Urkullu: 'Kontzientzia garbi daukat Fagor Etxetresnaken kasuan'
Iñigo Urkullu lehendakariak "kontzientzai garbi" duela adierazi du Jaurlaritzak Fagor Etxetresnak enpresaren kasuan egindakoagatik galdetu diotenean. Urkulluren arabera, Jaurlaritza lanean aritu da 10 hilabetez egoerari konponbidea aurkitu nahian.
"Gauzak behar ziren moduan egin ditugu abenduaren 17tik", esan du lehendakariak Andoni Ortuzar EBBko presidentearekin batera Sabin Etxean emandako prentsaurrekoan. Urkullu eta Ortuzar hedabideen aurrean agertu dira hauteskunde autonomikoak irabazi zituztenetik egindako lanaren balantzeaz aritzeko.
Lehendakariak argitu egin du Jaurlaritzak Mondragón Korporazioari emandako 50 milioi euroko laguntza ez dela "zorrak ordaintzeko" erabili, bideragarritasun plana aurrera eramateko baizik.
Horri oinarri bezala hartuta, Jaurlaritzak egoera behar bezala kudeatu duela azpimarratu du Urkulluk, eta, ondorioz, "kontzientzia garbi" duela adierazi du. Halaber, Gipuzkoako kooperatibako zuzendaritzak Fagor Etxetresnakekin gertatutakoa "etorkizunari begira kontuan izatea" espero duela esan du.
Fagor Etxetresnaken langileen artean sortutako ziurgabetasunari dagokienez, lehendakariak esan du orain lau hilabete dituztela aurretik ahalik eta konponbide onena aurkitzeko.
Egibar: "Diru-laguntzak ez dituzte bideragarritasun planerako erabili"
Bestalde, Joseba Egibar Legebiltzarreko EAJko bozeramaleak adierazi duenez, Fagor Etxetresnak enpresak "hornitzaileei ordaintzeko" erabili zituen Jaurlaritzak emandako diru-laguntzak, eta ez bideragarritasun planean.
Radio Euskadinko eztabaida batean, EAJko agintariak esan du Jaurlaritza kooperatibaren egoeraren berri izan eta berehala lanean jarri zela eta laguntzeko neurriak eta diru-laguntzak onartu zituztela.
Jarraian, laguntza guztiak "urriak" izan direla esan du, "behar bezala erabili ez direlako. Laguntzak "bideragarritasun planean" erabiltzekoak ziren. Plan horren arabera, Mondragon Korporazioko enpresa kopurua hirura murriztu behar zen. "Kirurgia neurri sakonak behar ditu", gaineratu du jeltzaleak.
Albiste gehiago ekonomia
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.