Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita. Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Tubos Reunidosek kaleratze kolektiboa egingo du bere bi lantegi nagusietan, Trumpek altzairuari ezarritako muga-zergen ondorioz AEBko merkatua galdu ostean.
Euskal enpresak (1.400 langile inguru) atzo iragarri zuen enplegu-erregulazioko espedientea (EEE) aurkeztuko duela Amurrion (Araba) eta Trapagaranen (Bizkaia) dituen lantegi nagusietan. Beste bi ditu Billoda kontzejuko Subillabide industrialdean (Araba), eta Houstonen (AEB, Texas).
Datorren otsailaren 9an emango ditu kaleratze kolektibo horren eraginari buruzko xehetasunak.
Hasiera batean, arazoaren jatorria nazioarteko merkatuko lehia gogorra izan zen, prezio baxuak eskaintzen dituzten ekoizle txinatar asko baitaude.
Tubos Reunidosen bizilagunak, Tubacexek (Arabako eskualde berean dago), premium hodietan espezializatzea lortu du, baina Tubos Reunidosek, ez.
Horrela, Tubos Reunidos dirua galtzen hasi zen COVID-19aren aurretik, eta pandemiarekin, 2021ean, SEPIren 112 milioi euroko mailegua jaso zuen.
Inbertsioa positiboa izan zen eta 3 urtez irabaziak lortu zituen, 2022 eta 2024 artean (28 milioiko euroko irabaziak, azken ekitaldi horretan).
Oparoaldi horren ostean, baina, Trumpen muga-zergak iritsi ziren iaz, % 25ekoak lehenengo eta % 50ekoak gero, ekainaren 1etik aurrera.
Eragina berehalakoa izan zen, AEB baitzen Arabako konpainiaren merkatu nagusia, salmenten % 45eko kuotarekin.
Enpresak hodiak euskal lantegietatik Houstonera bidaltzen zituen, eta han fintzen zituen, baina muga-zergak handitzeak lehiakortasuna galtzea eragin zion.
Horrela, 2025eko lehen seihilekoan (zabaldu dituzten azken datuak ordukoak dira), 28 milioi euro galdu zituen, eta gehiago galdu zuen bigarren seihilekoan, muga-zergak are gehiago igo baitziren. Horri finantza egoera zaila gehitu behar zaio, 244 milioi euroko zorra baitu.
Hori horrela, urrian Texasko lantegia geldiaraztea erabaki zuen, eta horrek eragin zuzena izan zuen Euskal Herriko lantegietan: Amurrioko ekoizpena % 40 jaitsi da.
Houston gelditzeaz gain, enpresak aldi baterako lan-erregulazioko espediente bat aplikatu zien langileei udazkenean, eta orain kaleratze kolektibo bihurtuko da.
Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Zure interesekoa izan daiteke
Justiziak errefusatu egin du mediku gazatar bat Sidenorren aurkako akusazio partikular gisa aurkeztea, eta ez ditu kontuan hartuko Basauriko erregistroak
Akusazio partikularra erretiratu ostean, ezin izango dira Jose Antonio Jainaga eta beste bi zuzendari ikertu genozidio eta gizateriaren aurkako delituen konplizitateagatik. Siderurgia-enpresaren aurkako ikerketa zabalik dago Auzitegi Nazionalean, altzairua Israelgo enpresa bati esportatzeagatik eta hori ustez armamentua fabrikatzeko erabiltzeagatik.
Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.
Abian da errentaren kanpaina Bizkaian: % 70ek "itzultzeko" emaitza izango dute, zergadunen alde
Ekainaren 30era arte luzatuko da epea, eta Foru Ogasunak 683.000 errenta-aitorpen inguru aurkeztea aurreikusten du.
Osakidetzarako lan-eskaintzaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta 2.160 berriak izango dira.
Sindikatu eta abokatuek langileak "finko" egin ditzatela eskatu dute, Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain mahai gainean dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak kontratu finkoak izatea ezinbestekotzat jotzen dute. ELAk Gobernuaren “borondate politiko eza” agerian gelditu dela salatu du.
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.
Inflazioa % 3,4koa izan da martxoan Euskadin, eta % 3,5ekoa Nafarroan, petrolioaren prezioaren ondorioz
Martxoko inflazioa Espainiako Estatuan uste baino hamarren bat altuagoa izan da, erregaien prezioen gorakadak eraginda.
Europar Batasuneko Justizia Auzitegiaren ustez, ez da nahikoa Espainiak interinoak mugagabe ez-finko bihurtzea
Europako Justiziaren ustez, egungo ereduak ez du bermatzen erantzun eraginkorrik, eta indartu egiten du 2024ko doktrina.