Erreskatearen negoziaketen sekretuak
Larunbat arratsaldean, Eurotaldeko Ekonomia ministroek telefono bidez egindako bileraren ostean, Rajoyren gobernuak laguntzaren eskaera publiko egin zuen. Europako gobernuek segituan onartu zuten eskakizuna eta 100.000 milioi euro arteko mailegua erabilgarri jarri zuten. Baina negoziaketa ez zen larunbatean hasi.
Asteazken eta ostegunean gobernuen arteko kontaktuak etengabekoak izan ziren. Ostegunean bertan, telefono bidezko lehen konferentzia egin zen, baina ez zen argitara eman. Momentu horretan jarri zen martxan prozesua.
Oraindik akordioa lortzeko asko falta zen. Espainiako eta Europako gobernuen arteko negoziaketek ez zuten etenik izan. Espainiak ez zuen erreskatea Europaren presiopean onartu zela pentsatzea nahi, Rajoyren gobernuak “lehen hitza izan nahi zuen”, diplomazia iturrien arabera.
Europako gobernuek ez zuten gaiaren inguruan publikoki hitz egin, baina pribatuan Madrilen aurkako presioak ez zuten etenik.
Akordioaren baldintzak
Espainiak erreskatea behar zuen, baina ez zuen inposatutako austeritate programarik onartu nahi, Grezia, Irlanda eta Portugalekin gertatu zen moduan.
Berlinek baldintzak onartzeko presionatu zuen Madrileko gobernua. Frantziak finantza sektorera bideratutako neurriak soilik eskatzen zituen ordain gisa. Beste estatu batzuek, aldiz, ez zuten begi onez ikusten erdibideko erreskaterik.
Ostiralean, hedabideek larunbatean telefono bidez egingo zen bileraren berri eman zuten. Prentsaren arabera Eurotaldeko Ekonomia eta Finantza ministroen bileran Espainiak erreskatea eskatuko zuen. Hala ere, Rajoyk eskatuta, Europako gobernuek ez zuten ezer baieztatu.
Europak ez zuen arazorik ikusten laguntza ekonomikoa emateko, baina Espainian oraindik erreskatearen ideia ez zuten argi ikusten. Europak presionatzen jarraitzen zuen.
Nazioarteko Diru Funtsak negoziaketak bizkortu zituen
Ostiral gauean iragarri zen larunbateko ministroen bilera. Nazioarteko Diru Funtsak, aurreikusitakoa baino lehen, espainiar bankuen azterketaren datuen berri eman zuen.
Bileraren ostean, Espainiak laguntza eskatu eta Euroguneak baiezko erantzuna eman zuen. Washingtonen eta kalifikazio agentzien presioak erabakigarriak izan ziren.
Blokeoa izateko arriskua izan zen azken minutura arte. Espainiari baldintzak ezartzea eta aurrekontuak eta ekonomia zaintzea nahi zuen Finlandiak. Alemaniak, berriz, banku alorreko ordainak bakarrik jartzea onartu zuen. Azkenean, jarrera hori nagusitu zen.Planak “ez du erreskate baten antzik”, esan zuen Luis de Guindos ekonomia ministroak larunbat arratsaldean. Helsinkik airean utzi du bermeak eskatzeko aukera, eta Irlandak negoziatu egin nahi du berak lortu zuen zorra, baldintza txarragotan lortu baitzuen.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.