datozen orduetan egingo dira.
Hego Euskal Herriko 112 udalerri, Estatuko 250 aberatsenen artean
EAE da sailkapenaren buruan, herritar bakoitzak, batez beste, 20.000 eurotik gorako errenta du eta; Hego Euskal Herriko ehun udalerri baino gehiago Espainiako aberatsenen artean daude.
Nafarroako udalerriak dira nagusi Hego Euskal Herriko errenta pertsonalaren hazkundean
Deierriko harana dago igoeraren buruan 2016tik, eta gurean errenta gehien handitu duten udalerrien erdiak Nafarroan daude.
Hego Euskal Herriko errenten erradiografia: zein udalerri dira aberatsenak eta txiroenak?
Erreportaje honek aberastasunaren itzalean ezkutatzen diren Araba, Bizkaia, Gipuzkoa eta Nafarroako errentaren arrakalak eta bilakaera aztertuko ditu, datuen, adituen eta lekukoen bidez.
Jon Bernat Zubiri: “Errenta altuko herria izateak ez du esan nahi garapen ekonomiko handiko herria denik”
EHU Lan Harremanen fakultateko Ekonomia Aplikatuko irakaslea herrialde, eskualde eta herri ezberdinetako errentari buruz aritu zaigu. Hego Euskal Herrian errenta altuko udalerri ugari daude, baina bere ustez, “bizitoki-efektuak” sortutako errentak dira eta ez dute herri horren garapen ekonomikoa islatzen.
ELAk ez du ontzat eman Madrilen lortutako akordioa eta EAEko langileen baldintzak "hemen erabakitzea" eskatu du
Sindikatuak Gasteizko legebiltzarkideei eskatu die zerbitzu publikoen alde egin dezatela, aurrekontuetako partidak handituz eta langile publikoen lan-baldintzak hemen erabakitzako urratsak emanez.
Osakidetzak 2016-2017ko lan-eskaintza publikoa esleitu du, balizko filtrazioak epaitegietan artxibatu ostean
Horrela, berriro ekin zaio plazak esleitzeko prozesuari susmopean zeuden espezialitate guztietan, kirurgia plastikoan, estetikoan eta konpontzailean izan ezik; izan ere, kategoria horretan bi pertsona daude oraindik ikerketa judizialpean.
Estatuko funtzionarioen soldatak % 11 igoko dira 2028ra arte
EAEko funtzionarioen soldatak ere igoko dira, baina erkidegoaren aurrekontuaren arabera. Soldata-igoeraz gain, itunak barne hartzen ditu plantillak indartzea eta barne-sustapeneko hobekuntzak. CCOOk oraindik ez du akordioa babestu.
Eusko Jaurlaritza, BBK eta Kutxabankek osatutako konsortzioak Ayesa erosteko eskaintza aurkeztu du
Mikel Jauregi Industria sailburuak lasaitasun mezua helarazi die Ayesako langile eta bezeroei (Ibermatica zen lehen), euskal konsortzioaren eskaintzak irabaziz gero enpresak hobera egingo duelakoan.