PPrekin 'akordio itxirik' ez duela azpimarratu du EAJk
Iñigo Iturrate EAJren legebiltzarkide eta Ganberako Mahaiko bigarren idazkariak argitu duenez, EAJk eta Alderdi Popularrak ez dute inolako akordiorik itxi 2013ko EAEko aurrekontuak onartzeko. Horrenbestez, talde guztiei negoziatzeko prestutasuna izateko dei egin die.
Radio Euskadin egindako elkarrizketa batean, Legebiltzarrean fiskalitateari buruzko eztabaida abian jartzeko prest daudela ere iragarri du Iturratek. "Alderdi guztien artean hitz egin behar dugu, akordio zabalenak lortu ahal izateko eta gero hitzarmen horiek Batzar Nagusietara eramateko", azaldu du.
EAJk "elkarrizketarako borondatea" daukala eta euren asmoa erakunde guztiei "oreka" ematea dela berretsi du. Ildo horretan, PPrekin hitzarmenik adostu ez duela nabarmendu du, "baina krisiari erantzuteko erakundeek aurrekontuak izatea ezinbestekoa da", erantsi du.
Kritikak PSEri eta EH Bilduri
"Gainerako taldeek nahi dutena gertatuko da aurrekontuekin, baina guk negoziatzeko deia egiten diegu guztiei. Erantzukizunez jokatuko dutela espero dut, baina Arabako Diputazioak, adibidez, ez dauka aurrekonturik, PSEk eta EH Bilduk blokeoaren alde egin zutelako".
Bizkaiko Diputazioan eta Gasteizko udaletxean EAJk eta PPk lortutako akordioak beste erakundeengan eragin zuzenik ez duela azaldu ostean, Iturratek gogora ekarri du jeltzaleen eta popularren boto batuketa ez litzatekeela nahikoa izango EAEko aurrekontuak aurrera ateratzeko.
EAJren irudia
Alderdi Popularrarekin eta UPyDrekin hitzarmenetara heltzeak EAJren irudian izan dezakeen eraginaz galdetuta, Iturratek esan du negoziazio prozesu guztietan "zerbait galtzen" dela beti.
"Herria aurrera ateratzeko erantzukizuna daukagu eta bide horretan laguntzeko prest daudenekin egingo dugu. Aurrekontuetarako akordio batez baino ez gabiltza. Udaletxe batzuetan PPk eta EH Bilduk ere bat egin dute. Zentzugabekeria izango litzateke erakundeak aurrekontu gabe uztea", adierazi du.
Balizko akordioa PSErekin
Etorkizunean PSE eta EAJren artean akordioak izan ote daitezkeen galdetuta, Iturratek esan du legegintzaldi hasieran ezinezkoa izan zela gehiengo absolutu bat lortzea, "alderdi bakoitzak bere ibilbidea egin behar zuelako".
Nolanahi ere, ez du inolako aukerarik baztertu. "Lehendakariaren helburua egonkortasun instituzionala lortzea da eta Legebiltzarrean gehiengo zabalagoa izanda bada, hobeto", azpimarratu du.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.