Bideoa: 13 urteko gazte bat zauritu da Tarragonan, Mossoek oldartuta
13 urteko gazte bat zauritu da eta beste hiru gazte inputatu egin dituzte Tarragonan, Esquadra Mossoek kargatu ondoren. Polizia iturriek jakitera eman dutenez, Corte Ingles eta Rovira i Virgili unibertsitatetik gertu izan dira istiluak.
Gazteak buruan hartu du kolpea, eta ebaki bat egin du. Ospitalera eraman dute, eta lau puntu eman dizkiote. Jarraian igorri dute etxera.
Gurasoekin manifestazioan zegoen mutikoa, EFE agentziak jakitera eman duenez. Amak azaldu duenez, hainbat lasterketaren ondoren, istiluetan murgilduta ikusi duten beren burua eta agenteetako batek mutikoa jo du. Familiak salatu duenez, gurasoek beraiek eraman dute mutikoa ospitalera, Mossoek ez baitute utzi anbulantzia bertara gerturatzen. Anbulantzia iritsi ez dela-eta, agenteetako batek familiari barkamena eskatu diola ere azaldu dute.
Familiak salaketa jarriko du Esquadra Mossoen kontra, eta gertatutako Fiskaltzarengana eramango dute.
Operazioan parte hartu duten agenteek identifikazioa agerian ez zutela salatu du familiako kideetako batek.
Borrak ''errebotatu'' egin du
Kataluniako Generalitateko Barne sailak ''ezusteko ekintza'' batekin lotu du gertatutako, agenteek indarkeria erabiltzen ari ziren pikete bateko kideen kontra kargatu dutenean. ''Indarkeriaz jardun duten pikete batzuen atzetik korrika irten dira agenteak, eta, lasterketa horretan, agenteetako batek borra batekin kargatu du horietako baten kontra. Kolpeak lagun horren motxilan errebotatu du, eta adingabearen buruan jo. Agenteak ez du adingabea ikusi'', azaldu Barne sailak ohar batean.
Dena dela, Youtuben igota dagoen bideo batek erakusten duenez, gazteak kolpea jaso eta gero, beste agente batek adingabea artatzen ari zen emakume bati eraso dio, eta poliziei gertatutakoa leporatu dien neskato bat ere kolpatu dute, hiru aldiz.
Hiru pertsona inputatuta
Istiluen ondoren, hiru gazte inputatu ditu Poliziak.
Erreakzioak
ICVk Felip Puig Barne kontseilariaren dimisioa eskatu du, eta PPk, berriz, Tarragona ''istiluen hiri'' bihurtzea gaitzetsi du.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.