Jaurlaritzak % 2,54ean kokatu du 2011ko defizitaren datua
Euskal Autonomia Erkidegoak 1.672 milioi euroko defizitarekin itxi zuen 2011. urtea (Barne Produktu Gordinaren % 2,54), Carlos Aguirre Ekonomia sailburuak baieztatu duenez. Horrez gain, 2011ko behin-betiko datua % 2,48koa izango dela aurreratu du.
2012ko defizitaren helmuga % 1,3an mantendu du Carlos Aguirrek. Bere ustez, datu hori bete egingo du Jaurlaritzak, eta ez ditu murrizketak beharrezkotzat jo.
Gobernu Bileraren ondorengo agerraldian, Aguirrek gogoratu du Espainiako Gobernuak Euskadiko behin-behineko defizita % 2,56an kokatu zuela, "Autonomia Erkidegoen batezbestekoaren azpitik".
Hala ere, datu horrek "oso informazio gutxi" ematen duela esan du Aguirrek, "hainbat kontzeptu bateratzen dituelako".
Aguirrek gogoratu duenez, datuak "behin-behinekoak" dira oraindik, eta behin-betiko defizita "seguruenik" txikiagoa izango dela azpimarratu du.
Horrez gain, Jaurlaritzak ordaindu gabeko "fakturarik" ez daukala nabarmendu du Ekonomia arduradunak eta defizit helburuak ezin direla "sakratutzat" jo gaineratu du.
Bestalde, Eusko Jaurlaritzak "oinarrizko zerbitzu publikoak" defizit mugaren aurretik jarriko dituela esan du Carlos Aguirre. Osasun sistema, hezkuntza edota enpresei eman beharreko laguntzak aipatu ditu.
Horrez gain, Carlos Aguirrek esan du defizitaren kopuru horretatik, 400 milioi "ezustekoak" direla eta ordainketak egindakoak geldituko den kopuruarekin kitatuko omen dira.
Aguirreren hitzetan, defizitaren inguruan sortutako arazoa "diru-bilketan" du oinarria, iaz 1.000 milioi euro gutxiago bildu baitziren.
Ondorioz, zergak aldakatzeko deia egin die berriro ere Foru Aldundiei, diru-sarbideak bermatzeko.
Zure interesekoa izan daiteke
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.