Gipuzkoak eta Arabak errefusatu egin dute Bilbaoren proposamen fiskala
Gipuzkoako eta Arabako aldundiek errefusatu egin dute Jose Luis Bilbao Bizkaiko ahaldun nagusiak egindako proposamen fiskala, 2013rako diru-sarreren aurreikuspenak berriro kalkulatu eta igotzea.
Larraitz Ugarte Gipuzkoako Aldundiaren bozeramaileak jakinarazi du Aldundiaren jarrera. Azaldu duenez, diru-sarrera aurreikuspenak igotzea "arazoa atzeratzea" da eta "fikzio" egoera bat sortuko luke, izan ere, "azkenean diru-sarrera horiek lortzen ez badira, aurrekontuak murriztu beharko dira eta udalei eskatu beharko diegu dirua itzultzea".
Ugartek Donostian emandako prentsaurreko batean azaldu duenez, Bizkaiko ahaldun nagusiaren proposamenak "EAJk fiskalitatean duen lidergo faltari" erantzuten dio.
Horren harira, "paradoxiko"tzat jo du EAJk oposizioan "erreforma fiskal guztiak eta administrazio publikoen diru-sarrerak aldatzeko ahalegin guztiak oztopatzea" eta orain "Jaurlaritzaren kolorea aldatzen denean, Jose Luis Bilbaok Eusko Jaurlaritzari laguntzeko ahalegina eskatzea diru-sarrera gehiago izan ditzan".
Araba
Arabako Aldundiari dagokionez, Eusko Jaurlaritzaren eta Bizkaiko Aldundiaren proposamena errefusatu du, aurreikusitako diru-sarrera gehiago lortzea "ezinezkoa" delako egungo araudiarekin.
Javier de Andres ahaldun nagusiaren esanetan, hori izango da Arabako Aldundiaren jarrera EAEko Finantzen Kontseiluaren bileran, otsailean. De Andresek aitortu du, hala ere, Bizkaiko Aldundiaren proposamenak aurrera egin dezakeela, Jaurlaritzak eta Bizkaiko Aldundiak gehiengoa dutelako erakundean. "Itsasoko ura geza dela esateko gehiengoa dute", adierazi du ironiaz.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.