Bankuak zuzenean kapitalizatzea onartu du euroguneak
Euroguneko buruzagiek Espainiaren eta Italiaren eskariei erantzun diete eta ateak ireki dizkiete bankuak zuzenean kapitalizatzeari eta merkatuen presiopean dauden herrialdeetako zorra erosteko erreskate funtsak erabiltzeari.
Era berean, arrisku-saria lasaitze aldera, Espainiako bankuak erreskatatzeko diruaren inguruan ere erabakiak hartu dituzte, gaur goizaldean amaitu den bileran.
Mariano Rajoy Espainiako Gobernuko presidenteak eta Mario Monti Italiako lehen ministroak eskatzen zutena lortu dute. Horretarako, bi estatuek geldiarazi egin dute 27ek adostutako hazkunde ituna (ekonomia sustatzeko 120.000 milioi euroko funtsa), presio neurri gisa.
Hori horrela, euroguneak onartu egin ditu orain arte Alemaniak, Herbehereek eta Finlandiak kritikatzen zituzten hainbat neurri.
Europako bankuen ikuskatzailea
Neurri horietako bat da erreskate funtsak erabiliz bankuak zuzenean kapitalizatzea. Horri esker, dirua ez da Estatuaren eskuetatik pasako eta ez da karga bat izango kontu publikoentzat.
Baina aukera hori erabili ahal izateko, Europako bankuen ikuskatzaile bat sortuko da, Europako Banku Zentralaren partehartzearekin, eta "oso baldintza zorrotzak" exijituko dira.
Herman Van Rompuy Europako Kontseiluko presidentearen arabera, urtea amaitu aurretik egongo da martxan bide hori.
100.000 milioi euro
Bestalde, Espainiako bankuak erreskatatzeko 100.000 milioi euroko diru-laguntza behin behineko erreskate-funtsetik aterako da lehenik eta funts iraunkorrera igaroko da gero baldintza berberekin.
Hori horrela, euroguneak uko egin dio lehentasunezko hartzekodun izateari, izan ere, merkatuek ez zuten begi onez jo Espainiako Estatuak jaulkitzen duen zor publikoa baino lehenago mailegu hori ordaindu behar izatea.
Zorraren erosketa
Zentzu horretan, euroguneko herrialdeek onartu egin dute merkatuen presiopean dauden estatuetako zorra erosteko baldintzak malgutzea, aurrekontuaren eta erreformen konpromisoari eusten diotenen kasuan.
Zure interesekoa izan daiteke
Talgo % 9,7 igo da burtsan Sidenorrek konpainiaren % 30 erosi ondoren
Talgoren kotizazioa ordubete inguru egon da etenda ostiraleko saioan, konpainiak Balore Merkatuaren Batzorde Nazionalari Sidenorrek akzio-pakete hori erosi duela jakinarazi aurretik.
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.
Talgo eta Sidenor, euskal industriaren bi erraldoi
Lehenengoa erreferentea da tren-sektorean; bigarrena, berriz, liderra da siderurgian.
Sidenor buru duen partzuergoak Talgoren % 29,76ren erosketa itxi du 156 milioiren truke
Balore Merkatuaren Batzorde Nazionalak (CNMV) behin-behinean eten du Talgoren kotizazioa, Sidenorrek gidatutako partzuergoak Pegasorekin sinatutako akzioen salerosketa-kontratua sinatu ondoren. Eragiketak otsailean lortutako aurreakordioa berretsi du, eta erosketaren azken faseari ekin dio.
Bizkaiko hegoaldeko trenbide-saihesbidearen obrak urtea amaitu baino lehen hasiko dira
Eusko Jaurlaritzako Mugikortasun Jasangarriaren sailburu Susana Garcia Chuecak azaldu duenez, obrak amaitutakoan merkantzia-trenek ez dute Santurtzi, Portugalete, Sestao eta Barakaldo zeharkatu beharko. "Aldiriko trenek bakarrik zirkulatuko dute, iberiar zabalera baitute trenbide horiek", gaineratu du.
Angula-arrantza denboraldia hastear, Bizkaiko eta Gipuzkoako arrantzaleak lehorrean
Eusko Jaurlaritzak bertan behera utzi du aurtengo angularen arrantza-kanpaina, espeziea galtzear dagoela argudiatuta. Hala, urtebetean, gutxienez, ezingo da angularik harrapatu Bizkaiko eta Gipuzkoako ibaietan. Euskadiko Anguleroen Elkarteak salatu du Europa osoan arrantzatuko dutela angula, Euskal Autonomia Erkidegoan izan ezik.
“Ipar Euskal Herrian, Asturiasen, Kantabrian… Europa osoan ari dira angula arrantzatzen, EAEn izan ezik”
Angula denboraldia hastear den honetan, Gipuzkoako eta Bizkaiko arrantzaleek ezin izango dute angula arrantzatu, Jaurlaritzaren debekua dela eta. Unai Eizagirre Anguleroen Elkartearen lehendakariak onartu du angularen egoera ez dela ona, baina kritikatu du debekua Euskal Autonomia Erkidegoan soilik ezarri dela, eta, bien bitartean, Asturiasen, Galizian... angula arrantzatzen ari direla. Eurak soluzioaren parte direla nabarmendu dute, eta, Frantziako eredua jarri dute mahai gainean.
Gobernantza Sailak 167,5 milioi bideratuko ditu 2026an Administrazioa arinagoa izan dadin
Gainera, Ubarretxena sailburuak iragarri duenez, Eusko Jaurlaritzak 2023, 2024 eta 2025eko Lan Eskaintza Publikoak batuko ditu, eta guztira 1.700 plaza aterako ditu Administrazio Orokorrean, baina ez da deialdi bakarra egingo, eskalen arabera deituko dira.
Eusko Jaurlaritzak 8 ikuskatzaile gehiago kontratatuko ditu etxebizitza turistikoen gaineko kontrola areagotzeko
Javier Hurtado Turismo, Merkataritza eta Kontsumoko sailburuak bere sailari dagokion datorren urteko aurrekontu-proiektua aurkeztu du Eusko Legebiltzarrean. Guztira, 56,5 milioi euroko aurrekontua izango du, aurten baino % 2 gutxiago.
Mikel Jauregi: "Hidrogeno berdeak menpekotasuna galtzea ekarriko digu"
Industria, Trantsizio Energetiko eta Jasangarritasuneko sailburuak "Egun On" saioan adierazi duenez, "garai batean Errusiarekiko genuen menpekotasuna amaitu da, baina, orain, Ipar Amerikarekiko menpekotasuna sortzen ari gara". "Egin dezagun europar energia bat", gaineratu du sailburuak