'Zintzoki, murrizketek Osasunean eta Hezkuntzan eragina izango dute'
Ricardo Gatzagaetxebarria Jaurlaritzaren Ogasun eta Finantza sailburuak "aurrekontuetarako, 1.200 milioi euro gutxiagoko diru-sarrerak ditugu" azpimarratu du Radio Euskadiko elkarrizketa batean, horregatik "gastuak kopuru horretan gutxitu" beharko direla esan du.
Hori dela eta, Jaurlaritzak lehentasun batzuk ezarri dituela azaldu du. "Osasunean, Hezkuntzan eta gizarte-bazterkeriaren aurkako borrokan ahalik eta eragin txikiena izaten saiatuko gara", zehaztu du, baina "zintzoki, murrizketek Osasunean eta Hezkuntzan eragina izan beharko dutela esan behar dut", onartu du.
Ildo honetan, egin ezingo diren inbertsioak aztertu beharko direla esan du, baina "ez dira egin gabe geldituko, urte batzuk atzeratu beharko dira", zehaztu du. Pasaiako kanpo portuaren eta AHTaren inguruan galdetuta, "barne trenbidearen inbertsioa, esaterako, atzeratu egin beharko da", adierazi du. "Une honetan lehentasuna ez duten inbertsio batzuk berriro antolatu beharko dira eta beste urte batzuetan egingo dira".
Zerga erreformaz ere mintzatu da Gatzagaetxebarria eta EAJren presidenteak beste alderdiei erreforma aurkeztu diela ekarri du gogora. Halaber, "EAJ beti egon da zerga sisteman aldaketak egiteko prest", nabarmendu du. Hala ere, "erreforma sakon batekin, EAEko erakunde sistema osoarentzat 400 milioi euro" soilik lortuko lituzketela esan du.
Azkenik, kupoaren legeari irtenbideak bilatzeko Ogasun Ministerioarekin elkarrizketak hasiko dituztela aurreratu du. "Dagozkigun baliabideak izan behar ditugu, administrazio zentralak kupoaren legearekin bat egiten ez duen interpretazioa egin izan duelako", ondorioztatu du.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.