Urkulluk dio Patxi Lopezek kanpainari 'hasiera ofiziala' eman diola
o Urkullu EAJko Euskadi Buru Batzarreko presidenteak esan du Patxi Lopez lehendakariak astearte honetan "galdutako legealdi" baten akta irakurri duela, eta hauteskunde kanpainari hasiera ofiziala eman diola. Halaber, azaldu duenez, Patxi Lopezek "murrizketarik gabeko txapelduna" bezala agertu nahi du, baina PPren murrizketa berberak aplikatuko ditu.
Bere webgunean argitaratutako artikulu baten, Urkulluk lehenkadakariak gaur Rajoyren murrizketei buruz egindako adierazpenen inguruan hitz egin du.
Urkulluren hitzetan, Patxi Lopezek printzipio eta balore nagusien inguruan hitz egin du, baina galderen txanda iritsi zaionean, Espainiako Gobernuaren murrizketa berberak aplikatuko dituela azaldu du. Gainera, aurrekontuak aurkeztu baino lehen paktu fiskal bat behar duela azaldu du, diru-sarrerak gehitzeko.
Euskadiko PPk lehendakariak lotsa gutxi duela esan du
Iñaki Oyarzabal Euskadiko PPko idazkari nagusiak azaldu duenez, "onartezinak" dira Patxi Lopez lehendakariaren adierazpenak, PPren Gobernuaren doikuntza neurrien inguruan. Lotsa gutxi izan behar dela gaineratu du, bere alderdia izan denean "guzti honetan sartu diguna", azaldu du.
"Zinismo handia behar da izan doikuntza politikak kritikatzeko, alderdi sozialistakoa zarenean, guzti honetan sartu diguna eta geure estatuko egoera historiako larriena izatea egin duena", nabarmendu du.
Patxi Lopezek Rajoyren murrizketak kritikatzea eta aplikatzea salatu du Aralarrek
Patxi Lopezek Mariano Rajoyren murrizketak kritikatzen dituen bitartean haren Gobernuak aplikatu egiten dituela salatu du Aralarrek. "Hori engainuan oinarritutako propaganda da", nabarmendu du.
Patxi Lopezek Espainiako Gobernuak onartutako azken neurrien inguruan eta batasuna eskatuz egindako hitzaldia kritikatu du gaur Aralarrek.
Aralarrek azaldu duenez, bere babesa izateko burujabetza osoa oinarritu behar du Jaurlaritzak politika eta ez ditu murrizketak aplikatu behar. Halere, lehendakariak gaur egun arte beste bide bat hartu duela gaineratu du.
Murrizketa berrien kontra intsumisioa egiteko eskatu dio Aranak
Mikel Arana Ezker Anitza alderdiko koordinatzaile orokorrak Espainiako Gobernuaren neurri berrien aurrean intsumisioa egiteko eskatu dio Patxi Lopez lehendakariari, eta Foru Aldundiak neurri horien aurka egitera deitu ditu, "erakunde iraultza" egitea proposatuz.
Aranak legez besteko proposamena aurkeztu du Eusko Legebiltzarrean, eta Espainiako Gobernuari murrizketen inguruan erreferenduma egiteko eskatu dio; izan ere, Ezker Anitza alderdiko koordinatzailearen aburuz, " pisu ideologiko handia dute, ez ekonomikoa".
Ekimenak jasotzen duenaren arabera, erreferendumaren emaitza ezezkoa izango balitz, hauteskunde orokorrak aurreratzea eskatuko liokete Rajoyri.
Horrez gain, legez besteko proposamen horretan, Ezker Anitza-IU alderdiak Eusko Jaurlaritzari murrizketa horiek Euskadin ez ezartzeko eskatu dio; batez ere, langile publikoei eta mendekoei eragiten dieten azken neurriak.
"Ez dago ezer ezartzerik; neurri horiek ez zituzten jaso hauteskunde-egitarauan, eta, hortaz, Mariano Rajoyren Gobernuak ez du murrizketa hauek ezartzeko herritarren babesik", esan du.
Aranaren aburuz, defizitaren helburua betetzeko beste neurri batzuk erabil daitezke. Hala ere, ziur asko lehendakariak aplikatu beste irtenbiderik ez duela esango duela iragarri du Ezker Anitza alderdiko koordinatzaileak.
Auzitegi Konstituzionalak behartzen ez duen arte, murrizketa horiek ez ezartzeko eskatu dio Aranak Lopezi.
Zure interesekoa izan daiteke
Bilboko Aireportuak 200 hegaldi baino gehiago eskainiko ditu gaur eta bihar artean
Guztira, Gabonetan zehar 2.368 hegaldi hartuko ditu Bizkaiko terminalak. Joan den ostiralean, abenduak 19, programatutako operazio gehien izan zituen eguna izan zen, 137 guztira, eta ondoren, abenduaren 22an, astelehena, 136 operaziorekin.
Uvesco euskal inbertsoreen esku geratu da berriz
BM Supermerkatuen eta Super Amararen jabe den konpainiak enpresa-sustraitzea indartuko duen operazioa burutu du; datozen egunetan beste euskal partzuergo batek Ayesa (garai bateko Ibermática) ere erosiko duela baieztatu dute.
CCOOk eta LABek Nafarroako Osasun Zerbitzuan izandako sexu-erasoen inguruan erantzukizunak argitzea eskatu dute
Kautelazko neurriak berehala hartzea, kaltetutako pertsonak babestea eta ikerketa zorrotza egitea eskatzen dute; horrez gain, goragoko instantziek gertakarien berri ba ote zuten argitzea eskatu dute.
Espainiako Gobernuak 2026an luzatuko ditu garraiorako laguntzak, eta hilean 60 euroko abonu bakarra onartu du
Eusko Jaurlaritzak eskatuko du abonu bakarra Euskadiko aldirietan aktibatzea, Estatuko gainerakoekin homogeneotasuna mantentzeko.
Espainiako Gobernuak gutxieneko pentsioak % 7 igo eta autonomoen kuotak luzatuko ditu 2026rako
Urteko azken bileran erabaki dute ere, besteak beste, bizitzeko gutxieneko diru-sarrera % 11,4 handitzea.
Noël d'Anjou sailburuak nabarmendu duenez, aurrekontuek "norabide argia markatzen dute etorkizuneko Euskadirantz"
Aurrekontuak onartzeko bozketaren ostean, Noël d’Anjou Ogasun eta Finantza sailburuak berretsi du horiek zerbitzu publikoak indartzen dituztela eta “pertsonak erdigunean jartzen” dituztela, kontu “arduratsuak” eta “konprometituak" direlako herritarren arazoekin, eta “etorkizuneko Euskadirantz norabide argia" markatzen dutela.
Eusko Legebiltzarrak 2026rako aurrekontuak onartu ditu, oposizio osoaren ezezkoarekin
Gobernuko kideen (EAJ eta PSE-EE) gehiengo absolutuari esker egin dute aurrera, eta aurrekontuak 16,3 milioi eurokoak izango dira, aurtengoak baino % 4,1 gehiago.
Greba deitu dute Legutioko Metal Groupen, eta protestak egingo dituzte Abadiñon, 139 kaleratze eragingo dituen EEEa salatzeko
Enplegu-erregulazioko espedientean, Lebarioko (Abadiño) lantegia ixtea proposatzen dute, eta bertako 48 langileak kaleratzea. Legutioko lantegiko 91 behargin ere botako dituzte.
2025ean, EAEko 4.000 gaztek hilean 300 euroko laguntza eskatu dute emantzipatzeko
Gaur egun, Euskadiko 25-29 urteko gazteen % 32,8 soilik daude emantzipatuta. Gazteek uste dute beren kontura bizitzeko adin egokiena 23,3 urte dela, baina emantzipatzeko batez besteko adina 29,7 urte inguru da.
Iberdrolaren arabera, Trumpen aginduak ez du AEBko itsas parke eolikoaren % 80an eraginik izango
Konpainia elektrikoak zehaztu duenez, AEBko Gobernuak agindutako eteteak eraikitzen ari diren proiektuei baino ez die eragiten, eta Vineyard Wind parkearen zati handiena martxan dago; izan ere, Massachusettseko kostaldearen aurrean energia ekoizten ari dira honezkero.