Greba orokorrerako zerbitzu minimoak
Eusko Jaurlaritzak asteazkeneko greba orokorrerako zerbitzu minimoak ezarri ditu eta horien arabera, garraio publikoan ohiko zerbitzuaren % 30 eskaini beharko dute gutxienez, eta ospitaleetan jai egunetan adinakoa.
Lan Sailak gaur jakinarazi ditu zerbitzu minimoak ESK, CC. OO., UGT, LSB-USO eta CGT sindikatuek Espainiako Gobernuaren politika ekonomikoaren kontra deitu duten greba orokorrerako.
Garraio publikoan (Euskotren, metroa, tranbiak eta autobusak) lan egun normaletan eskaintzen den zerbitzuaren % 30 eman beharko da gutxienez. Autopistetan, ordainlekuetako langileen % 30ak egin beharko du lan trafiko gehien dagoen orduetan eta gainerakoetan jai egunetan bezalaxe. Gasolindegietan ere % 30eko zerbitzu minimoa ezarri dute.
Osasun.zentroetan gutxienez jai egunetako langile kopurua egongo da, eta lehen mailako arretan, larunbatekoa. Larrialdi zerbitzuek, berriz, % 100ean jardungo dute.
Hezkuntzari dagokionez, unibertsitatetik kanpoko eskola publiko, pribatu eta kontzertatu guztietan egon beharko da gutxienez zuzendaritzako kide bat eta ikasleei sarbidea ahalbidetuko diete.
Haur-eskoletan eta unibertsitatean koordinatzaile edo arduradun batek lan egin beharko du gutxienez, Musikenen eta udal musika-eskoletan bezalaxe.
Larrialdi egoeretan lan egiten duten zerbitzuek (SOS Deiak, suhiltzaileak, etab) jai egunetako zerbitzua eskainiko dute.
Zahar-etxeetan eta eguneko zentroetan arreta zuzena eskaintzeko langileen erdiak joan beharko du lanera gutxienez.
Mehatxupean bizi diren pertsonen babeserako langileen erdiek ere lan egin beharko dute.
Argindar, gas eta ur hornidurari dagokionez, jai egunetako langile kopurua egongo da gutxienez eta EITBn albistegien emankizuna soilik bermatuko da.
300 enpresak baino gehiagok egin dute bat grebarekin, Nafarroan
Nafarroako 300 enpresa batzordek eta 1.500 ordezkarik baino gehiagok egin dute bat azaroaren 14an lan-erreformaren eta murrizketa sozialen kontra deitutako greba orokorrarekin.
Volkswagen, TRW, Gamesa, Renfe, Telefonica, El Corte Ingles, Banca Civica, Amma Navarra,Cinfa, ACR, ISN, Hoteles AC, Kybse, BSH eta Portland dira, besteak beste, protesta egingo dutenak.
Zure interesekoa izan daiteke
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.