'Tax Lease' berria ezarri ezean, ontzigintza sektorea desager liteke
Metalgintza Enpresen Bizkaiko Federazioak ohartarazi duenez, 'tax lease' edo ontziolak laguntzeko finantza sistema berria ezarri ezean, ontzigintza sektorearen 'zati handi bat' desagertzeko arriskua dago.
Federazioak ohar batean adierazi duenez, Europar Batzordeak bertan behera utzi zuen 2007-2011 urteen artean indarrean egon zen 'tax lease'a eta, ordudanik, "ziurgabetasuna da nagusi" sektorean.
Indargabetutako 'tax lease' hori ordezkatuko duen beste erregimen bat ezartzearen erabakia ere, "atzeratzen" ari da eta, horren ondorioz, "finantzazio oro etenda dago".
"Zehaztugabetasun horren ondorioz, ontzigintza sektorean ez da proiektu berrietarako finantziaziorik eta, horrela jarraituz gero, sektorearen zati handi bat kolokan egon liteke, horrek teknologian eta lanpostuetan ekar lezakeen galerarekin", ohartarazi du.
Ingurumaria horretan, "finantzazio partekatua eta dirua itzultzeko bermeak" galdegin ditu, "Banka Publikoaren laguntzarekin, beharrezkoa bada", erantsi du Federazioak.
Amaitzeko, "tax Lease sistema berria ezartzeko eta finantzazio arazoak konpontzeko" Eusko Jaurlaritzak Espainiako Gobernuari egindako eskaera babestu du Bizkaiko Federazioak bere oharrean.
Zure interesekoa izan daiteke
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Tubos Reunidoseko langileek 24 orduko lanuztea hasiko dute gaur gauean, enplegu-erregulazio prozesuaren aurrean
Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die.
Makinistek greba abiatuko dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan Bilboko eta Donostiako aldiriko bost lineetan, trenbide-sektoreko sindikatuek otsailaren 9, 10 eta 11n deitutako hiru greba-egunetarako.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".