Debagoieneko udalek banaka ikertuko dute Fagorren krisiaren eragina
Udalek eta Debagoieneko garapen agentziak Fagor Etxetresnaken krisiak eskualdeko udal bakoitzean zein eragin izango dituen aztertzeko ikerlanak egingo dituzte. Enpresak eta, oro har, Mondragon Korporazioak pisu handia dute eskualdean.
Martin Garitano Gipuzkoako diputatu nagusiak bilera egin du gaur Debagoieneko udaletako (Arrasate, Eskoriatza, Oñati, Bergara, Elgeta, Aretxabaleta, Antzuola eta Leintz-Gatzaga Gipuzkoan, eta Aramaio Araban) ordezkariekin, Fagor Etxetresnakek hartzekodunen aurrrekonkurtsoa egingo duela esan eta gero eskualdea nola geratu den aztertzeko.
Batzarraren ostean diputatu nagusiak azaldu duenez, "udal bakoitzak enpresaren krisiak lehen mailan eta bigarren mailan herrian zein eragin izango dituen aztertzeko lan ildoak zehaztea" hitzartu dute. Izan ere, "krisiak ez die Fagorreko langileei soilik kalte egingo, ezpada Debagoieneko biztanle guztiei".
Halaber, Eusko Jaurlaritzarekin, Mondragon Korporazioarekin eta eskualdeko garapen agentziarekin batera lan egiteko konpromisoa hartu du Garitanok. "Egoerari aurre egitea, zein baliabide publiko dauden zehaztea eta krisiaren eraginak leuntzeko horiek nola erabili asmatzea" izango dute helburu.
Egoeraren aurrean, Fagor Etxetresnaki "bideragarritasun plan zehatza egitea eta, lan hori egiteko, errealitatera ahalik eta gehien hurbiltzea" eskatu dio diputatu nagusiak.
"Guk ez dugu bideragarritasun planik egin behar", esan du Gipuzkoako agintariak, gaur arratsaldean Arantza Tapia Ekonomiaren Garapen eta Lehiakortasun sailburuarekin bildu aurretik.
Fagor Etxetresnaken krisiaren kudeaketaren aurrean EAJk azken egunotan egin dizkion kritikei buruz, Garitanok "doilorkeriatzat" jo du gipuzkoar kooperatibaren arazoa "gezurren bidez politika egin eta onuraren bat jasotzeko" erabiltzea.
Albiste gehiago ekonomia
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.