Horrela erantzun dio merkatuak erreskatearen iragarpenari

17:27. Santander eta BBVAren kaudimena bi maila jaitsi du Fitch agentziak, BBB+era arte.

17:26. Espainiako arrisku sariak 520 puntuak gainditu ditu.

17:22. Erreskatea nola gauzatuko den ez azaltzeak arrisku sariaren igoera izugarria ekarri du, zenbait adituren arabera.

17:18. EBk Espainiako bankuei emandako laguntza kontsumitzaileei egindako "iruzur berri bat" dela uste du Adicaek, Banketxe, Kutxa eta Aseguru-etxeetako berezoren Elkarteak.

17:06. Espainiari "abantailak" ematen badizkiote, erreskatea behar izan duten gainerako herrialde guztiei baldintza berdinak aplikatzea espero du Portugalek.

17:04. Erreskatea laster eska dezakeela onartu du Txiprek.

17:02. Espainiako kontsumitzaileek erreskatea "oso garesti" ordainduko dutela esan du FACUAk.

16:07. Espainiari emango zaion diru-laguntza agertoki okerreneri aurre egiteko nahikoa da, Europako Batzordearen esanetan.

16:01. Erreskatearen ostean Europak diru-laguntza gainbegiratzea logikoa dela uste du PPk.

15:59. Arrisku sariak berriro 510 puntuak gainditu ditu.

15:25 Espainiari emandako diru-laguntza bertan behera utzi dezake eurotaldeak, Espainiak baldintzak betetzen ez baditu.

14:17. Murrizketa gehiago izango direla dioten "zurrumurru kezkagarriak" daude, Rubalcabaren hitzetan.

14:15. Erreskateak eragin positiboa izango duenik zalantza jarri dute UGT eta CCOO sindikatuek.

13:50. Ibex indizea % 0,96 bakarrik gora egiten ari da eta arrisku saria 508 puntutan kokatu da.

12:20. Arrisku saria 500 puntutan dago berriz. Azken orduetan 40 puntu hazi da. Harrigarria, goizeko lehen orduan 467ra jaitsi zen.

12:57. Europako Batzordeak esan du 100.000 milioi euro arteko erreskatea nahikoa izango dela "egoera txarrenei ere aurre egiteko". Gainera, "segurtasun tartea" ere uzten duela azaldu du.

12:40. Patxi Lopez lehendakariak adierazi du erreskatea ez dela "albiste ona", eta Jaurlaritza "egoera zail honetan laguntzeko" prest dagoela erantsi du.

12:27. Juan Carlos I.a Espainiako erregeak Mariano Rajoy gobernuburua eta Luis de Guindos Ekonomia ministroa zoriondu ditu, erreskatea lortzeagatik.

12:10. Ibex 35ek moteldu egin du hazkundea saio erdian: % 2,88. Arrisku saria, 483 puntutan.

12:09. Xabier Mikel Errekondo Amaiurreko diputatuak erreskatearen baldintzak zehazteko eta, Islandian egin bezala, bankariak "ikertzeko, auzipetzeko eta epaitzeko" eskatu dio Gobernuari.

11:58. Popular bankuak ez du joko erreskatearen funtsetara.

11:35. OCDEk erretiro adina 67 urtetik gora atzeratzea proposatu du.

11:30. Ibex 35 % 3,87 igotzen ari da. Arrisku saria 473 puntutan dago.

11:15. Amadeu Altafaj Europako Batzordeko Gai Ekonomikoetako bozeramaileak azaldu du Espainiako bankuek jasoko duten erreskatearen interesa "% 3-4 artekoa" izango dela. Zenbakiak "zentzuzkoak" direla iritzi dio, baina baldintzak sektorea aztertu eta gero zehaztuko dituztela gaineratu du.

10:50. Cayo Lara Izquierda Unidako koordinatzaile orokorrak salatu du bankuen zorra "herritarrei" pasatu dietela.

10:30. Altxor Publikoak iragarri du eutsi egingo diola finantziazio programari, hau da, zor jaulkipenen egutegiarekin jarraituko duela.

10:08. Iñigo Urkullu EAJko presidenteak ez du begi onez ikusten erreskatea, eta "haserre" agertu da, Espainiako Gobernua ez baita "gardena" izan.

10:05. Tokioko burtsak % 1,96ko mozkinak izan ditu saio amaieran.

10:02. Joaquin Almunia Europako Batzordeko presidenteordeak ohartarazi du erreskateak hainbat baldintza ezarri dituela, eta Espainiak bete egin beharko dituela: "Dirua ez da inoiz doan ematen".

09:55. Erresuma Batuko egunkariek esan dute Rajoyk "garaipena" bailitzan aurkeztu duela erreskatea.

09:34. Arantza Quiroga Eusko Legebiltzarreko presidenteak uste du "albiste ona" dela Espainiako bankuek "kreditua" lortu izana.

09:25. Juan Rosell CEOE patronaleko presidenteak esan du Espainia "ostiralean baino hobeto" dagoela gaur.

09:20. Ibex 35ek % 4,58 egin du gora.

09:02. Saioa hasi bezain pronto, Ibex 35ek % 6ko hazkundea izan du.

08:46. Ekonomia Ministerioak ohar bat publikatu du. Horretan, Espainiaren bideragarritasuna "indartu" egin dela adireazi du.

08:43. Arrisku saria 467 puntutara jaitsi da.

08:36. Wolfgang Schauble Alemaniako Finantza ministroak ohartarazi du troikak (Europako Batzordea, Nazioarteko Diru Funtsa eta Europako Banku Zentrala) kontrolatu egingo duela Espainiaren erreskatea.

08:21. Espainiako arrisku saria 470 puntutik behera dago.

04:17. Asiako burtsek zenbaki berdetan hasi dute saioa. Tokiok % 2ko mozkinak ditu.

00:02. Ehunka pertsonak protesta egin dute Madrilen, Bartzelonan, Santanderren eta beste hainbat hiritan, lapikoekin zarata eginez, erreskatearen aurka.