Zer gertatuko da Fagor Etxetresnakeko langileekin?
Astelehenetik aurrera Fagor Etxetresnakeko langile kontratatuak langabezian geratuko dira, eta bazkideek aukera batzuen artean hautatu beharko dute, konpainiako iturriek EiTBri jakitera eman diotenez. Era berean, lantegi guztietako produkzioa bertan behera geratuko da.
Dagoeneko lau lantegi geldi daude. Eskoriatzako lapikoen fabrika lanean egongo da ostiralera arte.
Gizarte Segurantzaren babesean lan egin dutenek langabezia kobratuko dute. Bazkideak, ostera, 'baja egutegian' sartuko dira, hau da, lan erregulazioko sistema antzeko batean, hartzekodunen konkurtsoak iraun bitartean (lau hilabete).
Lau hilabete horietan finantziazio egoera konpontzen saiatuko dira. Behin lau hilabete horiek igarota, langileen inguruko behin betiko erabaki bat hartuko dute.
Bazkideek (55 urtez gorakoek) aurrejubilazioak hartzeko, Mondragon Korporazioko beste lantegietan lanean hasteko edo bi urtez langabezia kobratzeko aukera izango dute.
Kooperatibako iturriek jakitera eman dutenez, langileei egoeraren berri emateko bilerak egingo dituzte datozen egunetan.
"Langileen artean egonezina, kezka eta haserrea" nagusi direla esan dute iturriek. Fagor Etxetresnak enpresak EAEn dituen langile gehienak (% 85) bazkideak dira, eta ezin izango dira erregulazioan sartu, baina kooperatibak atzerrian dituen fabriketan langile laboralak daude.
Bazkideek Mondragon Korporazioko beste kooperatiba batzuetan lan egiteko aukera izan dezakete, lanposturik badago, edota aurrejubilazioak hartzeko aukera, 55 urtez gorako bazkideen kasuan. Kooperatibako bazkideak 58 urterekin erretiroa hartzen ari ziren orain arte. Azken aukera langabezia izango litzateke.
Bestalde, Kontseilu Sozialak manifestazioa deitu du ostiralerako.
Negozioaren zati bat errentagarria da oraindik
Bien bitartean, Eusko Jaurlaritza eta Gipuzkoako Foru Aldundia konpainia salbatzeko lanean ari dira.
Erakunde horien ustez, negozioaren parte bat salbatu egin daiteke, errentagarria delako, egoste eta etxetresna txikien sailak, kasu.
Albiste gehiago ekonomia
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.