Egun beltza merkatuetan, greziarrek euroa babestu duten arren
Espainiari zorra erosteko eskatzen dioten errentagarritasunaren eta Alemaniari eskatzen diotenaren arteko aldeak marka guztiak hautsi ditu astelehen honetan. Izan ere, Espainiako arrisku-saria 588 puntura iritsi da, euroa sortu zenetik inoiz izan duen mailarik altuenera. Ondoren, zertxobait baretu, eta 574 puntuan itxi du eguna.
10 urterako bonoen errentagarritasuna, berriz, % 7,2ra iritsi da jardunaldian zehar, eta % 7,15ean bukatu du astelehena, euroa martxan denetik estreinakoz.
Arrisku-saria, markak hausten
Saioa 533 puntutan hasi da, ostiraleko itxiera kontuan hartuta (543,7) jaitsiera nabarmena; baina, lasaitasunak gutxi iraun du, eta 12:45ean Espainiako arrisku-saria 571,3 puntura iritsi da, irekieran baino ia 40 puntu gehiago. 14:40ean, berriz, 583,9 puntuan kokatu da, eta 588 puntura ere iritsi de egunean zehar.
Greziako hauteskundeak
Greziako alderdi kontserbadoreen garaipenak ere ez ditu merkatuak baretu, eta, hainbat adituren ustetan, jasotako laguntzaren ordainetan bete beharreko baldintzak berriz negoziatzeko alderdi irabazleek agertu duten asmoak piztu omen ditu ziurgabetasuna eta tentsioa. Herrialde batek erreskatearen beharra izateko zein maila gainditu beharko lukeen zehazterako orduan adituok ez dute bat egin.
Burtsak % 2,96 egin du behera
Arrisku-saria 569ko mailan zela, IBEX 35ek 199,10 puntu egin du behera (% 2,96), eta 6.519,90 puntuan bukatu du astelehena. Azken hiru asteotako beherakadarik handiena da.
Balore handi guztiek egin dute behera: Iberdrolak, % 5,17; Banco Santanderrek, % 4,57; BBVAk, % 4,21; Telefonicak, % 3,92; eta Repsolek, berriz, % 3,25.
Zure interesekoa izan daiteke
Ertzaintzaren lan eskaintzarako lehen probak atzerapenarekin abiatu dira, espero baino jende gehiago aurkeztu baita
Aurreikusitakoa baino ordu eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi da, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri. Legebiltzarrean agerraldia eskatu du Sailak azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".
Miren Arzalluzek "oso positibotzat" jo du Euskadin zerga turistikoa ezartzea
Miren Arzalluz Bilboko Guggenheim museoko zuzendari nagusiaren arabera, bisitarien eta egoiliarren arteko "bizikidetza" sustatzeko baliagarria izango da. Radio Euskadin egindako elkarrizketan esan duenez, "zerga turistikoa ez da zerbait berria", XIX. mendean indarrean baitzegoen Biarritzen.
Mercedes-Benzek bere ekoizpena etengo du bihar, Leonardo ekaitzak eragindako hornidura faltagatik
Enpresak azaldu duenez, Gibraltarko itsasartean itsas trafikoa geldiarazten ari dira denboralearen ondorioz. Horregatik, larunbat goizeko txandan jarduera etetea erabaki du.
Baso-langile bat hil da Zornotzan, zuhaitz batek kolpatuta
Lan-istripua 18:30 aldera gertatu da, eta, osasun-langileak bertaratu diren arren, ezin izan dute ezer egin haren bizitza salbatzeko.