Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean greba batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurraldearteko Kontseiluan.
Osasun Ministerioak bi bilera egingo ditu aste honetan, medikuen sindikatuekin duen lan-gatazkari buruz hitz egiteko. Gatazka horrek hainbat greba egun eragin ditu Estatu osoan.
Alde batetik, martxoaren 26an, ostegunean, Ministerioa eta greba batzordea batzartuko dira. Medikuen Sindikatuen Espainiako Konfederazioa (CESM), Andaluziako Medikuen Sindikatua (SMA), Metges de Catalunya (MC), Madrilgo Medikuen eta Goi Mailako Tituludunen Elkartea (AMYTS), Euskadiko Medikuen Sindikatua (SME) eta Galiziako Mediku Independenteen Sindikatua (O 'MEGA) daude batzorde horretan. Horrez gainera, Medikuen Lanbidearen Foroa (FPME) ere joango da bilerara, bitartekari gisa.
Batzarrari begira, sindikatuek salatu dute Ministerioak ez duela aurrerapausorik eman mobilizazioak eragin zituzten eskaerei dagokienez. Medikuen estatutu propioa sortzeko akordio bat eskatzen du kolektiboak, baita negoziazio-mahai propio bat sortzea eta lanbidearen berezitasuna islatuko duen lanbide-sailkapen bat egitea ere. Horrez gain, sindikatuen eskakizunen artean daude guardiak eta ordainsariak erregulatzea, erretiro aurreratua hartzeko aukera eta atsedenerako bermeak.
Sindikatuek egindako ohartarazpenari erantzun dio Ministerioak, esanez "akordiorako, malgutasunerako eta lege-esparrura egokitzeko borondatea" behar dela.
Ostiralean, autonomia erkidegoekin
Bestalde, martxoaren 27rako, ostirala, Osasun Sistema Nazionaleko Lurraldearteko Kontseiluaren bilera aurreikusita zegoen, eta Ministerioak medikuen grebari buruzko puntu bat sartu du gai-zerrendan, zenbait autonomia-erkidegoren eskaerari jarraiki.
Andaluziako, Balear Uharteetako, Euskadiko, Extremadurako eta Madrilgo kontseilaritzek idatziz helarazi zioten medikuen greba puntu espezifiko gisa sartzeko eskaera, sindikatuekin izandako negoziazioaren berri izateko eta lanuzteek osasun-zerbitzuetan dituzten ondorio asistentzial eta ekonomikoen berri izateko.
Zure interesekoa izan daiteke
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.
Tubos Reunidoseko langileak greba mugagabearen etorkizuna erabakitzeko batzarra egiten ari dira
Tentsio handia da Amurrioko lantegian, azken mugimendu sindikalen eta hartzekodunen konkurtsoaren osteko eszenatoki-aldaketaren ondoren.
Ekainaren 1era arte irekiko dute Tubos Reunidoseko konkurtso-administratzaile izateko hautagaitzak aurkezteko epea
Gasteizko epaitegi batek Tubos Reunidos taldeko zazpi sozietate hartzekodunen borondatezko konkurtsoan deklaratu zituen joan den asteartean, eta PKF-Attest Concursal izendatu zuen horien konkurtso-administratzaile.
LAB Tubos Reunidosen greba bertan behera uzteko aukeraren alde agertu da, eta ESK-k luzatzearen alde egin du
Bi sindikatuek, ELArekin batera, batzarra deitu dute ostiralerako, lanuztearekin jarraitu ala ez erabakitzeko.
CAFen Beasaingo eta Irungo lantegietan enpresaren azken eskaintza ontzat eman dute
Hiru urteko iraupena izango du akordioak, eta, besteak beste, soldata igoera eta zenbait kolektibotan lan-orduak murriztea adostu dute. Enpresak konpromisoa hartu du gutxienez 190 langile kontratatzeko Beasainen, eta beste 40, Irunen.
Argiaren eta gasaren BEZaren murrizketa bertan behera geratuko da ekainaren 1ean, eta % 21era itzuliko da, prezioek behera egin baitute
Erregaien (gasolinak, gasolioak eta bioerregaiak, eta profesionalentzako gasolio itzulketa partziala) eta hidrokarburoen gaineko zergaren tasa murriztuak ekainaren 30era arte egongo dira indarrean, apirilean produktu horietarako inflazioa Gobernuak ezarritako % 15eko atalasetik gora baitago.
Urtearteko KPIa % 3,2raino apaldu da EAEn eta % 3raino Nafarroan, apirilean
Espainiako Estatuan, urtebeteko inflazioa bi hamarren murriztu da, % 3,2raino.
Hithiumek bertako langileak, hornitzaileak eta zentro teknologikoak erabiltzeko konpromisoa duela nabarmendu du Irujo kontseilariak
Nafarroan bateria lantegia eraikitzeko negoziazioak aurrera doazela azpimarratu du Mikel Irujo Industria kontseilariak, "poliki baina sendo". Nafarroako Gobernuak bezala, Hithiumek ere enpresa bertako ekosisteman txertatzeko helburua eta konpromisoa dutela azaldu du.
Santurtziko udaltzainek "zorroztasun greba" egingo dute, lan-baldintzak hobetzea eskatzeko
Langileek salatu dute antolakuntzan "ez-betetzeak" izan direla, baita gainerako udal langileekin alderatuta gutxiago irabazten dutela, eta ekitaldi jendetsuetan langileak falta direla. ErNEren arabera, agenteak araudi guztia zorrotz aplikatzen hasi dira, eta errefortzuak eta aparteko orduak egiteari utzi diote.