Nola murriztu defizita?
Espainiako defizita Barne Produktu Gordinaren % 8,51ekoa zen 2011ko amaieran, hau da, esperotakoa baino 2,5 puntu handiagoa.
EAEn eta Nafarroan ere uste baino handiagoa izan da. Euskadiren kasuan, defizita % 2,56koa izan da, baina helburua % 1,3 zen.
Nafarroak, aldiz, % 1,89ko defizita dauka, baina aurrez ikusitako portzentajea % 1,3koa zen.
Estatuaren kasuan, arazoa zailagoa da. Defizita % 8,51koa da, baina Bruselak % 4,4ko helburua ezarri dio 2012 urterako. Posible ote helburua betetzea?
Felipe Serrano Euskal Herriko Unibertsitateko (EHU) Ekonomia Aplikatu katedradunak Radio Euskadiko "Ganbara" saioan azaldu duenez, irtenbidea Bruselarekin defizit helburua berriz negoziatzea litzateke, baina ez da baztertu behar murrizketa gehiago egin behar izatea.
"Murrizketa horien tamaina ezagutu beharko genuke, baina Gobernuak ez du erremedoriok, murrizketa gehiago egin beharko ditu", ohartarazi du.
Europako Batzordeak leundu egingo ditu defizit eskakizunak, eta Espainiak helburua % 5era jaistea eskatuko du, baina nahikoa ote?
Mariano Rajoyren Gobernuak iragarritako lehen murrizketak 14.900 milioi eurokoak izan ziren, baina defizita % 4,4ra jaisteko, beste 40.000 milioi euro murriztu beharko lituzke, hots, hiru aldiz handiagoa izan beharko litzateke.
Euskadiren kasuan, defizit helburua ere aise gainditu da. Serranok bi irtenbide proposatu ditu: murrizketa gehiago egitea edo zergak igotzea.
"Gastu publikoa murrizten jarraitu ezean, hiru Lurralde Historikoetan Estatuak proposatutako zerga igoerak ezartzea aztertu beharko da", iritzi dio.
Testuinguru horretan, ez da ahaztu behar gero eta ahots gehiago eskatzen ari direla ez itsutzea defizit helburuekin, hazkunde ekonomikoaren eta batik bat enplegu sorkutzaren kalterako izan litekeelakoan.
Zure interesekoa izan daiteke
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.
BBVAk 3.000 milioiko irabaziak izan ditu lehen hiruhilekoan (+%10,8) eta akzioak berrerosiko dituela iragarri du
Erakundeak diru-sarrerak eta errentagarritasuna handitu ditu kredituaren bultzadari esker, eta akzioak berrerostea aurreikusi du, 1.460 milioi arte inbertituta.