Iberdrolak etekina mantendu eta 12.300 milioi inbertituko ditu
Ignacio Sanchez Galan Iberdrolako presidenteak akziodunen aurrean esan duenez, enpresak etekinak mantentzea lortu du, krisiak gorabehera, eta etorkizunari baikor ari da begira, datozen hiru urtetan 12.300 milioi euro inbertitzeko asmoa baitu.
Iberdrolako presidenteak enpresako Akziodunen Batzorde Nagusian egin du hitzaldia eta, bertan esan duenez, ekonomia espainiarrak hobera egiten ari dela nabarmentzat jo du.
Gainera, sektore elektrikoaren erregulazioa txalotu du; "tarifaren defizitaren arazoa konpontzeko aukera ematen du", Galanen hitzetan.
Taldeak 2.840,7 milioi euroko etekina lortu zuen, aurreko urtean baino % 1,3 gehiago. Nazioartean egindako negozioen ondorio da, guztien % 70 baitira Espainiatik kanpokoak. Nazioarteko negozioei esker lortutako etekina % 35 handitu da, 1.979 milioi euro irabazita.
Galanek iragarri duenez, Iberdrolak dibidendu malguko politikarekin jarraituko du; akzio bakoitzeko 0,305 euro ordainduko dute; horietatik 0,143 urtarrilean ordaindu ziren; 0,157 uztailean; 0,03 esku-diruan emango dira eta 0,127 dibidendu malguko programa berri batean. Politika horrekin batera kapitala % 2, 4 txikiagotuko dute.
Zure interesekoa izan daiteke
ELA, LAB, Steilas, ESK, Hiru eta Etxalde sindikatuek greba orokorra deitu dute martxoaren 17an Hegoaldean, LGS propio baten alde
Sindikatuek Bilbon emandako prentsaurreko batean egin dute iragarpena. Grebak 'Gutxieneko soldata hemen erabaki. LGS 1.500 euro. Soldatak hobetu, aberastasuna banatzeko' leloa izango du.
Kontsumo Ministerioak 64 milioiko isuna jarri dio Airbnb plataformari, lizentziarik gabeko etxeak iragartzeagatik
Isunaz gain, orain arte gaizki egindakoa zuzendu beharko du Airnbnb plataformak, argitaratutako lizentziarik gabeko etxebizitzak ezabatu eta horiei ezarritako isuna publiko egin beharko dute. Ebazpena irmoa da, horrenbestez, amaitu egin da bide administratiboa.
Arabako Aldundiak eta Elkarrekin Podemosek 31 milioi euroko diru-partidak onartu dituzte 2028ra arte
Arabako Foru Aldundiak eta Elkarrekin Podemos IUk igande honetan adostutako 2026ko aurrekontuei esker, erresidentzia pribatu eta etxez etxeko langileentzako lehen hitzarmenari bide emango zaio. Gaur-biharretan eztabaidatu eta zuzenketak egin ostean, ostiralean emango diote behin betiko oniritzia Aldundiaren aurrekontuari.
Frantziarako noranzkoan Biriatuko ordainlekua itxi dezaketela eta, "arretaz" jokatzeko eskatu dute
Bidegik eta Ertzaintzaren Gipuzkoako Trafikoko lurralde-unitateak zaintza-lanak areagotuko ditu eta segurtasun-neurriak hartuko dituzte, gerta daitezkeen zirkulazio-gorabeherek ahalik eta gutxien ergaiteko.
Jaurlaritzak beste hamar urteko lizentzia eman dio Balenciaga ontziolari itsas jarduerarekin jarraitzeko
22.400 metro koadroko lursail bat utziko diola iragarri du Elikadura, Landa Garapen, Nekazaritza eta Arrantza Sailak. Lursail horren erabilera itsasontziak eraikitzera eta konpontzera mugatu du Jaurlaritzak. Balenciaga ontziolak 10 eguneko epea du baimen hori ordaintzeko edo alegazioak aurkezteko.
Arabako Foru Aldundiak eta Elkarrekin Ahal Dugu Ezker Anitza-IUk 2026ko aurrekontuak adostu dituzte
Ituna segurutzat jotzen zen alderdi moreak joan den ostiralean osoko zuzenketa erretiratu ondoren, baina erabat itxi gabe zegoen. Astelehenean emango ditu alderdi moreak akordioaren xehetasunak.
Frantziako Gobernuak astelehen honetan hasiko du hego-mendebaldeko milioi bat behi dermatosiaren aurka txertatzen
Bitartean, Ipar Euskal Herrian laborariek mobilizazioekin jarraitzen dute. Prefeta Confederation Paysanne eta ELB sindikatuetako ordezkariekin bilduko da astelehen arratsaldean Pauen.
Gasteizko Mercedeseko langileak ordubeteko lanuztera daude deituta txanda bakoitzean astelehenetik ostegunera
Bihar, astelehena, hasiko dituzte lanuzteak, baina mobilizaziorik gabe. Asteartean eta ostegunean, ordea, elkarretaratzeak egingo dituzte 14:15ean, txanda aldaketekin batera, lantegiaren kanpoaldean.
Bizkaiko eta Gipuzkoako arrantzaleek balorazio gazi-gozoa egin dute EBk ezarritako arrantza kuoten inguruan
Erdietsitako akordioa albiste txarra da Ondarroako alturako ontzientzat, besteak beste, legatzaren eta oilarraren kuotak jaitsi dituztelako. Kaltetuenak, baina, berdela amuarekin arrantzatzen duten ontzi txikiak dira, % 70 murriztu baitute harrapaketen kopurua. Baxurako arrantzaleentzat, aldiz, akordio “positiboa” da, hegaluzearen kuotari eutsi egin diotelako eta atun gorriarena eta antxoarena handitu direlako.
Ipar Euskal Herriko laborariek A64a blokeatu dute dermatosi nodularraren aurkako neurriak salatzeko
Mobilizazioak bart abiatu dituzte, errepidean traktoreak eta lasto fardoak jarrita. Gaixotasuna kontrolatzeko, neurri zorrotzak hartu ditu Frantziako Gobernuak, eta kasuren bat agertuz gero, etxaldeko behi guztiak hiltzeko agindua eman du. Abeltzainek astelehenera arte jarraituko dute protestan, Macronen gobernuari euren “haserrea” helarazteko.