'Korralito' oldea zabaldu da Europan, Zipreren erreskatearen ondoren
Europako Ekonomia eta Finantza ministroek Zipreri 10.000 milioi euroko erreskatea ematea adostu dute goizaldean, uhartearen zor arazoei aurre egin ahal izateko, Jeroen Dijsselbloem Eurotaldeko presidenteak iragarri duenez.
Bruselako Europar Batasuneko Kontseiluaren egoitzan 10 orduz egon dira negoziatzen. Halaber, Nicos Anastasiades Zipreko presidentea ere bertan izan da, eztabaidak hurbiletik jarraitzeko.
Zipreren erreskatea herritarrek beraiek euren poltsikotik zuzenean ordaindu beharko dute ordea; izan ere, erreskatearen truke tasa bat ezarriko beharko du Gobernuak. 100.000 eurotik gorako aurrezkiak dituztenei % 10 atxikiko zaie, eta hortik behera % 6,75 kenduko diete.
Herritarrek harriduraz eta amorruz hartu dute erabakia, eta sentipen hori areagotu egin da Eurotaldeak "korralito" partziala ezarrita. Neurri horrekin dirua herrialdetik ateratzea eragotzi nahi dute.
Zipretarrak kutxazainetara joan dira dirua ateratzera, kenduko dietenaren beldur.
Doitasun-fiskal betetzeko
"Asmo handiko neurriek osatutako programa da", azaldu dute Ekonomia ministroek, "uhartearen finantza-egonkortasuna bermatzeko, doitasun-fiskala betetzeko eta hazkunde orekatuari eta jasangarriari lagundu ahal izateko".
"Zipreren finantza-laguntza bermatuta dago", azaldu du Dijsselbloemek prentsaurrekoan, "uhartearen eta eurogune osoaren finantza-egonkortasuna gorde ahal izateko".
Diru kopuru txikiagoa
Ziprek 17.000 milioi euroko diru-laguntza eskatu bazuen ere, Eurotaldeak 10.000 milioi eskaintzea adostu du. Horri esker, 2020ra bitartean herrialdearen zorra % 150etik % 100era murriztea espero dute, Nazioarteko Diru Funtsak eskatu zuen bezala.
Erreskatea "2013ko apirilaren erdialde aldera" berretsiko dute, eta prozedura nazionalen arabera ere berretsi beharko da. Olli Rehn Gai Ekonomikoetarako komisarioak esan duenez, "espero dut hori hemendik gutxira gertatzea, atzerapen handiak saihesteko".
Zure interesekoa izan daiteke
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.
ZUZENEAN: Etekin Ekonomia Topaketak
Lehiaren Batzordeak espedientea ireki die Ibexeko sei bankuei, hipotekekin lehiaren kontra jardun dutelakoan
Banco Santanderrek, CaixaBankek, BBVAk, Sabadellek, Bankinterrek eta Unicajak adierazi dute hipoteken garestitzea merkatuaren egoeraren ondorio dela.
Satsek bertan behera utzi du emaginen greba Osakidetzan, profesionalen faltari buruzko negoziazioa ireki ostean
Erizainen sindikatuak ekaina eta uztaila bitartean aurreikusitako lanuzteak geldiarazi ditu, baina ohartarazi du mobilizazioei ekingo diela Euskal Osasun Zerbitzuak plantillak indartzeko neurriak zehazten ez baditu.