Milaka pertsonak babesa agertu diete Arrasaten Fagorreko langileei
Milaka pertsonak elkarretaratzea egin dute eguerdian Arrasaten (Gipuzkoa), Fagor Etxetresnak kooperatibaren egoera salatzeko eta astelehenean langabezian geratuko diren 1.800 langileei elkartasuna adierazteko.
"Gure lanpostuen defentsan" leloaren atzean, martxa San Andres auzoko lantegitik abiatu da, eta Mondragon Korporazio Kooperatiboaren (MCC) egoitza nagusiaren aurrean bukatu dute. Ibilbidean zehar, beste hainbat kooperatibetatik pasatu dira, hala nola Lagun Aroren egoitzaren aurretik.
Manifestazioa bukatu eta gero, Exabier Arrieta Kontseilu Sozialeko presidenteak adierazpen bat irakurri du. Bertan, Fagor Etxetresnakeko kooperatibistek "enpleguarekin konpromisoa agertzeko", bazkideen zorpetzeari konponbidea emateko eta enpleguak bermatzeko bideragarritasun plan bat zehazteko deia egin dute.
Manifestazioa Arrasaten. Argazkia: EFE
Enpresaren krisiak "bailaran, Euskadin, Estatuan eta nazioartean" ondorio "suntsitzaileak" izango dituela ohartarazi dute Fagor Etxetresnakeko langileek.
Konpainiako bazkideen eta hornitzaileen egoera "dramatikoa" dela salatu dute. "Gugan sinistu dute azken unera arte", azpimarratu du Arrietak.
Edesako langileek Gizarte Segurantzako erregimenari lotuta lan egin dute, gainerako kooperatibistekin alderatuta hori da desberdintasun bakarra. Horregatik, "tratu bera" eskatu du bozeramaile batek.
Bestalde, Fagor taldeko langileei elkartasuna azaltzeko adierazpen instituzionala onartu du gaur Eusko Legebiltzarrak. Konpainiak ahalik eta lanpostu kopururik handiena "bermatzeko" bideragarritasun plana egin behar duela dio adierazpenak.
Manifestazioa Arrasaten. Argazkia: EFE
Langileen haserrea
"Fagor ama da, guztia hemendik atera da eta orain bakarrik lagako gaituzte. Irtenbide bakarra MCCk aginte makila hartzea da, errentagarria denarekin aurrera egiteko eta gainerako guztia ixteko", adierazi du Guadalupek. Guadalaupek 37 urte daramatza konpainian.
Kooperatiban gauzak ongi ez zihoazela bazekitela azaldu du Ana bazkideak, baina agintariek enpresa "aurrera atera" behar zutela pentsatzean "inuzenteak izan gara". Bospasei buruzagik kooperatiba utzi dute "lehiakideekin bat egiteko", erantsi du.
Nahiz eta krisiak lagundu ez duela onartu, arazo nagusia "alfer koadrila" baten kudeaketa tamalgarria izan dela adierazi du 34 urte lanean eman dituen erretirodun batek.
Manifestazioa Arrasaten. Argazkia: EFE
MCCko presidente ohia
Antonio Cancelo Mondragon Korporazioko presidente ohiaren hitzetan, merkatuaren krisiaren aurrean erabaki azkar eta dramatikoak hartu behar dira. Fagorren kasuan, lanpostuen bi herenak deuseztatzea aukera bat izan daitekeela onartu du.
2008tik merkatuak % 30 egin du behera sektorean, eta horrek "arazo oso larria" suposatzen du, Canceloren esanetan.
Zure interesekoa izan daiteke
OPEP+ek ekainerako petrolio eskaintza erabakiko du Vienan, mundu mailako energia krisiaren erdian
Zazpi ekoizle handi baino ez dira bilduko (Saudi Arabia, Errusia, Irak, Kuwait, Kazakhstan, Aljeria eta Oman) batzarrean, Arabiar Emirerri Batuek erakundea uztea erabaki ondoren.
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.