Kooperatiben ereduan 'konfiantza osoa' adierazi du Mondragon taldeak
Mondragon Korporazioak kooperatiben ereduan "konfiantza osoa" duela adierazi du, Fagor Etxetresnak hartzekodunen konkurtsoan sartu eta horren harian sortutako iskanbileran ondoren. Enpresa jarduerekin, enpleguarekin eta korporazioaren parte direnen arteko elkartasun mekanismoekin duen konpromisoa berretsi dute Mondragoneko arduradunek.
Mondragon Korporazioak (lehengo MCC) komunikatua atera du "kooperatiben ereduaren sendotasuna eta baliotasuna" azpimarratzeko, "eredu horretan "protagonismoa pertsonena eta elkartasunarena delako".
Komunikatuaren bidez, asteazkenean Fagor Etxetresnak empresa hartzekodunen konkurtsoan sartu zenetik sortutako albisteei erantzun nahi izan diete.
Krisi testuingurua
Agirian Mondragon Korporazioak taldearen datu ekonomiko nagusiak agertzen dira, eta datu horiek dira, Mondragonen iritziz, "kooperatiben ereduaren baliotasuna eta eraginkortasunaren" adibide onenak "krisia eta enpleguen deuseztapena nagusi diren testuinguruan".
Korporazioaren arabera, taldearen parte diren kooperatiba "autonomo eta juridikoki independenteen artean elkartasun mekanismoak daude; mekanismo horiek babesa eman digute iraganean, eta etorkizunean gure nortasunaren ikurra izango dira".
Egibar: "Diru-laguntzak ez dituzte bideragarritasun planerako erabili"
Joseba Egibar Legebiltzarreko EAJko bozeramaleak adierazi duenez, Fagor Etxetresnak enpresak "hornitzaileei ordaintzeko" erabili zituen Jaurlaritzak emandako diru-laguntzak, eta ez bideragarritasun planean.
Radio Euskadinko eztabaida batean, EAJko agintariak esan du Jaurlaritza kooperatibaren egoeraren berri izan eta berehala lanean jarri zela eta laguntzeko neurriak eta diru-laguntzak onartu zituztela.
Jarraian, laguntza guztiak "urriak" izan direla esan du, "behar bezala erabili ez direlako. Laguntzak "bideragarritasun planean" erabiltzekoak ziren. Plan horren arabera, Mondragon Korporazioko enpresa kopurua hirura murriztu behar zen. "Kirurgia neurri sakonak behar ditu", gaineratu du jeltzaleak.
Albiste gehiago ekonomia
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.