Fagor Etxetresnakek jarduera 'errentagarriari' eutsiko dio
Fagor Etxetresnak konpainiak negozio 'errentagarriei' eutsiz ekoizpen jarduera ez eteteko konpromisoa agertu du, eta, horretarako, "finantziazio iturri berriak" bilatu eta "berregituraketa prozesu gogorra" egingo du.
Hartzekodunen aurrekonkurtsoan dagoen enpresaren arduradunek ohar batean azaldu dutenez, finantziazio bide berrien bila ari dira, "hartzekodunen aurrean erantzuteko eta ekoizpen jarduera errentagarriari eusteko"
Idatziak dioenez, erabaki horrek "enpresaren jarduera bultzatuko du, horren berezko duen eredu kooperatiboa indartuta eta babestuta". Konpainiaren arduradunen arabera, "salmenten jaitsiera progresiboak, prezioen beherakadak eta, ondorioz, jasotako mozkin urriek eraman dute Fagor Etxetresnak, horren esparru lehiatuan, egun duen egoera zailera".
Gainera, "eskualdearen garapenarekiko eta enpleguarekiko konpromiso irmoa" agertu du, eta "horri esker, ekoizpen kostu altuagoak dituen herrialdeetan egiten da ekoizpenaren zati handiena, deslokalizazioan oinarritutako eredu ekonomikoa baztertuta".
Fagor Etxekotresnakek azaldu duenez, "ezarritako salmenta helburuak bete ezinda" geratu dira "merkatu nagusietako baten atzerakada nabarmenak" eraginda, eta, horren ondorioz, "hartzekodunekin zituen konpromisoak" ezin izan ditu bete eta hartzekodunen lehiaketaren atarian geratu da.
Testuinguru horretan, "bazkideei egoeraren berri emateko, komunikazio zuzena eta pertsonala lehenetsi" omen du Fagorrek. Egoera berriak Euskadin dauden 2.000 langileri eta munduko beste lantegi batzuetan dauden beste 3.600 behargini eragingo die.
Horiengan izango duen eraginari dagokionez, Fagor Etxetresnakek gogorarazi du "zorrarekiko duten ardura kapital sozialari egindako ekarpenaren araberakoa" dela; beraz, ez dela "arriskuan jarriko bazkideen ondare pertsonala". Hori horrela, "beste edozein merkataritza elkartek duen tratamendu berbera" jasoko dutela azpimarratu du, eta Kooperatiben legea aldatzeko lanean dihardutela.
Fagor Etxetresnakek berretsi egin du "konpainiaren jarduerari eusteko" duen konpromisoa, eta horretarako "negozio errentagarrien aldeko apustua" egingo dutela eta "lehiakortasuna irabazteko berregituraketa prozesua" abiatuko dutela adierazi du.
"Egokitzapena"
Konpainiaren azalpenen arabera, horrek 2012ko abenduan onartu zuten plan estrategikoa aldatzea eskatuko du, "kooperatibaren eredua gaur egungo egoerara egokitzeko eta indartzeko".
Enpresaren ordezkariek azaldu dutenez, hainbat erakunderen aurrean eta Mondragon Korporazioan bertan aurkeztu duten bideragarritasun planean finantziazio beharrak ondo zehaztuta agertzen dira, denborei dagokienez ere, eta "horren berezko dituen elkartasun printzipioei eutsita jardunbideak egungo testuinguru sozial, politiko eta ekonomikora egokitu behar dituen eredu ekonomikoa berrasmatzeko urratsak dakartza idatzi horrek".
Finantzazioa
Bestalde, Korporazioak eta Eusko Jaurlaritzak emandako laguntza guztiak "konpainiaren bideragarritasuna bermatzeko erabili dira, lehenik eta behin ekoizpen jarduerari eutsiz eta bigarrenik berregituratzeko eta hobetzeko plan estrategiko bat martxan jarriz", oharraren arabera.
Hala ere, laguntza horrek ezin izan du jarduera ekonomikoa bermatu, oharrean deitoratu dutenez, "benetan behar zena baino gutxiago baitzen eta epeak estuegiak baitziren enpresa suspertzeko".
Langileak
Dena den, ontzat hartu du Eusko Jaurlaritzak eta Mondragon Korporazioak "laguntzeko erakutsi duten prestasuna". Langileen egoerari buruz, bere langileen % 80 eta Edesakoak langabezian daude, oharrean irakur daitekeenez, eta Mondragoneko beste kooperatiba batzuetara aldatzen hasi dira dagoeneko.
Euskaditik kanpo, Fagor Brandt Frantziako lantegia eta Fagor Mastercook Poloniakoa geldituta daude, "kooperatibaren zuzendaritzak finantziazioa lortzera bideratu duen prozesuaren emaitzaren zain".
Azkenik, osotasunari begira, Fagor Etxetresnakek bere marka guztien jarduera guztiak merkatu guztietan aktibo dituela erantsi dute. Halaber, salmenten osteko zerbitzu guztiak eta produktu guztien bermeak ere indarrean daudela adierazi dute.
Albiste gehiago ekonomia
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.