Euskadi, langabeziaren bigarren hazkunde handiena izan duen erkidegoa
Langabezia-tasak berriro egin du gora abuztuan. Lan Ministerioak emandako datuen arabera, azken lau hilabeteetan beheraka egin ostean, 38.179 pertsona gehiago izan ziren langabezian, uztaileko datuekin alderatuta. Beraz, abuztuan 4.625.634 langabe izan dira Estatuan.
Iazko abuztuko datuekin alderatuta, aldiz, langabezia % 11,98 (494.707 pertsona) hazi da.
Sektoreka, langabezia honakoetan igo da batik bat: zerbitzuak (% 1,54; 42.391 pertsona), industria (% 1,3; 6.748 pertsona) eta eraikuntza (% 0,32; 2.482 pertsona). Langabe kopurua jaitsi den sektoreen artean, nekazaritza (-% 0,81; 1.332 pertsona) eta aldez aurretik lanik ez zutenak (-% 3,16; 12.110 pertsona).
Adinak kontuan hartuta, 25 urtez azpikoen artean % 0,92 jaitsi da (4.060 pertsona), baina % 1,02 igo da (42.239 pertsona) 25 urtez gorakoen artean.
EAE
Euskadin, langabezia % 1,47 hazi da (2.314 pertsona) uztailetik abuztura, eta, ondorioz,160.125 pertsona daude lan gabe orotara.
Iazko abuztuaren aldean, langabezia % 13,78 (19.396 pertsona) igo da.
Hain zuzen ere, hiru lurraldeetan egin du gora: Araban % 2,63 (25.469 langabe guztira), Gipuzkoan % 1,44 (44.745 pertsona langabezian orotara) eta Bizkaian % 1,15 (89.911).
Langabeziaren bigarren hazkunde handia izan duen erkidegoa da Euskadin, Murtziaren atzetik (% 2,47).
Nafarroa
Foru Erkidegoa langabezia jaitsi den bost erkidegoetako bat da.
Hain justu, % 0,89 egin du behera uztailetik abuztura, baina % 16,7 egin du gora iazko abuztutik. Guztira, 48.352 pertsona daude lan gabe Nafarroan.
Zure interesekoa izan daiteke
Tubos Reunidoseko langileen batzordeak iragarri du lanuzte gehiago egingo dituztela otsail eta martxoan
Enpresak proposatutako negoziazio mahaiekin bat egingo dute lanuzteek: otsailaren 17an, 23an eta 26an eta martxoaren 4an eta 9an. Oraingoan, Trapagarango lantegiak ere bat egingo du mobilizazioekin.
Israeli altzairua saldu diola eta Sidenorren egindako erregistroa baliogabetzea eskatu du Fiskaltzak
Fiskaltzak Auzitegi Nazionaleko magistratuaren ikerketaren norabidea kritikatu du, gizateriaren aurkako delituak Ministerio Fiskalak edo "tratu bidegabea" jaso duen norbaitek salatuta baino ezin dira jazarri, eta uste du elkarte salatzaileak ez duela baldintza hori betetzen (herri-akusazioa da, eta ez partikularra). Hortik ondorioztatzen da, Fiskalaren ustez, "egindako guztia erabat deuseza da, genozidio, gizateriaren aurkako eta gatazka armatuaren kasuan babestutako pertsonen eta ondasunen aurkako delitu horri dagokionez", eta ikerketa kontrabando-delitura mugatu beharko litzatekeela iritzi dio.
Espainiako Gobernuak Tubos Reunidosen egoera onbideratzeko irtenbideak bilatzeko prest dagoela adierazi du
Kongresuan egindako adierazpenetan, Carlos Cuerpo Ekonomia ministroak adierazi du Gobernuak "eskua luzatuta" duela sektore estrategikoetako enpresen bideragarritasuna bultzatzeko neurriak bilatzeko. EH Bilduk egindako galdera bati erantzunez, ministroak esan du aurretik ere laguntzak jaso izan dituela enpresak: "112 milioi euro kaudimenari laguntzeko funtsaren bidez, 20 milioi euro baino gehiago zortzi finantza-erakundek emanak, ICO abalen lerroari esker, eta ia 10 milioiko laguntzak, industria elektrointentsiboa izateagatik".
Israeli altzairua saltzeagatik Sidenorren gainean zabaldutako ikerketatik banandutako pieza baten sekretua kendu dute
Espainiako Polizia Nazionala Sidenorrek Basaurin duen egoitzara sartu eta hurrengo egunean eman da ebazpen judiziala.
Argindar-konpainien bezeroak babesteko neurri-sorta onartu du Espainiako Gobernuak, tartean dei komertzialak debekatzea
Trantsizio Ekologikorako eta Erronka Demografikorako Ministerioak bultzatutako dekretu berriaren arabera, elektrodependente eta zaurgarriei ezingo zaie argindarra eten ordaintzen ez badute ere, eta kontratuak eteteagatik ez da, oro har, zigorrik ezarriko. Halaber, aurreikusten da enpresei zigorrak ezartzea, arauak hautsiz gero.
Ramiro Gonzalez: "Lehen urratsa, zalantzarik gabe, zorra berregituratzea da, eta hor funtsezko zeregina du SEPIk"
Ramiro Gonzalez Arabako ahaldun nagusiak adierazi duenez, Tubos Reunidosen jarraipenak hartzekodunen inplikazio aktiboa eskatzen du, batez ere Estatuko Industria Partaidetzarako Sozietatearena (SEPI). "Enpresak ia bost milioi euro erretzen ditu hilean", nabarmendu du.
Tubos Reunidosen bideragarritasuna bermatzeko "zorra berregituratzea beharrezkoa da", Bengoetxearen aburuz
Euskadi Irratiko "Faktoria" irratsaioan egindako elkarrizketan, Ibone Bengoetxea Eusko Jaurlaritzako lehendakariordeak eta Kultura eta Hizkuntza Politika sailburuak adierazi duenez, zorra berregituratzen Jaurlaritza "bidelagun" izango da.
Vital Fundazioak 10 milioirekin bat egin du Ayesa Digital erosteko euskal partzuergoarekin
Operazioak garai bateko Ibermaticaren erabakigunea Euskadira itzultzea indartzen du, eta Araban enplegu kualifikatua sortzea aurreikusten du.
Pradalesek aliantza politiko berri baten alde egin du, "berrindustrializazioan" Europak "benetako autonomia" izan dezan
'Bilboko Adierazpena' sinatuta amaitu da Leaders Meeting–Fit For The Future goi-bileraren bigarren edizioa, Bilbon. Europak "oparotasun jasangarria, industria-lehiakortasuna eta autonomia estrategikoa sortzeko" duen ahalmena indartzea eskatzen du agiriak.
Volkswagenen lege urraketen aurrean "isilik" egotea egotzi dio ELAk Nafarroako Gobernuari
Sindikatuaren arabera, Lan Ikuskaritzak "iruzurrez" egindako aldi baterako 146 kontratu atzeman zituen Nafarroako Volkswagenen eta 93 kontratu mugagabe egitera behartu zuen enpresa. ELAk salatu du enpresak oraindik ez duela agindua bete.