Fagor Etxetresnak hartzekodunen konkurtsoan sartuko da
Fagor Etxetresnak hartzekodunen konkurtsoan sartuko da, Mondragon Korporazio Kooperatiboak (MCC) agiri batean baieztatu duenez.
Konkurtso Legearen 5.3 artikuluaren babesean, Donostiako Merkataritza arloko Epaitegian jakinarazi du enpresak zorra berregituratu aurreko negoziazioei ekin diela.
"Une honetatik aurrera, konpainiak lau hilabetera arteko epea du bere hartzekodunekin akordioa erdiesteko behar diren negoziazio-bideak zabaltzeko. Negoziazio hauek duela aste batzuk hasi ziren Mondragon Korporazioarekin, Eusko Jaurlaritzarekin, banku hartzekodunekin eta gainerako hartzekodunekin, Fagorren jarduera normaltzea ahalbidetuko luketen ordainketei aurre egin ahal izateko", azaldu du.
Fagorrek bere egoeraren berri eman dio arratsaldean Balore Merkatuaren Batzorde Nazionalari.
Zorra kitatzeko finantziazioa lortu ez dutela eta, Fagor Etxetresnak hartzekodunen konkurtsoan sartuko da. Hain justu, konpainiako zuzendaritzak Kontseilu Sozialari (bazkideen eta langileen ordezkaritza organoa) jakinarazi dio goizean erabakia.
Pertsona fisiko edo juridiko bat kaudimengabe geratu eta bere zorrei aurre egiteko gai ez denean abiatzen den prozedura juridikoa da hartzekodunen konkurtsoa.
Fagor Etxetresnak enpresari 50 milioi euroko ezohiko ekarpena ez egitea erabaki du MCCk. Mondragon Korporazio Kooperatiboaren hitzetan, kooperatibak "mugan" daude, eta ez dute horrelako esfortzu bat egiteko gaitasunik. Gainera, esfortzu hori ez dela "behin betiko konponbidea" izango uste du enpresak.
Hala eta guztiz ere, MCCk lanpostuak mantentzeko konpromisoa azaldu du, eta baliabide gehiago bideratzeko prest agertu da, soberan dauden langileak eta bazkideak berriz kokatzeko.
Fagor Etxetresnak konkurtsoan ez dagoela azpimarratu du Korporazioak, eta hartzekodunekin negoziatzeko lau hilabeteko epea duela gogorarazi du. Negoziazioa "egitasmoa berriro definitzeko oso garrantzitsua da", erantsi du. Horren harian, ukatu egin du "berehala ixteko asmorik izatea", "eta baita konkurtsoan sartuta egotea ere".
Fagorreko lantegia Arrasaten (Gipuzkoa). Argazkia: EFE
Galerak
2013ko lehen seihilekoan, 60,4 milioi euroko galerak izan ditu Fagor Etxetresnak enpresak, 2012ko epe berean izandakoen hirukoitza. Orotara, 800 milioi euroko zorra du konpainiak.
Egun 5.642 langile ditu, 1.600, Euskadiko lantegietan (bi Arrasaten eta bana Bergaran, Basaurin eta Eskoriatzan). Horrez gain, Frantzian, Polonian, Marokon eta Txinan ere lantegiak ditu etxetresnen atalak. Edonola ere, oraindik ez dago argi langileok zein egoeratan geratuko diren.
Fagor Etxetresnak itota zegoen azken urteetan, bost urte eman baititu mozkinik gabe eta galera handiekin.
Azken urteetan, langileek hainbatetan jaitsi dute soldata. Maiatzean, gainera, MCCko gainerako kooperatibek 70 milioi euroko funtsa sortu zuten, Etxetresnak salbatzeko.
Konpainia eta MCC taldea negoziatzen aritu dira azken asteetan, beste erreskate bat onartzeko, baina azkenean ez da hala gertatu.
Erakundeen erantzuna
Fagor Etxetresnakek "muturreko" erabaki bat hartu izana deitoratu du Eusko Jaurlaritzak, eta bideragarritasun plan "zorrotza eta errealista" egiteko eskatu die Mondragon Korporazio Kooperatiboari eta enpresari.
Arantza Tapia Ekonomiaren Garapen eta Lehiakortasunerako sailburuaren ahotan, "posible" da Fagorren zati handi bat Euskadin berregituratzea, "lanpostu kopuru handiena mantentzeko".
Josu Erkoreka Eusko Jaurlaritzako bozeramailearen hitzetan, Fagor Etxetresnak hartzekodunen aurrekonkurtsoan sartzea "urte honetako albisterik txarrena" da. Horrez gain, enpresaren bideragarritasuna bermatzeko eta "ondorio ekonomikoak gutxitzeko" helburuarekin, Jaurlaritzak "bere esku dagoen guztia" egingo duela gaineratu du.
Fagor Etxetresnaken jarduera mantentzeko "formulak" bilatzen ari dira Gipuzkoako Foru Aldundia eta Eusko Jaurlaritza, gaur Foru Aldundiko iturriek adierazi dutenez.
Lantegiak, geldi
Astelehenetik aurrera Fagor Etxetresnakeko langile guztiak langabezian geratuko dira. Era berean, lantegi guztietako produkzioa bertan behera geratuko da. Bestalde, Kontseilu Sozialak manifestazioa deitu du ostiralerako.
Bazkideek (55 urtez gorakoek) aurrejubilazioak hartzeko, MCCko beste lantegietan lanean hasteko edo bi urtez langabezia kobratzeko aukera izango dute.
Kooperatibako iturriek jakitera eman dutenez, langileei egoeraren berri emateko bilerak egingo dituzte datozen egunetan.
Albiste gehiago ekonomia
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.